聽日係國際兒童節，已淪為第三世界嘅香港特別行政區，重有好多小朋友生活喺貧困線以下，社聯行政總裁方敏生噚日就落深水埗探望住喺板間房嘅細路仔，喺佢身邊有個亭亭玉立嘅女童，貼身跟住又同佢攞手袋。八方問係咪佢乖女，點知方敏生好神秘咁笑笑口話：「都係嚟做義工啫！」在場嘅社區組織協會幹事施麗珊督穿佢話「係佢個女。」
方敏生真係母女情深，今年母親節，佢宣布參加九月立法會社會福利界功能組別選舉時，女兒就親自畫咗張心意卡為佢打氣，今次又同佢一齊親身體驗貧苦大眾生活。
（圖）方敏生（右）被指帶同女兒（左）做義工，體驗板間房兒童貧苦嘅苦況。


傳真︰2623-9278
電郵︰[email protected]