ReServe存酒器以三個部份組成，包括瓶塞、充氣調節器及氬氣筒，適用於任何葡萄酒及標準18.5毫米酒樽口。 售價：禮盒裝$1,480（a） 額外瓶塞每個$268 額外氬氣$150一套（每套3樽，每樽可用約20次）

聽落好似好高科技，其實原理好簡單，引入這個名為ReServe存酒器的信興集團代表兼有酒王子之稱的李先生解釋：「當酒遇到空氣就會氧化，呢個存酒器以純氬氣注入酒樽，迫走啲空氣，而氬氣本身重過空氣，可以防止空氣再滲入，而氬氣又係惰性氣體，唔會同酒產生化學作用，有效減慢酒嘅氧化過程，將酒香保存至一星期左右，而氬氣亦無色無味，對人體無副作用。」

究竟將氬氣泵入酒樽係咪有效？原來對酒甚有研究的《酒經月刊》總編輯劉致新，一早已率先試用過這件新產品，而且重話真係有用過真空泵，「因為無論真空泵有幾好都好，始終冇可能做到完全真空，氧化難免。」他認為保存期要視乎酒的品種和質素，據他經驗，一般都可保存約5日。 咁呢個泵買得過否？一向都鼓勵別人飲好酒的劉致新說：「每支氬氣筒可使用約20次，即每次存酒約需$2.5，如果你支酒係要幾千蚊，計落都抵！」。

在氬氣泵出現之前，大家都是使用真空泵存酒，這類泵的原理是將酒樽內的空氣抽走，令樽內形成真空狀態，減低酒精氧化程度。一般使用都很方便，先將氣泵放在樽口，然後來回施壓，直至再不能泵就代表OK。

五年保養 國際酒具名牌Screwpull出品，品質有保證，備有兩個酒塞，愛爾蘭製造兼有五年保養，百零蚊，抵買！ 原價$148 特價$118.4（c）

葡萄酒香檳兩用 瑞士Swissmar產品，頂部中間有按鈕，可調校用於葡萄酒或香檳，左邊兩個細酒塞用於紅酒，而右邊的大酒塞則是用於香檳，夠晒方便。 $185（e）

「吱」聲提你停 美國Jokari出品，「S」形手柄泵氣時更方便舒服，一邊泵一邊會有「吱」聲，而當「吱」聲停止時，即代表瓶內已達真空狀態，包冇失拖。 $70（b）

做埋樽蓋 美國Jokari真空存酒泵，泵約二十下便能將樽內空氣抽出，泵完後氣泵直接留於樽上做埋樽蓋。 $70（b）

荷蘭出品 荷蘭Vacuvin真空酒泵，口碑不俗，每盒備有兩個橡膠酒塞，有墨綠和白色選擇，可襯埋屋企家具。 $108（c）

飲得較Pro的人，斟酒與暢飲那短短期間，都會即時加上以下這類普通酒塞避免氧化；而對於冇咁Pro的你，若嫌真空泵麻煩，也可以用這些酒塞，作為儲存三數日的臨時樽蓋。

酒杯造型 搞鬼不銹鋼酒杯造型的drink-me酒塞，雖然比較阻地方，但賣點如眾多女星一樣：樣靚搭夠。$120（b）

可愛公仔頭 意大利Alessi一向以特色設計見稱，標記Anna公仔頭產品已出咗唔少，不妨買埋呢個酒塞襯埋開瓶器，靚靚一Set。 $195（c）

酒塞斟酒器套裝 德國品牌EzPull酒塞，左邊為不銹鋼酒塞，而右邊兩個就是防止漏滴的斟酒器，配合附有手抽的臨時酒塞，都幾全面。$99.9（e）

簡約硬淨 唔喜愛古靈精怪玩花臣的人，可以揀呢個日本來的經典造型的不銹鋼配橡膠款，簡單得來又夠硬淨實用。$88（d）

爆笑奶嘴 來自法國的birambeau酒塞，造型十足奶嘴一樣，雖然全硬膠製作較易漏氣，但幽默感與想像力一絕。$23（c）

夏日彩花 五彩花花迎夏日，太陽花酒塞，底部為彈性軟膠，十蚊雞有交易，當轉季換件衫都抵啦！$10/個（c）

存酒除了要防止氧化之外，儲存環境如溫度、濕度、透氣度、透光度及防震五大條件對酒質的影響都甚大，所以真正愛酒的人不會將幾千甚至過萬大元的心愛物放在普通雪櫃，而會使用仿效天然酒窖環境的酒櫃存酒。

平價輕巧型 Ecovin迷你酒櫃（高631×闊460×深515毫米），可放20支酒，單一溫度，固定金屬層架可以拉出，特靜和防震，細細個啱晒初哥。 原價$1,998　特價$1,789（f）

嵌入式配合廚房 這個丹麥品牌VINTEC40SGE/S小型酒櫃（高820×闊595×深560毫米），電子控制單一溫度（18至5度），可放約40支酒，可調校式五層木板，內置櫃燈，最特別是散熱位設於前面，所以酒櫃可裝嵌入廚櫃之內，令廚房更歸一好看。 $5,900（a）

售賣點 （a）信興電器顧客服務熱線：28330955 （b）LogOn　22655333　九龍塘又一城UG01舖 （c）崇光百貨　28338338　銅鑼灣軒尼詩道555號 （d）francfranc　34273366　銅鑼灣百德新街2-20號恆隆中心2樓 （e）GourmentKitchen　21750098　尖沙嘴海港城3301舖 （f）Watson'sWineCellar　25262832　金鐘太古廣場2期地庫Great

當年今日