早幾日收工經過旺角書報攤，睇見《足球小將》出第7集，即刻二話不說購入；講真而家睇《足球小將》，好大程度都係小學時累積嘅情意結，由志偉小學同小志強鬥過你死我活，到而家踢巴塞隆拿，仲成家立室，大頭妹仲有埋小志偉，感覺好似睇住朋友成長。
現實巴塞都有好多足球小將，美斯極速成名，杜斯山度士同保贊今季就等上位；周中作客格流，控球指數達7成，不過咬唔入格流；我感覺巴塞求仁得仁，作客博1分就夠出線，無謂硬碰；今次回師西甲，主場對艾美利亞，大炒在望。

讓球主客和：巴塞隆拿勝[-1]

心得：巴塞重現真身

近5場往績：輸輸輸贏走

牽牛
施丹退休，頓感失落，期待阿仙奴的法比加斯他朝有此神乎奇技。