如果你係1股股東，你會做咩？噚日華華響網上四處八啩之際，響港交所網站瞄到一個通告，藍籌新貴富士康（2038）話，周一開大會，表決向大股東買嘢，結果100%投票通過。但係睇真啲，原來竟然有個股東投下佢嘅1股神聖票──唔係贊成而係反對，呢位仁兄唔知係咪一向愛搞鬼嘅DavidWebb呢？
近排鍾意咁搞鬼嘅，查實仲有合和基建（737）主席胡應湘，又係響港交所個網，華華發現，Gordon響股東大會前一日，即係10月18，用5個7買咗1股合和基建。想嚟想去，華華都唔明。皆因佢經已係合和基建大股東，買多1股，作用唔大，亦唔夠佢將

唔知，原來唔少人係1股股東，據全港最大嘅專收碎股證券行一中證券主席彭啓明話，傳媒、專業會計師、財經顧問同埋財經評論員，為咗慳皮，都會買唔同公司嘅1股碎股過戶做股東，除咗收年報通函，仲可以參加股東會投票，向管理層提問。對於呢啲買家，1股同一手，一中都係每股收咁多，而對賣家（如銀行同證券行）就視乎股份係咪藍籌、活躍度，按市價折讓0.7%或1至2%