近幾年有唔少「神級」玩家，喜愛駁條水喉入電腦大搞水冷超頻，不過自問未夠勇氣亦怕漏電，這款牛魔王5604機箱可能係唔少人嘅「涼方」。原來5604得到Intel認證，符合電腦38oC嘅操作環境，而且用咗Intel指定通風設計，即使用上3GHz以上極速處理器，操作亦算穩定。免螺絲趟軌及上鎖設計，亦唔怕刮手！

今個星期專登去睇睇CPU價位，發現Intel同AMD兩大陣營售價上咬得好緊，價錢唔會差好遠，有時最能影響用家投入邊個陣營，底板因素都好重要。如果係AMD用家，最近必定留意到nForce4板熱賣之中，而呢款2theMAX9NPA+使用咗nVidianForce4Ultra晶片，可支援PCIExpress顯示卡，功能方面又齊全，有齊晒S-ATA、1394、8聲道音效等，係玩家之選。  Centralfield 查詢電話：23870272 地址：深水埗高登電腦商場1樓10-16a號舖

38oC機箱電腦消暑「涼方」

制式：GSM900/1800/1900三頻/WCDMA 顯示器：26萬色（176×208像素） 鏡頭：30萬像素（前）130萬像素（後） 記憶體：10MB、RS-MMC記憶卡 功能：藍芽、MP3鈴聲、JAVA、拍片、GPRS 體積：108.4×55.2×20.5mm 重量：133g 查詢：21366338（NokiaHK）

雖則坊間有云「話你又唔聽、聽你又唔做！」，不過Nokia就絕對係聽完即刻做嗰類，聽完眾人意見話要玩視像，就即刻喺新機6680機面加上30萬像素鏡頭，任得你隨街玩餐飽！而130萬像素鏡頭亦當然唔少得，同6630一樣收埋機背之外，重加多個閃光燈，夜麻麻都冇有怕，最重要都係多咗個Cover，鏡頭唔使食塵！不過要做多媒體手機，淨係影相係唔夠嘅，所以Nokia首次用上26萬色彩芒，以及喺機側加入RS-MMC記憶卡槽，唔使除後蓋就可以換卡，非常方便！

6680硬件上已經非常出色，之但係都要有相應軟件，先可以發揮得淋漓盡致！最好玩，首選新加入來電大頭相「影像來電」功能，玩過NokiaSymbianSeries60嘅用家都知，以往來電大頭相都只係「郵票相」，不過新程式就差唔多可以FullScreen咁Show張相出嚟，用家唔使再四出搵程式喇！除咗可以將張相當做來電大頭相之外，6680亦支援「ImagePrint」功能，最方便就係接駁藍芽Printer，即時Print相！除此之外，6680亦加入全新MP3播放程式《BounceMP3》，比起本身嘅《RealPlayer》，使用上更加方便。

想拎住6680大玩特玩？其實都唔係好難，只要考你眼力、以及考你對6680認識有幾多，過兩關之後就有機會得到Nokia6680，機會總共有三個，首名得獎者更可以加送Nokia最新HS-11W藍芽耳筒（價值$568），唔好猶豫，快啲將正確答案及個人資料，填妥右方表格Fax嚟參加啦！

請估計右圖總共有幾多部Nokia6680？（只見機身一部份亦計算在內） ＊提示：圖中有1部至20部Nokia6680。

想攞到Nokia呢部影音功能咁強嘅6680，就要過埋第二關嘅問答題喇！  1.Nokia6680支援哪種記憶卡？ A.miniSD　B.MSDuo　C.RS-MMC  2.Nokia6680兩個鏡頭像素分別為多少？ A.30萬像素＋130萬像素 B.10萬像素＋100萬像素 C.30萬像素＋100萬像素  3.新加入6680的來電大頭相程式名為？ A.《來電大相》 B.《影像來電》 C.《影像大相》

1.參加者須將答案填妥在參加表格內，並聯同個人資料*，傳真至27420542/23075869，即有機會獲獎。 2.遊戲時間為今日早上10:00至下午5:00，過早或逾時均作廢。每人只限參加一次，每次只可傳真一張表格，多過一張者以第一張為準。 3.答中所有問題而又最早傳真**的頭三名參加者可得到Nokia6680手機一部，首名得獎者額外獲得藍芽免提一個。 4.如沒有參加者答中全部問題，則以答中最多問題及答案最接近者獲獎。（答案相同則以傳真時間**最早者可獲獎。） 5.得獎者將有專人通知。 6.為公平起見，《蘋果日報》及Nokia員工、家屬不得參加是次遊戲。 7.《蘋果日報》對賽果保留最終決定權，參加者不得異議。 8.所有獎品之保養由獎品供應商負責，《蘋果日報》概不負責。  *參加表格上之姓名須與身份證相同，否則將被取消資格。 **以本報傳真機所顯示的時間為準。 ‧必須憑報紙上的參加表格才可以參加遊戲。

當年今日