隱世意大利雜貨店 極罕風乾牛肉
蘋果日報 2006/04/19 00:00
意大利菜是香港人其中一款喜歡的菜式，但要自家製意大利菜，通常要到大型超級市場左挑右揀，才可買到意大利專有的配料和食物！有日閒逛西貢，無心插柳之下俾我發現Appetito──坐落於悠閒的西貢區，真係一不留神就容易錯過這間真真正正專賣意大利雜貨的店舖。
店內貨品當然清一色來自意大利，有些更是店主獨家從意大利直接入口，由凍櫃內的芝士、漬物、香腸，到貨架上的意大利粉、橄欖油、茄醬、餅乾、朱古力都排列整齊。仲有少見的食材如風乾牛肉、水牛乳芝士，行入少少仲會發現酒架上擺上不同類型的餐酒。菲籍店主Thelma︰「餐酒全是我丈夫入貨，而食物就由我主理。」Thelma以前在一間本港意大利紡織公司任職經理，經常來回香港同意大利，對意大利文化和美食都瞭如指掌，到後來在香港認識意籍丈夫，丈夫在中環經營Goccia和DiVino兩間意大利餐廳。大家有見西貢區欠缺優質意大利雜貨店，於是決定自己一手一腳開一間。
除了售賣意大利雜貨，店中亦設數張餐桌，Thelma即叫即製意大利菜，若晚市的話好生意到要前一天訂座，Thelma約一個月會為餐牌添上新菜式，客人每到來都會有新鮮感。
店內貨品當然清一色來自意大利，有些更是店主獨家從意大利直接入口，由凍櫃內的芝士、漬物、香腸，到貨架上的意大利粉、橄欖油、茄醬、餅乾、朱古力都排列整齊。仲有少見的食材如風乾牛肉、水牛乳芝士，行入少少仲會發現酒架上擺上不同類型的餐酒。菲籍店主Thelma︰「餐酒全是我丈夫入貨，而食物就由我主理。」Thelma以前在一間本港意大利紡織公司任職經理，經常來回香港同意大利，對意大利文化和美食都瞭如指掌，到後來在香港認識意籍丈夫，丈夫在中環經營Goccia和DiVino兩間意大利餐廳。大家有見西貢區欠缺優質意大利雜貨店，於是決定自己一手一腳開一間。
除了售賣意大利雜貨，店中亦設數張餐桌，Thelma即叫即製意大利菜，若晚市的話好生意到要前一天訂座，Thelma約一個月會為餐牌添上新菜式，客人每到來都會有新鮮感。
■熟客Tony︰「我住西貢，通常都係我太太嚟買嘢，今日剛好經過，鍾意佢呢度選擇多乜都有。」
■風乾牛肉（$88）香港少見，來自意大利的Trentino省，配上沙律和芝士薄片。
■凍櫃內的意大利漬物（$20-$30/100g），Thelma自家製造。
■店主Thelma的女兒Francoza整天掛着天真的笑容，愛對着鏡頭哈哈大笑。
Appetito（27915666）
西貢宜春街61號
營業時間︰9:30am-8:30pm
西貢宜春街61號
營業時間︰9:30am-8:30pm