吳家樂身在烏魯木齊拍大台新劇《包青天再起風雲》，噚晚開始喺社交網爆seed：「無價值，俾人當透明真係好冇癮」！今日更加發表「逆來順受」論，自嘲EQ唔高能力有限，只好繼續獨來獨往。 （新聞連結：　 https://bit.ly/2rvO1hr　）

網民紛紛留言替家樂仔打氣，連舊同事李珊珊都叫佢：「遇神殺神遇佛殺佛，別被契弟扯著你的腿」，但大台藝人就封嘴冇表態，傳媒向同劇嘅姚子羚了解，佢話呢幾日冇同家樂仔同場拍戲，唔知發生乜事，女主角胡定欣更加冇回覆。事後吳家樂再於社文網出post，稱事件與拍《包青天》無關，只是近幾年「發覺對人和對事的處理方式掌握得不太好，對自己存在了很多問號」，故「逆來順受」論只是想抒發心情，又稱抱歉「打擾大家」。

至於同樣喺新疆拍劇嘅蕭正楠，今日去咗探《包青天》班，劇組貼出佢喺拍攝現場同曹永廉整嘢食嘅相，但就唔見有吳家樂。問到蕭正楠知唔知吳家樂為乜事唔開心？蕭正楠以短訊回覆傳媒表示：「我不在《包青天》的劇組，我在新疆拍《兄弟大茶飯》探他們班做飯給他們吃。大家也很興奮，我哋啲大茶飯幾受台前幕後歡迎，可能大家也真的太掛念香港！可是沒有見到家樂也不知道發生甚麼事。」

精選娛聞，喺晒《娛果》
http://fb.com/appledailyent