中央政策組冇咗阿頭，老董又要四圍搵人，八方八卦問吓知情人士要乜條件，要人面廣？有能力？定係有興趣？點知對方不語，重笑八方漏咗個最重要元素，就係要得阿董信任。
果然一語中的，鄭維健對阿董嘅支持，可算第一，簡直係阿董之友，咁佢嘅接任人亦唔可以少啲忠誠。王于漸合晒條件，但佢老哥又話唔會減薪過檔，莫非佢攞緊高過Ｄ８嘅人工？真係費解？
又ＣＰＵ兩位顧問練乙錚同曾德成均快合約期滿，其實呢兩位前輩都夠資格做阿頭，使乜外求？


E-mail：[email protected]