篤定年尾搞熱情婚禮
向華勝搜羅巨鑽娶張玉珊

蘋果日報 2002/03/20 00:00


四十九歲的向華勝與二十六歲的女友張玉珊拍拖五年,更兩度傳出婚訊,可惜一直只聞樓梯響,不過向華勝終證實將於今年底正式迎娶張玉珊,婚禮會選擇在東南亞舉行。
永盛電影公司老闆向華勝與張玉珊相戀五年,由前年開始,兩人已有結婚計劃,原本向華勝打算在前年六月偕女友到歐洲結婚,更會包專機邀請香港親友觀禮,但因張玉珊忙於修身堂生意,令結婚計劃一再拖延。

向華炎做主婚
不過向華勝一直希望能夠給予女友張玉珊正式名分,所以他已計劃今年十二月迎娶佳人,而長兄向華炎則會做主婚人,最近向氏家族已開始籌辦此囍事。
記者昨日致電向華勝,他說:「婚期的確定咗喺年底,不過唔會喺香港擺酒,會改去東南亞搞婚禮,我鍾意陽光與海灘,所以都係唔去歐洲,喺亞熱帶地方行婚禮好過,𠵱家我重未買結婚戒指,當然唔少過三卡鑽石啦!」
張玉珊對於男友終於定好佳期感到十分開心,她在電話中說:「之前計劃兩次去外地結婚都結唔成,係因為我搞生意太忙,唔可以離開香港太耐,始終籌備婚禮好嘥時間。」

男友全權負責
張玉珊續道:「今次婚禮會由佢(向華勝)負責籌備,我就唔會理,雖然有傳聞話我收到結婚戒指,實際就未收到。」