楊千嬅：
自細就鍾意睇蜘蛛俠漫畫，仲夢想過嫁畀蜘蛛俠，第3集仲有黑蜘蛛，梗係想睇吓搞乜啦！不過呢排戲院咁爆，唔知今晚買唔買到飛睇。

陳慧琳：
都幾期待第3集上映，之前睇咗兩集覺得好好睇，聽聞拍埋呢集就冇，所以更加唔可以錯過，同埋我好想睇吓隻黑蜘蛛喺部戲度點奸法。

梁詠琪：
之前嗰兩部都好精采，特技畫面又勁，睇見人哋呢啲大製作會幾羨慕，因為美國拍特技片水準真係好高，香港唔知要幾時先可以追到。

街坊追捧特技

S小姐：
我睇咗之前嗰兩集，覺得好吸引，睇開梗係睇埋第3集啦，而且呢齣係大製作，呢排上映嘅戲之中，一定係揀呢套嚟睇啦。

羅小姐：
我覺得第2集最好睇，最想睇套戲嘅特技，我唔係為咗睇主角而睇，而係因為個故事吸引。

朱小姐：
我睇7點幾嗰場，都要坐第4行呀，不過我睇之前嗰兩集都係坐得好前㗎，我為咗睇特技先嚟睇㗎。