梁愛詩噚日去香港台灣婦女協會午宴，大談香港女性法律權利，由大清律例妾侍講起，直到現代嘅二奶問題，在場多數係由台灣嚟香港嘅女士，聽得好投入，連Elsie不太標準嘅國語都唔介意。
Elsie重講起自己八十年代私人執業時，有一次告過當時嘅入境處長歧視女性，原因係當時男性好輕易就可以申請台灣太太來港定居，但香港女子就唔可以申請台灣丈夫來港。
單官司最後輸咗，因為當時香港未簽署「公民權利和政治權利國際公約」。講到興起，Elsie連克林頓同萊溫斯基條「有料裙」都引用佐證，引起全場大笑。不過對於點樣杜絕二奶，Elsie都自歎束手無策，「法律好難綁住人心」，惟有靠大家自己認識到家庭嘅重要性。
（圖）梁愛詩講完一輪，係時候醫肚。


傳真︰2623-9278
電郵︰[email protected]