李嘉欣、Amanda、顏仟汶、吳彥祖、吳鎮宇等前晚到會展出席《豐胸秘CUP》首映，張玉珊、林建岳等亦往捧場。嘉欣、顏仟汶及Amanda三位女角更不畏寒風，同以性感上衣示人，酥胸半露，切合電影主題。
初步接洽
日前有傳聞指嘉欣取代章小蕙接拍張玉珊的修身堂廣告，嘉欣說：「初步接觸啫，價錢都未傾，佢畀面先搵我。」問她會否與章小蕙一樣以三點式示人？嘉欣驚愕說：「唔係呀？我接受唔到喎，睇吓個古仔啦，健康就冇所謂。」問她會否試食豐胸丸？她的經理人陳善之笑說：「試食？唔得，我攞咗嚟食咁點算？」嘉欣又表示早前已拍下一個護膚品廣告，若與修身堂廣告沒有衝突才考慮接拍。提到戲中一場鎮宇以頭貼着嘉欣胸部的戲分，原來是鎮宇臨時要求加插，嘉欣表示劇情合理所以才接受。
言之過早
而張玉珊表示她與嘉欣經理人陳善之傾談不過五分鐘，而章小蕙合約到六月始屆滿，現在說廣告換人言之過早，張玉珊說：「𠵱家日日俾人追問，搞到好似好大件事好複雜咁。不過如果嘉欣拍都係護膚產品，唔係豐胸丸，梗係唔使性感，但佢做得嘅話一定要試食我啲產品先。」張玉珊謂她與章小蕙溝通過，雙方認為章現時不適宜宣傳。
採訪：馮美茵
攝影：林德雄