【有片】强制安心出行首日 有食肆外賣激增 122%

立場新聞 2021/12/09 20:08


政府早前宣佈今日(9日)開始,市民進入美容院、所有類別食肆及主題公園等場所,必須先使用「安心出行」應用程式。《立場》在 12 月 7 日及今日的午市時間,在荔枝角商場內的友利冰室統計堂食、外賣單數,發現新措施生效的首日,外賣單大增 122 %,而堂食單則微跌一張。冰室老闆估計賣數量大增,源於一部分堂食客人轉以外賣形式光顧,因食客有感沒有選擇權,「講真唔記得帶鎖匙都周時有,唔記得帶電話都唔係咩一回事。」有食客寧願買外賣回辦公室用膳,並稱「多咗一種限制嘅感覺,我唔想買個意粉又俾人知」,亦有食客因工作場所地方有限而被逼堂食,形容用安心出行猶如「雙膝齊跪」。

empty
同一間冰室,12月7日的午飯時間,約有 36張外賣單(左); 今日外賣單增至80張(右)。
今日(9日)中午 12 時許,冰室入座率僅得一半,門口則有 10 多人排隊購買外賣,亦有顧客呼籲同行友人「攞返去食啦」。友利冰室老闆爆炸頭指,以 12 時半為計,堂食較實施前「明顯地減少」,表示一般堂食入座率達八成,但現時僅得一半,並指在未到 12 時,已有 10 多張外賣單。
外賣數量多激增 122 %​​​​​​
《立場》在政策實施前,即 12 月 7 日曾到同一冰室做統計。同樣是平日中午的 12 時至下午 2 時,措施實施前(7號),外賣數量僅 36 個。惟強制安心出行後,外賣數量達 80 個,與實施前相比多超過 1.2 倍,由於部分餐須使用超過一個膠盒,外賣膠盒的使用量遠比 80 個多。
堂食方面情況相約,實施前有 193 個餐,實施後則有 192 個餐。不過老闆表示,周四、五的堂食一般較周一、二的多,形容兩日堂食相約情況並不常見,估計外賣數量大增,源於一部分堂食客人轉以外賣形式光顧。
增加外賣盒數量一倍 推自煮火鍋湯包
老闆指,在實施前已增加外賣盒的儲備,數量較平日多一倍,達到 1,000 個,外賣盒的尺寸較大,「有啲扒類之前都係預堂食,可能依家都選擇有外賣」,亦積極推出可外賣的火鍋湯包,「上個月中開始研究出火鍋湯包,俾啲人可以帶返屋企自己煮」。
empty
今日(9日)中午 12 時許,冰室入座率僅得一半,門口則有 10 多人排隊購買外賣,亦有顧客呼籲同行友人「攞返去食啦」。
外賣避用安心出行 客人:唔想買個意粉又俾人知
買外賣回辦公室食用膳的陳先生表示,視使用安心出行為「可免則免」,坐喺個位度食好過出嚟又要嘟佢,又要畀人Check」,晚飯則留家食,「就係唔想嘟…….多咗一種限制嘅感覺,我唔想買個意粉又俾人知,又唔知佢啲訊息、data 會去邊,就無謂搏喇。」
質疑政府居心可測 用安心出行猶如「雙膝齊跪」
亦有人表示因工作等原因而「被逼」堂食。帶同就讀小學的兒子堂食的劉太指,原本一直堅持「填紙仔」,惟現時懷孕,需要出入必須使用「安心出行」的醫院,因此預備另一部電話,以使用安心出行,「堅持咗好耐下,帶筆出街……. 唔知佢之後會唔會 check 你去咗邊,但你要我裝都冇計。」她形容政府「居心叵測」,在疫情穩定時反而收緊防疫政策,「之前咁誇張嘅時候你唔強制叫人裝,其實而家個案唔多,依家先來做會唔會有少少多餘?」
empty
《立場》在 12 月 7 日及今日的午市時間,在荔枝角商場內的友利冰室統計堂食、外賣單數,發現新措施生效的首日,外賣單大增 122 %。
一名不願具名的女士表示,因工作地點座位有限,只能「被逼」使用安心出行,「唔想,絕對唔想,一來唔想就範,雖然好多人話唔會資料外洩,但依家政府講嘅嘢可以信幾多成?」她形容使用安心出行是「雙膝齊跪」,「填紙仔已經係跪咗一半,依家係雙膝齊跪咁樣,冇辦法…….. 唔通我真係日日攞住個外賣喺公園坐咩?」
批評無選擇 「唔記得帶鎖匙都周時有」
友利冰室老闆「爆炸頭」批評,政府也沒有給予市民選擇,「講真唔記得帶鎖匙都周時有,唔記得帶電話都唔係咩一回事…….就算唔填紙仔,可以嘟八達通,可以俾人有個選擇,唔係一定要電話係咪?」
他質疑在多日未有社區感染的情況下,強制「安心出行」僅為一小撮人的利益而做,「為左某啲地方嘅通關,要達到某啲地方嘅要求,就添加新嘅規例落去,你話今日就都安心出行,遲啲就健康碼、可能打針先入得來食飯。」
empty
稱提高追蹤效率 須使用「安心出行」
食衞局上月 23 日宣佈收緊各類食肆的防疫規定,由 12  月 9 日起,使用「安心出行」流動應用程式的規定將擴展至所有受法例 599F 章規管的處所,包括 A、B 類食肆、戲院、美容院及主題公園,屆時除 65 歲或以上長者等人士外,其餘進入這類處所的顧客均須先使用「安心出行」,不可以填寫個人資料代替。局方稱,措施是為提高確診個案的追蹤效率和準確度,應對傳染力更強更快的變異病毒株。