港韓美女齊低胸熱到爆
黎明要飲酒減壓

蘋果日報 2002/03/25 00:00


黎明、原子金惠胞姊原麗淇和韓國女星金慧秀等,前晚在尖沙嘴出席新片《三更》煞科宴。原麗淇和金慧秀不約而同穿上低胸裝到來,大晒身材。而黎明則在席上飲酒,減低頻撲的工作壓力。
黎明、原子鏸胞姊原麗淇及韓國女星金慧秀等,前晚在尖沙嘴ClubHavana餐廳出席新片《三更》煞科宴,有關方面邀請了來自香港、韓國和泰國的傳媒及工作人員合共一百五十人到場,花費約三萬七千五百元。
原麗淇與黎明在《三更》的香港單元部分《過年回家》合作,而金慧秀則主演韓國單元部分,兩人前晚均性感示人。

兩地頻撲
黎明前晚在深圳出席完「第二屆音樂風雲榜」頒獎禮,便趕到煞科宴,由於太頻撲,他特別飲酒來減壓。黎明說:「我間中都會飲酒,但酒量麻麻,我嘅宗旨係寧衰莫醉,每次到嘔前我都會停止唔飲。試過喺外國慶功,我飲醉拎咗個枕頭入廁所瞓,酒醒就搵埋我走。」

各有各做
黎明與金慧秀曾在韓國碰頭,他說:「佢喺當地係實力派演員,我去過佢主持嘅節目一齊煮餸。」而金慧秀對黎明印象很好,她透過繙譯說:「我覺得佢好親切友善,如果香港有好劇本,我都想試吓。」
此外,黎明謂工作密麻麻,他昨日已到廣州拍一個新洗頭水廣告,對於早前接拍的無限美洗髮水廣告被郭富城自減身價取代,黎明說:「乜唔係八位數字拍咩?人哋嘅嘢我唔理,各有各做。」至於財政司司長梁錦松和伏明霞相戀,黎明則說:「總之雙方嗰刻touch到咪得。」
採訪:馮美茵、胡比
攝影:陳志嵐