義莊聽落係個陰森恐怖嘅地方，但係聯合國教育、科學及文化組織，剛剛頒咗個亞太區文物優異大獎畀由東華三院擁有同管理嘅東華義莊，表揚東華修復義莊嘅工作做得出色。
香港開埠初期，唔少由內地嚟香港做嘢嘅工人，死後都想有人將遺體運返故鄉安葬，設立義莊就係為咗暫時存放客死異鄉僑胞嘅遺體，等待親人安排運回鄉下。
東華義莊原址係西環牛房，一八七五年就存在，到咗一八九九年搬咗去大口環現址。
東華義莊全盛時期為六十年代，當時寄存嘅靈柩數目超過六百具，骨殖約有八千副。百幾年來經歷過唔少風風雨雨，東華先後進行過多次大小規模嘅修建工程。

傳真︰2623-9278
電郵︰[email protected]