有線寬頻上網網絡客戶鄧先生，居於大埔安邦路私人屋苑昌運中心華昌閣，他向《蘋果》記者講述事件時仍餘怒未息。他說，由於他與家人均需清早上班，所以，通常晚上十時許便上床睡覺。上月二十四日晚上，睡夢中被拍門聲吵醒，他家人同樣被吵醒，他一看時鐘，原來已是午夜近十二時。
「我開門問邊個拍門，原來係有線寬頻嘅職員，話要更換大廈內各上網客戶用緊嘅寬頻機，但係我根本從來冇收過通知，而且第二朝重要返工，所以冇畀佢入屋。」

鄧先生稱，為免再有有線職員午夜上門換機，他於八月二十五日致電有線寬頻客戶服務部，要求預約時間更換寬頻機，職員聲稱，不能為其預約，着他致電其他部門，他幾經折騰，才找到技術支援部，一名女職員回覆，令他啼笑皆非。
「佢竟然話：『𠵱家係冇得預約嘅，而負責更換寬頻機啲職員外出工作，公司冇辦法可以聯絡佢哋。』𠵱家乜嘢年代，職員連手機都冇？女職員話最快要等到個換機活動喺八月二十六日完咗之後先可以預約，咁樣唔通要我日日喺屋企等佢半夜先嚟換咩！」
有線寬頻客戶關係部回覆本報查詢稱，為向客戶提供嶄新的寬頻服務，有線寬頻陸續為客戶更換新型號寬頻機。就是次在鄧先生所住大廈進行的寬頻服務升級工程，有線寬頻事先已透過電郵通知客戶有關安排，並安排職員一連三天多次到客戶鄧先生的登記地址更換新型號寬頻機。

記錄顯示，有線寬頻於八月二十四日至二十六日，曾安排職員往鄧先生所住大廈的客戶更換寬頻機，工程完成後已確認鄧先生於八月二十六日可成功使用服務。
（○八二七○二三）

服務熱線
電話：29908288
傳真：23702192
電郵：[email protected]