梁思浩和朱茵昨日在荷里活廣場為仁濟義賣月餅，梁思浩透露每年跟苑瓊丹均會以成本價購買月餅送給老人家，但今年竟有人冒充他們的名義向金龍船拿了一百五十盒月餅，事件被揭發後，金龍船方面已經報警。  <spanclass="arttextboldbig">朱茵投票睇年紀  梁思浩說：「今年我去訂餅時先知呢件事，有TVB職員冒認我哋，啲餅已經俾人攞咗，照計呢個人應該好熟悉我哋每年嘅程序。」而無綫外事部助理總監曾醒明回應說：「唔係TVB以佢哋兩個嘅名義攞餅，可能係個別人士識得佢哋，所以乘機啫，我哋好支持佢哋送官究治。」 提到昨日立法會投票朱茵說：「我屬於九龍東，我知道啲候選人好活躍，我有留意佢哋嘅政綱同過往嘅政績，年齡亦係考慮因素，後生啲做嘢醒啲有魄力啲。」

梁思浩遭冒名攞月餅

黎明日前接受電台訪問時，大談其工作及感情狀況。現年三十七歲的黎明表示因父母早年離異及眼看着鍾鎮濤與章小蕙的婚姻結束，令他對婚姻有恐懼，他說：「我從來冇諗過結婚，可能呢世都唔結婚，因為𠵱家亦未搵到要結婚嘅人。」問到他有否遇過想與對方結婚的愛人？黎明說：「有遇過，不過已經成為過去。」  <spanclass="arttextboldbig">久未見舒淇  黎明又透露當年決定不再接受任何有關音樂方面的獎項，是因為量力而為，「唔願意俾人推落嚟」，又直認主演《甜蜜蜜》未能奪得影帝一事令他耿耿於懷。 對於新碟於九一一當天推出，黎明說：「我唔覺得九一一應該成為紀念日，唔使介懷。」提到奧運時，黎明拒絕為劉翔向緋閒女友舒淇索取簽名，更指與對方很久沒見，暗示二人已經分手，他說：「由得呢啲緋聞自然成長，自然結束。」

當年今日