當年今日

神舟十號升空

蘋果日報 2013/12/31 00:00


元旦日第九場有乜特別?戰馬中「神舟十號」、「佳音」及「舞林高手」曾喺12月初同程直路賽順序跑入三甲。最矚目當然係「神舟十號」,兩戰兩勝輕鬆到暈。「佳音」、「舞林高手」上場其實已落後「神舟十號」相當遠。睇番「神舟十號」前仗初出嗰次,冇乜點用力,已經砌低亞軍「勇敢福星」,後駒之後表現點呢?原來好好喎,已贏咗兩場頭馬。由此可反映「神舟十號」有幾厲害。今次「神舟十號」可以話有三大利好因素:一係排12檔,直路賽不嬲外檔着數。二係潘頓唔放手,1月3號係佢生日,一定鬥志鮮明。三係今場好多對手,都係「神舟十號」嘅蹄下敗將。
大陸嘅神舟火箭,成日成功升空,睇嚟「神舟十號」亦可以一樣,扶搖直上,評分係咁升呀、升呀!
有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange