法國標緻部206可謂長賣長有，兼且愈見精彩㖭！事關早前小跑車版嘅206GTi，以至電篷頂嘅206CC，及近期嘅206Sky-view天幕版型號，均見有其獨特性及賣點，而剛推出嘅2061.4Sky-view新版，更破天荒以唔到10萬元嘅價錢開賣，車價跟日本車睇齊，難怪吸引到唔少用家追捧啦！
然而，最近亞Mark又收到消息，話車廠會快將推出五門長陣嘅206SportWagon新車，除配以一身跑車裝備外，新車重會用上一台2.0公升GTi偈作主打，既具跑車氣質，又有RV車嘅實用性，聽聞新車售價會響16萬上落之餘，部車重有望響3月上旬到港㖭！各位有興趣嘅朋友，就真係要拭目以待喇！