宣傳搵命博 唔怕隨時震
安仔、Eason勇闖台北重災區

蘋果日報 2002/04/02 00:00


台灣前日發生六點八級地震,還隨時會發生餘震,不過許志安和陳奕迅卻絲毫不畏懼,昨日不約而同啟程往台北宣傳新碟。陳奕迅更慶幸身為香港人,比台灣和內地人幸福得多。
台灣前日發生六點八級地震,而台北災情亦頗嚴重,更可能會發生餘震,不過一眾藝人仍要到當地宣傳。昨日早上許志安(安仔)及陳奕迅(Eason)先後飛往台北,二人將會於當地逗留約十多天。
安仔往台北宣傳國語碟,問他會否擔心地震時,他說:「我又唔係好驚,都冇乜所謂啦,今次我會留一個禮拜,我諗所有工作都唔會受到影響,一切應該如常進行。」

「香港人真幸福」
安仔昨日還被記者取笑他多次穿同一件名牌ABathingApe衞衣,問他是否要儲錢迎娶鄭秀文?安仔聽後笑說:「唔好又講呢啲嘢啦,我只係覺得有時藝人用得太多錢買衫啦,況且上到機都冇人理你着乜㗎啦!」
而Eason昨日則感慨地說:「我覺得香港人真係好幸福,反而內地同埋台灣成日都有好多天災,佢哋都好慘㗎。今次去台灣主要宣傳國語碟,本來有一日我要去潛水,不過𠵱家因為地震,可能會取消。」
而Eason的父親將會上庭,他對記者提問此事時,表現得極不耐煩,Eason說:「我唔想再講呢件事喇,你哋成日都問我呢個問題。」

Kelly韓國拍廣告
此外,陳慧琳(Kelly)、鍾麗緹、陳冠希母親、沈殿霞和愛女欣宜亦出現機場。Kelly由鍾珍及黃栢高陪同下前往韓國拍廣告,鍾珍更主動拉黃栢高和Kelly拍照,鍾珍說:「你哋好快啲影啦,唔係一陣又無端端話你兩個不和呀。」而鍾麗緹則和女兒Yasmine前往新加坡。
採訪:卓寶花
攝影:陳志嵐