金剛(李信樵)上年喺台灣意外捲入槍擊事件，當時女友陳蕊蕊一直好緊張男友，更稱相信對方與事件無關，二人拍拖3年以嚟，不時喺Instagram貼恩愛合照，最終都係分手收場，有傳金剛月初已經同蕊蕊分手，更中搬離愛巢，不過二人就否認有第三者介入。

陳蕊蕊同周秀娜前男友Avis（陳偉成）拍過拖，由於Avis勁花心，曾有傳一腳踏兩船，冊蕊蕊室友Yumi（尹蓁晞）暗交，最後分手，當時金剛力追蕊蕊，仲喺網上為蕊蕊抱不平，狂踩負心男Avis，成功冧掂蕊蕊，二人拍拖8個月都好甜蜜，不過冇耐，就開始為啲小事嘈交，金剛更被指花心，兼鍾意去蒲。