佳士拿PTCruiserConvertible 盡現個性一面

蘋果日報 2002/03/25 00:00


早前本欄曾經為大家報道過,佳士拿將會為旗下嘅PTCruise推出開篷版本;而喺最近舉行嘅日內瓦車展上,廠方就展出咗全新PTCruiserConvertible開篷車,並預算最快可於2004年初喺歐洲市場推出。
PTCruiserConvertible喺外形設計上,與原有硬頂型號相近,大家都同樣以圓渾嘅車身線條,以及闊大嘅鬼面罩配搭出現;但為配合其較富動感嘅形象,廠方將會為其改用雙門設計,當然唔少得重有係新車賣點所在,以及開關時間甚短嘅篷頂配搭啦。車廂布局亦會與現有型號相同,除空間寬敞舒適外,車內座椅亦見承托力十足,乘坐倍見貼服舒適。另一方面,預算新車將會沿用原有PTCruiser喺歐洲市場嘅機械配搭,如2.0及2.2公升引擎等等,馬力輸出各有不同,以迎合不同用家需要。未知新車有無機會引入香港呢?各位有興趣嘅車迷,不妨拭目以待喇。