睇PopArt見AndyWarhol見得多，不如試吓食Andy菠蘿，說的是朗豪酒店將舉行「大賣香港」藝術展，由5月20日至6月20日12nn-2pm，還設有每位$158的「藝術之旅」半自助午餐，食客可品嚐一款款充滿藝術味道的菜式，由頭盤、主菜到甜品，無不Warhol七彩，放在碟上恍如藝術品。食飽飽之後，更可參觀酒店內一件件以香港為題的PopArt作品。（Ron）

Portal-Work&amp;Play（5523232） 旺角朗豪酒店5樓

食藝術：啜啖七彩Warhol

明日媽咪大晒，佢想食翅請佢食翅，想食壽司就請佢食壽司啦。篁推出母親節壽司盛盒$688（原價$1,200），內有三文魚、海鰻、油魽魚、吞拿魚、赤貝等二十多款刺身壽司，每枱限點一客。記得在場內攞張優惠券，憑券晚膳滿$700有七折、滿$400有八折（不適用於母親節壽司盛盒）。消費滿$300，晚上6時後在合和中心停車場泊車，仲有最多14小時免費泊車，係由6pm泊到翌日8am喎。食飽，同媽咪買埋禮物再施施然去攞車都得。

篁日本料理（28348328） 灣仔皇后大道東QREPlaza5樓

優惠媽媽：母親節壽司盛盒六折

意大利餐廳trattoriaNOBILDUCA推出一個五道菜的RoyalDelight二人晚餐，湯+頭盤+主菜+甜品。食材配搭新鮮，頭盤朱古力牛尾卷配多士，牛尾軟腍，多士薄脆；以朱古力配牛尾，「有牛味亦有朱古力味」。主菜有兩款揀：魚安魚康魚柳卷配龍蝦慕絲及煙魚子，或焗澳洲羊扒配黑松露菌，據說，廚師設計焗羊扒的造型意念來自夏日的棕櫚孤島，樹下兩旁那些黑色沙堆，其實是矜貴的黑松露菌！羊扒係澳洲靚貨，肉腍有羊香，配黑松露菌的獨特香味，睇得食得！

trattoriaNOBILDUCA（31884282） 尖沙嘴海港城海洋中心1樓105號舖

《蘋果日報》讀者憑此剪報優惠券，惠顧RoyalDelight二人晚餐（原價$1,088）有六折優惠。 條款：優惠由即日至年6月30日止。須預約訂座。優惠券影印本或網上列印本無效。加一服務費以原價計算。 如有任何爭議，trattoriaNOBILDUCA保留最終決定權。《蘋果日報》概不負責。

《蘋果》讀者六折　黑松露菌二人餐

假日想置身露天茶座吹吹風，但又掛住旺角街頭小食？Starbucks不能滿足你，不如試吓荃灣新開的汀九茶座，茶座賣點是各款港式街頭小食，碗仔翅、馬來沙嗲串、香燒乳鴿，還有鹹檸檬七喜、雪糕紅豆冰及梳打菠蘿冰等港式飲品。特別推介其碗仔翅，雖然都係用粗粉絲當魚翅，但加入了金華火腿，味道香濃。（Ron）


汀九茶座（37162898） 荃灣青山公路353號帝景酒店地下

當年今日