當年今日

  快閃宣傳法 - 李八方

蘋果日報 2005/07/17 00:00


噚日喺旺角街頭,十幾個潮人突然衝出嚟大聲嗌咗分幾鐘,然後失驚無神,成班人走晒。八方以為又係快閃黨,但冇幾耐佢哋又再出嚟嗌一輪,八方走埋去聽吓,原來佢哋喺度推介一部最新相機嘅功能。
相機生產商嘅職員同八方講,因為覺得如果又係喺街擺宣傳攤位,啲途人都未必會理,所以諗到用呢個喺日本同泰國好興、意念源自快閃黨嘅街頭表演方法,「我哋一個鐘頭做四次,做足四個鐘,真係吸引好多人等我哋出嚟表演㗎。」佢哋都係靚仔靚女,呢啲宣傳睇吓無妨,好過成日收到嗰啲促銷來電吖。
黃冠華攝

傳真︰2623-9278
電郵︰[email protected]