評行李門 一田莊偉忠：我會叫個仔掉咗件行李
立場新聞 2016/04/28 19:47
資料圖片：莊偉忠
一田百貨行政總裁莊偉忠即將退任，今日舉行傳媒茶敍時與記者大談時事。被問到對特首行李門有何看法，莊偉忠認為不應為難前線員工，「如果發生喺我個仔身上，我會叫我個仔掉咗佢（行李）。」
莊偉忠將於5月5日正式離職。他今日與傳媒回顧過往點滴，卻被傳媒追問對時事的看法。針對行李門事件，他直言不應為難打工仔：「自己嘅嘢，自己負責。所有人都係打工啫，千祈唔好難為打工嘅人，每樣嘢留半分餘地。」他續謂：「如果發生喺我個仔身上，我會叫我個仔掉咗佢（行李）。有證件咪得囉，其他有咩所謂？」
至於《明報》以節流為由解僱執行總編輯姜國元，莊偉忠斥「人工高呢個藉口一定係亂噏」，他認為《明報》此事處理手法差劣。他又指有專欄作家「開天窗」以示不滿，反映公眾並不接受是次裁員決定。
莊偉忠又指，自己在一田期間沒有裁員，「公司要慳錢有很多方法，最後沒有辦法才會裁員，但身為CEO人工最高，炒我就可以，毋須炒其他人。」他舉例指早前調整公司清潔、保安及電腦部開支，就已節省了200萬元，「人是公司的命脈，公司只有善待員工，才是對投資最佳的保證」。
被問到退休後的計劃，他透露退休後會接拍廣告：「自己接了數個廣告，因為我不是懶的人，但我只想做一些自己有興趣的事；也有朋友找我寫專欄，但我已經婉拒了，還有一些電台節目我也推掉，因為退休不能夠做太多事。」他又表示自己適合做生意，有想過退休後做顧問，「但有冇人願意請我，都係未知」。