讚哥哥好叻:識買飯買水

蘋果日報 2017/10/14 05:20

縱火練錦鴻爆竊張超雄智障社署刑事損壞石有監護

【本報訊】被告石有的輕度智障胞妹雖然身為兄長的監護人,但她不認為監護兄長有何困難,「佢有手有腳,自己識得照顧自己,我唔理得佢咁多,最多佢判監,我去探佢」。她更形容兄長「好叻」,「識得買飯同去7仔買水,一嘟(用八達通)咪走囉」。
石有兩兄妹的父母分別於2007和2012年離世,他們有一名智力正常的弟弟,惟孩提時已交叔叔帶往英國定居,間中回港。兩兄妹同住於大埔公屋,沒有工作,靠綜援過活,「啲人唔肯請我哋㗎」;但她透露兄長曾做搬運生果工,賺取每日數十元薪水,但後來因太懶散被炒。
石妹形容與兄長感情「過得去」,對方犯案後會跟她「分享」過程,她每次都警告胞兄。雖然每隔一段時間兄長就被捕,但她多年來沒有一刻嫌棄兄長,「個個都會犯錯啦,知錯能改就得,好似佢應承過社工要掉咗屋企啲雜物,一知社工要嚟屋企,佢早兩日就會執乾淨啲地方,仲識得叫人靚女㖭」。
石氏兄妹的母親原來也屬中度智障。石妹說小時候要入讀特殊學校,才知自己智力與人不同,曾與兄長追問父母「點解我哋會咁」,但父母只說「你哋唔明㗎喇,唔准問,再問就打巴」,結果這個問題直至父母相繼離世,他們仍不明所以。
■記者蔡少玲