Chris Evans因為「美國隊長」正面、正義形象深入民心，但佢日前唔小心喺網上「露鳥」，晒出一張男性下體相片，立時成為世界性的網上熱話。  是咁的，Chris Evans喺IG限時動態分享同親友玩遊戲《Heads Up》嘅短片，點知片尾意外show埋Chris Evans嘅手提電話相簿，當中就有一張男性生殖器相片。  Chris Evans發現後，已經9秒9刪去，但仍然快唔過千千萬萬嘅網民，神早已被截圖四圍瘋傳，甚至改圖嘲笑。  雖則唔肯定相中男性生殖器屬於Chris Evans，但足以令萬千女fans為之瘋狂，認為必定係「美國巨腸」。  記得以前有人話睇完《Avengers》，對「美隊」Chris Evans嘅結實臀部印象好深刻，仲封佢為「美國翹臀」。估唔到咁快，而家已經由「美國翹臀」，進化至「美國巨腸」，網民係咁話㗎：「Chris Evans really went from americas ass to americas c*ck real quick.」

----------------------------  守住新聞自由 和你撐計劃每月$300起撐《壹》仔  <a href=" https://hk.nextmgz.com/campaign/premium.html ">按此了解更多</a>  壹呼百應 號召有心人 請香港人睇壹週刊  <a href=" https://hk.nextmgz.com/article/2_739461_0 ">按此了解更多</a>  -----------------------------  英國移民、升學、就業、買樓生活資訊！  立即加入「<a href=" https://bit.ly/2D9QsjG ">走佬去英國 － BNO 5+1 移民資訊研究所</a> 」  -----------------------------  <a href=" https://hk.nextmgz.com/archive ">【《壹週刊》昔日紙本檔案庫】</a>  30年壹仔經典 壹壹重現！

【美國隊長】Chris Evans誤晒生殖器相刪唔切 網民瘋傳「美國巨腸」

網絡流傳大量五年前中國國家主席習近平訪問英國的片斷。當年英國政府招待禮遇極高，不但白金漢宮庭園有隆重歡迎儀式，連皇儲查理斯也親到國家主席習近平酒店恭迎。中方領䄂獲得夜宿白金漢宮待遇。然後英國首相陪同去酒吧見平民、喝啤酒；再去曼徹斯特參觀足球場。英國想向這位中方動之以文明攻勢，希望頑固堅守馬克思主義的中國可以開拓一點眼界。雙方簽署高達六百億英鎊的貿易「意向書」和協議等，但記者沒有再追查此等文件有幾項得到落實。  幾年之後，英中關係據說達到冰點。美國總統下令英國驅除華為，英國電訊網要優先顧及國家安全，否則不會分享情報。「黃金時代」的泡沫成為泡影。  不知英國政府回首，幾年人事，會覺得超級搞笑，還是感到受辱。  之所以如此收場，除了英國人二十一世紀辦外交，偷財短視，對於中國與世界缺乏了解，以及就「全球化」作繭自搏甚或自掘墳墓，都是原因。  在西方文明世界之中，與中國打交道的西方文明國家，以英國歷史最早。東印度的英中貿易，以馬爾戞尼勛爵謁見乾隆為序曲，太平天國之亂，英國傳教士大量目擊文獻，對於此一遠東國家，西方文明社會之中累積知識檔案最為齊全的應是英國。但今日對中外交一場糊塗居於榜首者，也是英國。  英國政府一心將中國資本引入中國市場，唯一個錢字。誠然，英國外交以貿易為核心，與世界其他各國打交道，無意將西方文明向世界其他國家推展灌輸，即使佔領其領土，建立日不落帝國，建立行政立法局，也是橡皮圖章，只參考英國政治結構的外殼，因為英國殖民主義者不相信土著有建立民主理性政治的智商和能力。  但外交也不至於膚淺到只懂得一個錢字。英國百年對中國外交不只是政府，還有企業如東印度公司；還有利用香港殖民地，以及威海衛的暫時據點。更重要的是 ，英國學界知識份子也曾經為英中外交有所貢獻。  一九二○年英國左翼哲學家羅素訪問蘇聯之後，接到北京大學邀請來華講學一年。  當年十月，羅素一行乘郵輪抵達上海，英國政府指示駐華公使監察羅素在中國的言論。因其時羅素左傾，認為蘇聯是英國未來的方向，英國政府恐懼羅素來到中國唱衰保守黨政府，一旦發現其在上海「說三道四」，據報英國公使準備採取行動，要求民國政府將羅素驅逐出境。  羅素先在上海逗留數日，接觸知識界。出任翻譯者是由美國留學歸國、研究語言學、年僅二十八歲的趙元任。羅素隨即遊覽杭州西湖，轉往南京，長江乘船到武漢，出席一場教育會議。  在漢口，羅素與美國哲學家杜威相遇，而杜威剛好也獲應邀在中國展開學術訪問。英美兩名思想家偶遇於長江，討論學術、傾心交流，中國知識份子與大學生則在旁傾聽，充滿對未來的憧憬，此為英美文明與民國精英薈萃的一段佳話  然後羅素北上北平，展開五次講座，包括數理邏輯、哲學問題、社會結構。北大一千五百名學生聽課。邏輯之外，羅素還講了唯心論、因果律、相對論和重力論，引起中國學術家極大興趣。  北大學生視羅素為偶像，紛紛開設「羅素研究社」，發行「羅素月刊」。羅素同行的女友Dora Black則兵分兩路，去北京女子師範大學講述社會與女權。  兩人在中國的學術活動非常繁忙，講座工作六天，然後遊覽舊北平名勝古蹟。羅素還到河北的保定，照顧二線城市。因為繁忙，患了重感冒，送到醫院，診斷出有急性肺炎，病後去抵上海，決定經日本加拿大返回英國。  羅素在中國八個月的旅行，印象極佳。在離開中國抵達日本時，羅素對日本人的印象不好，認為日本人顯得缺乏道德，又很冒昧，不如中國人之有禮。羅素回國後撰寫「中國問題」一書，認為中國行政敗壞，應訴諸社會主義。  羅素的言論與英國政府無關，但英國政府沒有阻止他去中國。因為即使羅素在國內是保守黨和貴族社會的敵人，但英國政府知道，羅素的思想可以在中國有發展的空間。  這是一百年前英國對中外交能海納百川的包容之處。除了想到一個錢字，英國人當然認為：同時促進中國的民間知識份子思想走向進步，是長治久安之計。當然，羅素信仰的社會主義，不見容於保守黨統治的英國，但不見得向中國人講這一套就是不好，中國是農業社會，地權不均，貧富懸殊，或者社會主義在中國人口實驗一下，讓西方遙距看一看，就像測試病毒的疫苗，總要一些人自動做臨床試驗品。  羅素的社會主義思也有別於共產主義。而這一年，正是五四運動後一年，與中共在上海正式成立前一年。  今年是羅素訪華一百周年，卻正逢「黃金時代」夢幻破滅、面臨BNO問題等決裂的一年。這一個世紀，中國有何變化，是進步還是倒落，有目共睹。  英國政客和外交家由百年前的大格局，縮小到舉國上下、連英女皇都做了經紀，更是相當可笑的萎縮。  羅素回英國之後，出任「庚子賠款委員會」英方委員，參與退還中國庚款興學的工作。 後來羅素去美國講學，遭到美國右翼聲討他的無神論。  若今日羅素在生，看見白金漢宮這等接財神的排場，再看見中國二十年來從無邀請一名英國學人如歷史學家費格遜、通菜電視主持人安德魯馬爾去北京上海講學，上中央台和鳳凰台主持一節對談，與楊憲益和徐志摩留學英國學習西方人文思想的時候不同，今日紅色中國向英國關上思想價值觀的大門，卻又用金錢與科技千方百計滲透英美。在川普的掌摑之下，英國人似有開悟，唯不知羅素若能復生，於此又作何感想？

【坐看雲起時】羅素訪華一百周年（陶傑）

33歲馬貫東，喺大台劇中多數飾演乖仔、暖男角色，幾有觀眾緣，所以近年亦有上位跡象，開始躋身男二之列。  不過，今日有報導指佢其實係「軟飯王」，專搵有錢女拍拖，前度Queenie Kwok係，現任Christy So都係，二人更準備築愛巢同居。

據報有讀者向《蘋果》爆料，指馬貫東前度Queenie Kwok係英國大學畢業返港，二人經朋友介紹認識並相戀。Queenie屋企做海鮮批發，老竇仲疑似係政協身份。  拍拖期間，Queenie幾乎包起晒馬貫東所有使費，唔單只衫褲鞋襪出街飯錢，就連卡數，以至去旅行坐business、住酒店，通通都係Queenie埋單。  有傳馬貫東家境一般，喺大台捱足13年，曾經窮到戶口只剩幾蚊存款，所以搵到個有米又肯使喺佢身上嘅女友，執到。但，馬貫東難得近年氹得掂大台高層，有上位機會，所以拍拖事收得好埋，仲千叮萬囑Queenie唔可以公開關係，就連Queenie約好晒《開心速遞》一班藝員幫馬貫東慶祝生日，事後Queenie post出小鳥依「馬」合照，但馬貫東post嘅相就無女友Queenie份。  至於二人最後分手，《蘋果》報導指係去年中嘅事，因為女方父母反對。

馬貫東現任女友係Christy So，馬貫東亦直認二人開始拍拖無耐，但就否認女方係有錢女。不過，從Christy客廳大過一般港人成間屋嘅相嚟睇，唔嘢少，難怪咁快就有本事傳同居。  雖然馬貫東貫徹戀情低調做法，IG一張女友嘅相都無，但就充斥住唔少貓貓相。而Christy So亦是愛貓之人，只要認一認貓，就會發現二人關係匪淺。唔知係咪同樣受到馬貫東叮囑唔好公關戀情，Christy嘅IG一樣無二人合照，但唔難發現，Christy嘅相片、留言中，周不時都會使用「馬」嘅圖案，係個幾明示嘅暗示。  順帶一提，聽聞馬貫東女友Christy嘅前度，就係《反黑路人甲》入面嘅陸秋朱敏瀚。喺電視城返工，撞見「好兄弟」嘅機率唔細。

【愛回家秦博思】33歲馬貫東被指大台軟飯王 衫褲鞋襪卡數旅行靠女友全包

43歲康子妮與49歲林曉峰，日前突然爆出離婚消息，18年夫妻情盡。  昨晚(12日)，康子妮在抖音開Live唱歌兼同網民吹水。當然，網民焦點全都集中喺佢離婚消息，又不停留言安慰同鼓勵：「雖然對你們18年的婚姻完結感到可惜，但尊重每個人的選擇，繼續支持。」令康子妮感動，直播中不時喊出嚟。  亦有網民表示唔相信，係要打爛沙盆問到篤：「看到你們的新聞，是真的嗎？一時不敢相信。」康子妮亦大方回應：「是真的，所以多謝你們，知道我的事又在身邊，我很感激，大家都是好朋友，感謝。」  Live期間，康子妮所唱嘅歌都係悲傷情歌，歌詞都好「中」，例如林曉培的《心動》：「過去讓它過去，來不及從頭喜歡你……如果不能夠永遠走在一起，也至少給我們懷念的勇氣。」  又例如容祖兒的《心淡》：「由這一分鐘開始計起春風秋雨間，恨我對你以半年時間慢慢的心淡。付清賬單，平靜的對你熱度退減……春天分手，秋天會習慣，苦沖開了便淡。」  歌詞夭心夭肺，康子妮唱到喊都係人之常情。好在，康子妮喺前晚（9月11 日）Post出為大仔林寶慶祝17歲生日嘅一家四口相，講到明就算離咗婚，但「有些東西是永遠不變的，Love is in the air.」  BTW，有啲網民唔知有心定無意，還是為搞笑或者真心傻豬，批評康子妮唱歌「麻麻地」之餘，又認錯佢係娜姐：「周秀娜，你今次仲唔死。」其他網民唯有解釋：「老兄，你走錯片場了，她是康子妮。」

【抖音】康子妮開Live認離婚 喊住唱情歌：如不能永遠一起，至少給我懷念的勇氣

香港有唔少黃店，但圈中人開嘅，少之又少，嚟嚟去去只噏得出譚小環間「渣哥」。其實，吳啟華阿哥、《大時代》丁蟹個仔旺蟹吳啟明，據聞佢嘅餐廳「慢煮兩餐」都曾經響應反修例罷市。不過，57歲吳啟明話：「手上已沒有任何食肆。」黃店都做唔住？

吳啟明拍完《大時代》丁旺蟹一角，覺得戲份少又無乜對白，咁多年都係演閒角，心灰意冷之下離開娛圈。之後，佢神隱26年，期間曾向韓國大師鑽研廚藝。直至2018年，「慢煮兩餐」開業並親自下廚，吳啟明終於蒲頭，並透露另外有兩間食肆喺內地，亦擔任中環餐廳「Around Wellington」嘅顧問。  不過，本刊同吳啟明通電，發現原來佢名下餐廳，已經全部結業。上環嘅「慢煮兩餐」，一來受疫情影響生意唔好，二來租約期滿，所以喺剛過去嘅8月份已經無做。至於內地餐廳，吳啟明講得隱晦：「內地那些一早已沒有營業，疫情剛開始已沒有做。總之覺得氣氛混亂，又距離香港、自己很遠，去不了，不如就不做了。」對於一個曾經支持罷市嘅人而言，內地生意，關門大吉較為穩陣。

其實，吳啟明嘅廚藝，得到好多圈中人欣賞，唔單只親細佬吳啟華食到舐舐脷，連《大時代》嘅老竇兄弟都會幫襯（鄭少秋、邵仲衡、陶大宇和郭政鴻），據聞藍校長譚詠麟、吳君如同爸爸夏春秋一家人都會去食飯。  因此，唔少圈中朋友都叫吳啟明繼續做，盡快開新餐廳！事實上，佢一早有晒全盤計畫，亦都物色緊新舖。「我正在考慮開多過一間店舖，但現階段先開一間，不是餐廳，而是外賣店。想法是主打一種醬汁，譬如豉油汁，而小小的店舖只賣豉油汁搭配的產品，例如豉油雞翼、豉油鴨腎，總之就是豉油系列。第二間便打算是客人都愛吃的甜酸汁，這個甜酸汁又可以煮很多東西出來。即是我將『慢煮』裡面的菜式分開一間間小的外賣店，就是這計畫。」吳啟明說。

關於吳啟明離開娛圈後，有傳佢過住「三更貧五更富」嘅大上大落生活，富貴時家住半山豪宅有保鑣隨行，運滯時曾因炒股欠債過千萬，又試過被人街頭伏擊。向好嗰方面睇，吳啟明見慣風浪，諗法自然與眾不同，較易「突破盲腸」。好似疫情之下，飲食生意叫苦連天嘅聽得多，但倒轉話藉疫情發圍嘅真係無聽過，吳啟明就係少數認為有危就有機，疫情可以幫佢用最低成本賺錢嘅人，佢話：  「因為外賣店的主要功用就是，第一租金便宜，現在很多空置舖位，租金便宜。第二薪金便宜，現在的薪金也下降了。第三，因為外賣店空間要求細，開設成本亦都細，不用裝潢又沒有堂食食客。而且針對疫情，外賣店的生意會更好，因為人人都買外賣回家吃，而不是坐在餐廳吃。  「第一檔，是比較小型製作，我會為店舖安排食譜配方，在工場調好醬汁，我本身已有工場，然後運送至店舖做試點。如果試點滿意、成功，我會調較第二種醬汁用於第二個試點，就是這樣。其實我已研究了大約6款醬汁，所以可以開6間店舖。」

吳啟明諗頭多多，準備疫市大展拳腳，但佢並無忘記自己另一興趣——音樂。相信大家都有耳聞，向來自信滿滿嘅K-Pop，極少機會睇得上外地歌曲。偏偏，李棟旭主演嘅韓劇《觸及真心》片尾曲就揀咗吳啟明創作嘅《Falling Down》。加上2019年開始，連續兩首同J.Arie合作嘅《This Baby》以及《I'm Your Child》受到關注，吳啟明謙虛話：「因為上次，有了少少名氣，會作一首歌用於聖誕節，11月就會開始進行，今次有5位女歌手都想唱我的歌。」

吳啟明有助手，出入亦有司機，興趣變成生意開餐廳，每年又會作下歌，相當美滿，唯獨差個伴。57歲吳啟明，聽講有位拍拖約5年嘅女朋友，但講到結婚，佢話未有計畫，況且疫情下，連同女友見面相處都做唔到。「因為她在大陸，相處不了。」所以大家唔好誤會，畫面中女士並唔係佢女友，只係助手。

----------------------------  守住新聞自由 和你撐計劃每月$300起撐《壹》仔  <a href=" https://hk.nextmgz.com/campaign/premium.html ">按此了解更多</a>  壹呼百應 號召有心人 請香港人睇壹週刊  <a href=" https://hk.nextmgz.com/article/2_739461_0 ">按此了解更多</a>  -----------------------------  <a href=" https://hk.nextmgz.com/archive ">【《壹週刊》昔日紙本檔案庫】</a>  30年壹仔經典 壹壹重現！

當年今日