名模AnaR.噚晚出席一個慈善活動，問到母親節當日會點慶祝？佢話：「母親節會同老公一齊度過，因為媽咪喺美國，可能網購訂朱古力﹑花及糖送畀媽咪。」 笑問佢媽咪是否想抱孫，作為母親節禮物呢？AnaR.就話：「唔會，因為細佬已經有五個小朋友，而第六個都會出世，所以唔會特別催促我。」 咁奶奶呢？佢話：「都有幾個孫，所以冇壓力，其實我都想做媽咪，但係覺得比較難，自己平時着重運動及注意飲食，朋友勸我唔好做太激烈運動，行山已經OK。」

【新鮮娛頭】AnaR.冇被催生B：
細佬已有五個小朋友

之前有網民喺西班牙，偶遇女星全智賢陪老公去巴塞隆拿睇波，暴露佢係「跟得太太」嘅性格。近日再有相關人士爆料，話全智賢係一個以家庭為重心嘅賢妻，指佢如果接到外國嘅廣告時，都會提議盡量喺韓國進行拍攝，而且佢唔鍾意一個人離開韓國超過四日，因為想多啲陪老公同屋企人。就好似最近女神同謝霆鋒合拍一個廣告，原本廣告商希望能去台灣拍攝，因全組製作團隊都係台灣人，但全智賢因為唔想又離開韓國三天，冷落老公，所以堅持一定要在喺首爾拍攝先至肯接拍，廣告商只好遷就。 全智賢嘅經理人公司就解釋謂，全智賢唔係太鍾意國外開工，係因為佢已經習慣同熟識韓國嘅拍攝模式，故為保持作品嘅質量，先至會選擇喺國內拍攝，但佢都會視乎情況而接受海外拍攝嘅邀請。 雖然經理人公司冇話全智賢鍾意留喺韓國拍攝係因為家庭原因，但睇到近日全智賢同佢老公啲甜蜜相，都知佢係一個識得維繫夫婦關係嘅高手。

【韓勢力】寸步不離箍到實
全智賢為老公拒絕離開韓境

韓團FTIsland成員李弘基主演嘅劇集《百年新娘》雖然已經大結局咗好一段時間，但弘基喺劇中飾演「癡情崔江洲」嘅形象仍然殘留喺粉絲心中。為咗填滿粉絲嘅思念之心，弘基就宣佈會喺下個月二十八日單拖嚟到香港九龍灣國際展覽中心，舉行粉絲見面會。 今次李弘基除咗會化身崔江洲、同粉絲玩遊戲之外，仲會獻唱劇中主題曲同重溫劇中嘅經典浪漫場面。而結束見面會之後，弘基仲會留後同粉絲逐一進行擊掌。據知弘基結束香港見面會之後，第日就會飛到台北出席活動。

【韓勢力】李弘基下月來港搞擊掌會

剛公佈戀情嘅周迅，喺微博貼咗張同男友高聖遠合照，佢仲話請大家多多關照，周迅直言公開戀情，能減少不必要麻煩，仲可以公開出入，言下之意，唔使再為戀情避忌。 周迅公告戀情後，自然成為追訪對象，今晚佢就被內地媒體拍到同男友高聖遠深夜回京，同行仲有周迅經理人陳輝虹。周迅與男友一同返回別墅，認真sweet﹗

【Sweetmode】周迅偕男友高聖遠回京
拍拖返別墅

今日見Paco容光煥發，令肥佬黎更深信對方的處世哲學，他說：「四年前我請你去我屋企食飯，嗰陣時係真正睇到佢係on the way down，我心裏面諗呢條友都大鑊。我係見證咗你話『希望在明天』呢個道理。」Paco笑說：「所以嗰刻Jimmy（肥佬黎）唔搵我合作喺台灣做電影……」肥佬黎未讓他說完便搶着說：「我搵你合作你就慘啦，我大敗而回呀！」 然而，肥佬黎跟Paco對失敗的看法不盡相同，Paco深信敗中求勝，通過不斷失敗去吸收教訓；肥佬黎則是一個很接受失敗的人，他說：「我唔會敗中求勝，一敗我就走人！」 蔡生免費幫手　PACO開咩戲咁正斗？ http://bit.ly/talk244301 劈酒吹喇叭有段故　原來亞洲人最怕苦！ http://bit.ly/talk244302 綠茶喪溝威士忌　原來係PACO發起！ http://bit.ly/talk244303 強國假酒要上訴　假酒定義喺呢度 http://bit.ly/talk244304 4年前Paco就玩完？衰過先至浴火重生 http://bit.ly/talk244305 公司抽獎送法拉利　香港老闆真豪氣 http://bit.ly/talk244306 阿Fi 自爆抑鬱自殘「同男友分手都冇人知」 http://bit.ly/talk244307 自嘲迪士尼公仔　阿Fi不是真正的快樂 http://bit.ly/talk244308 講粗口要睇時候　一講即中先夠火候 http://bit.ly/talk244309 愛成就藝人　Paco豪言超越「那誰」 http://bit.ly/talk244310 Paco公開終極願望　一定要簽返蘇永康 http://bit.ly/talk244311 經理人好擔心　藝人唔講政治有原因 http://bit.ly/talk244312

愛成就藝人　Paco豪言超越「那誰」

肥佬黎：一敗我就走人

Eric Kwok扮Iron Man扮得似就係人都知，但係原來佢身上有啲部位，係自己變到好似Iron Man咁0架，而葉佩雯仲會當眾玩佢個乳頭添，究竟點玩法呢？

【自爆100】葉佩雯當眾玩港版Ironman乳頭

【自爆100】葉佩雯當眾玩港版Iron Man乳頭

歡樂時光轉眼就過，《蘋果動新聞》的「4星連環遊澳洲」又到了最後一站，這站由楊愛瑾（Miki）介紹南澳阿德萊德（Adelaide），她對首次踏足的這個地方留下難忘印象，當六日四夜拍攝行程完結後，Miki更stay behind會合家人，重遊酒莊大嘆紅酒。 嗜紅酒的Miki此行由動主播汶汶陪同，往澳洲歷史悠久葡萄酒產區芭蘿莎谷（Barossa Valley）朝聖，先後到訪Penfolds和Jacobs Creek兩間酒莊，Miki用三款紅酒調製獨一無二的「Miki紅酒」，自誇非常美味。古語有云：吃不到的葡萄是酸的，Miki親落葡萄園採摘葡萄直接放進口品嚐，她分享食後感：「一啲都唔酸，仲係好甜。」 除愛喝，Miki也是海鮮迷，澳洲環境不受污染，海鮮味美又鮮甜，Miki往盛產鮑魚和生蠔的Eyre Peninsula尋寶，動手掘硯，她又獨食Coffin Bay的巨型生蠔，升呢大「蠔」客的Miki說：「隻蠔成一公斤重，又大又厚肉，好creamy同埋帶有海水味，新鮮好味。我平時都只係食細細隻，未試過咁巨型，每隻巨蠔殼上都有號碼牌。」

Miki還在艾爾半島參加生態導賞團，前往海岸保護區Hopkins Island與海獅海中暢泳，即使不諳水性的她也樂而忘返，Miki說：「我唔識游水仲要落大海，雙腳唔到地，最初都好驚。但教練話好安全，我着咗救生衣，為咗唔驚動到海獅群，我哋隻船要停遠少少，我就由教練拖住游近海獅，佢哋雖然係野生，但好友善，同佢哋水中交流係難忘經歷。」

Miki與海獅水中游，她說：「我鍾意親近大自然，同啲動物零距離接觸。」登岸後Miki又到訪格蘭森林旅遊營地（Glen Forest Tourist Park）餵樹熊及袋鼠，當中有隻白色袋鼠，原來牠是白化袋鼠，視力比同伴略差。 撰文：比華利 攝影：楊觀賜、張柏基

【四星遊澳】女神去南澳　Miki做蠔客餵袋鼠

【四星連環遊澳洲】 Miki做蠔客餵袋鼠

彭浩翔不愧是港產導演其中一個最有實力、最聰明的導演。他的每一部電影都是一個全新的類型，而且無論是明示還是隱喻，他都會讓影片好像有些與別不同的事要表達，包括這部《香港仔》，而內容我保證你放在世界任何一個地方演出也可以，只要是稍為現代化的城市，不！只要有人類有家庭的地方，這些劇情都可照樣搬演一次。除了有中國特色，吳孟達演出的破地獄法事，你只需要改用當地的迷信宗教儀式代替便可以。

首先我要表明仰止認為有百分之九十九的香港人，包括我的朋友和父母，都不明白政治化立場。我是個泛政治化論者，認為只要人類有群體活動，包括開甚麼家庭會議都是政治行為。正如你不講錢便無法講馬克思主義，因為經濟是下層建築呀！可知馬克思主義精華之處正是其對資本主義的精讀。 就讓我們把政治狹義化地說成是我們的高管和愛國人士口中的民主黨將甚麼都政治化。說實在的，我也不太了解怎樣由廣義化變成狹義化。搞到整個香港甚麼都政治化的絕對不是香港人自己。香港人的確是很cheap，所以會去歧視國內同胞，也因為這個水準，香港人其實對甚麼叫政治化真是懂個屁！還沒到這個層次呢！九七之後，鄧小平這個到底是好人還是壞人都分不清楚（其實依我的理論，他只是一個普通人，有善有惡）過世後，中國後繼的領導人，和一大撮狗奴才，忘記了甚麼叫做五十年不變，搶着讓香港人還在沉迷於資本主義帶來的好處夢境的時候，強行推出惡法，要把我們這五十年剝奪去，夾硬把我混在中國這個大醬缸內搞作一團，這本身便是政治化行為。既然你先玩政治，為甚麼香港不可以玩？香港幕幕的政治化以香港人的冷漠無情，才不會去玩呢。是中國領導人和一大撮狗奴才先玩的，不要把莫須有的罪名強加在我們香港人的頭上。

《香港仔》如果改名叫做《一個生活在香港的家庭的生，活》我也不會將它政治化。不是彭浩翔拍得不好，這可以說是近十年我看的港產電影中最佳劇本和最佳拍攝的典範。一個本來不和諧的家庭：父親死了老婆後，跟一個媽媽生搞上了，還大模斯樣地帶她去亡妻靈前參加家庭祭祀活動；一個有我這麼大年紀的曾志偉牙醫，竟然有個愛到他不得了的年輕護士，但又不是完全搞婚外情的人。一個儍了的妻子，把自己寄出的，送給死去母親的東西打回頭，應該及早去醫治的病人；一個因為妻子以前是美麗女星，跟其他人在一起，不斷懷疑自己那個醜樣的女兒到底是否自己所出？然後，忽然有一天大家都明白事情再這樣下去，生活便不會好過，於是一切煩惱皆斷，變回一個開心的家庭。 香港的確有數不清這種生活方式的雜種，包括我自己在內，但我這些雜種會改的嗎？殖民地遺留下來的炸彈會爆炸嗎？而我們也不必去計較自己是否有中國人血統，總之是就是，命運不可擺脫。彭浩翔把過去的香港弄成紙紮的城市，像鬼域一樣，是要我們把過去都燒到地府去嗎？我以小人之心度君子之腹，看到銀都機構有份參與的，便心懷疙瘩。 這是個有關香港，卻完全抽空香港所有一切文化生活，包括政治和自由普選權利，真空化處理的故事，可以叫做《香港仔》嗎？那些半懷舊半現代化的超脫時空故事，不是最佳的河蟹電影嗎？每一個人都有自己的立場，我們都應該尊重，但我也有我的立場，我的立場令我看到這部電影想嘔！想大聲地說：這不是香港仔，是世界仔！ 撰文：仰止

蘋影話：《香港仔》 
無比精緻河蟹電影

周迅的新男友高聖遠（Archie David Kao），是美國華裔電影演員，出生於美國首都華盛頓市，44歲。他99年在美國兒童劇《恐龍戰隊》飾演藍戰士（圖）嶄露頭角。01年加入當時收視第一的電視劇《CSI滅罪鑑證科：拉斯維加斯》演出Archie Johnson一角。06年他獲美國《People》選為全球前100名最性感男士獎，07年與鄭秀文合作百事廣告，11年參演《雪花秘扇》後開始接觸內地市場。去年演出美劇《Chicago PD》，今年更參演台灣片《意外的戀愛時光》，演郭采潔前男友，演出機會不絕。

闖出名堂：恐龍戰隊藍戰士

★金像影后查理絲泰朗日前宣傳搞笑節目《Saturday Night Live》時示範模特兒招牌chok樣，但她卻將雙手塞入口扮醜。 ★美國女星珍妮花羅倫絲日前穿上藍色斗篷於巴黎拍攝《飢餓遊戲》第三部曲《Mockingjay》。 ★日本女星綾瀨遙日前到了巴黎羅浮宮出席新片《萬能鑑定士Q》首映。 ★日本女星小倉優子昨日，獲選藝能組別最佳母親。 ★日本歌舞伎演員片岡愛之助，昨日憑《半澤直樹》獲《日刊Sports》選為日劇大獎最佳男配角。

外星密碼

【上海直擊】湯唯昨日一身白裙打扮現身上海，以全球代言人身份現身RADO腕錶儀式，簽約三年。湯唯一到場見到品牌高層，即甜笑主動向對方握手，大耍親善外交，連她自己接受訪問時也笑言暈了一陣。她表示近日都忙於拍戲：「剛完成許鞍華的《黃金時代》，又要忙杜琪峯的《華麗上班族》。」記者問到她近年有甚麼重要時刻可分享，她即有點眼濕濕：「母親節將近，想起近年成日掛住拍戲，去年才正式第一次拿着蛋糕與母親慶祝生日，嗰一瞬間覺得好特別，因為工作，令我更加少時間同家人一起。」 採訪、攝影：曾小嘉

湯唯眼濕濕念母

日本組合TOKIO主音長瀨智也，被昨日出版的雜誌《女性SEVEN》偷拍到月初與29歲的美女小提琴家新歡A小姐，趁長假期開車去A的老家探望父母。長瀨已與新歡拍拖一年多，知情人士透露：「A的父親已退休，曾是大企業高層，母親則是音樂家，A和長瀨因為一起演出音樂節目而相識。」其實去年春天，長瀨已被拍到與A約會的照片。

長瀨跟新歡返娘家

【上海直擊】美國時裝設計師Michael Kors首度東來為其上海的旗艦店主持大局，更於今晚在虹橋機場搞時裝騷。昨日他現身記者會，更由中國超模秦舒培、奚夢瑤及游天翼即場示範他為今次活動設計的新裝，即場教授女士打扮心得。Mr. Kors在記者會更分享他的設計靈感，他表示：「圍繞我成長過程，都是祖母、母親，所以十分瞭解女性，我五歲時，我母親第二次出嫁，我提議她的婚紗拿去了蝴蝶結更加美麗，便發現自己有時裝觸覺。」 他在記招大讚中國女士：「她們的步伐好快，所以今個設計有着sporty、glam與sexy元素，自己本人都要加快步伐，去完上海後要去米蘭，都想抽空有時間去深山、海灘減壓。」 採訪、攝影：曾小嘉

Michael Kors讚中國女士夠潮

徐濠縈（阿徐）、薛芷倫（Fanny）、文詠珊等人前晚現身中環，出席天機公關要員鄭紹康生日派對，作為老闆的賭王千金何超瓊亦有到賀。一身pink裙打扮、肯雅跑手膚色的阿徐與黃偉文齊齊前來，提到早前到華盛頓跑半馬成績理想，她笑言：「破咗自己個人紀錄，半馬成績1個鐘46分鐘，仲係明星隊第一，有中、港、台同美國嘅明星，不過都係業餘嘅，喺紐約慶祝幾日，但就唔捨得個女，加上要埋手工作，所以都要急急返港。」 提到陳奕迅（Eason）抱恙，日前更要取消南寧站個唱，她表示：「係，佢好病，燒到38度幾，呢幾日都好頻撲照顧下佢，𠵱家退咗燒好返啲，佢𠵱家每星期要拍杜琪峯嘅戲，weekend就要喺內地做騷，上星期取消咗南寧演唱會，呢個禮拜會繼續。」阿徐透露之前Eason英國做騷時，在飛機發燒：「我幫唔到佢，好無助。佢扁桃腺，大家知佢個人，要全力以赴，死都要上台。叫佢跟我跑步戒煙，畀佢鬧返轉頭。」

此外，Fanny爆乳性感現身，Fanny更開心地表示癌症完全康復：「因為潛伏期有5年，今日啱啱五年，做咗大檢查，完全乾淨，冇晒癌細胞，好開心，𠵱家都要繼續食抗癌藥，因為越食得耐就越安全，唔會停藥住。」Fanny癌後有感而發，她表示：「𠵱家開始更保重自已，身體健康、健康飲食，愛惜身邊朋友，對社會有貢獻，正能量，要活在當下。」 採訪：羅慧敏 攝影：陳俊強

老公高燒頻撲照顧 阿徐：Eason佢好病

韓國男星宋承憲日前接受綜藝節目《黃金漁場》訪問，先被主持踢爆他曾被著名主持申東燁彈他只得外貌而沒有演技，宋承憲亦直認每次重看初出道時演出過的短劇《三男三女》時，恨不得把電視機打爛。 宋承憲08年憑《伊甸之東》與金明敏同時獲得MBC頒獎禮的大獎，當年他獲獎備受爭議，宋承憲在節目重提此事：「當時《伊》劇很受歡迎，但我也知道那個獎不是我的，現在也是這樣覺得。」此外，主持人亦爆宋承憲是富豪，於06年時買入的住宅現已升值至130億韓圜（約1億港元）。 撰文：施洛冰

宋承憲被彈零演技

「人生與命運，原是一天百變。」 —《變色龍》

無疑，《香港仔》是一碗充滿香港情懷的地道車仔麵，負責推車仔的，正是導演彭浩翔。 彭導以三條主線包裝香港家庭倫理故事作麵底，加入甜酸苦辣刺激視覺感觀的佐料和餸料，上枱前還輕輕灑了點鹽花調味，帶出彭式車仔麵的獨有特色。 彭導聽到「彭式車仔麵」一詞，先感到錯愕，再點頭說：「呢個城市係咁，樣樣有啲，自助餐嚟㗎嘛！睇到我想將好多感覺放埋一齊，由故事內容到拍攝手法都係，有啲靈異……」 樣樣配料都放進麵裏，難免會雜亂，但彭導自信拍到預期效果，堅持《香港仔》的故事要包羅萬有：「每條線都好強，你講咁多人嘅故事好困難，其實有投資方建議不如拆成兩部戲啦！夠做兩部戲嘅卡士。不過，我堅持放咗喺一部戲。」他承認以全新手法烹調車仔麵：「人都大咗，以前唔關注家庭問題，呢幾年想寫關於家庭嘅主題，每個人有好多自己嘅煩惱，一家人嘅煩惱係互相交纏，所以寫咗一部咁嘅電影。」 以家庭倫理為題的作品，有激烈的做愛場面；巨型蜥蜴在紙紮北角經過；一家總動員搶救擱淺鯨魚，彭浩翔解釋：「拍一個家庭文藝片，唔代表一定要拍得好沉悶，每個人內心有好多暗湧，正如個小朋友死咗條蜥蜴，佢嘅夢想世界好奇幻，咁點解電影唔將佢拍出嚟，當然有時冇資源拍唔到啦！但今次好幸運，有好多演員支持，又得到投資方支持。」 彭浩翔變了，變得對生命更加熱愛。人生與命運，原是一天百變。

彭浩翔帶出人心暗湧

今年韓國娛樂圈爆出多單戀愛緋聞，當中以韓國組合少女時代的允兒及秀英於年初先後承認戀情最哄動，前者令公司股價急跌，後者反而上升。

允兒今年被爆與男星李昇基秘密拍拖，消息一出，允兒所屬的SM娛樂股價立即下跌113億韓圜（約8,566萬港元）。另一成員秀英與男星鄭京浩同月承認戀情，SM娛樂的股價不跌反升，上升113億韓圜（約8,566萬港元），追回允兒帶來的損失。 而「國民妹妹」IU與Super Junior（SJ）的銀赫爆床照醜聞，就連累公司的股價一日內暴跌88億韓圜（約6,670萬港元），韓國傳媒更指凡有「國民」之稱的明星傳緋聞後，都會拖冧公司的股價。 撰文：梁展雯

允兒拍拖累公司股價跌

吳千語昨日在尖沙咀，出席i.t時裝活動，大會搞噱頭，找了扮林峯的小男童獻花送吻，不過「小峯峯」怕羞不肯出場，千語BB慘食檸檬。記者笑言有否遇過同類檸檬事件，她表示：「鍾意同小朋友玩，之前去南非同小朋友玩得開心。」現場見千語身形超瘦，她表示：「肥番，對腳有少少肉，想增5至6磅，𠵱家未夠100磅，想睇落健康啲，冇節食，冇運動，唔知乜嘢原因瘦，睇我肥瘦冇標準，睇佢就會知道。」記者笑她指男友肥：「佢係重咗，進行緊瘦身計劃，我食晒啲嘢，獨食難肥。」早前被指跟得女友去探班，她表示：「係三哥（指苗僑偉）叫去，同佢哋唔熟，尷尬，本來唔想去，但三哥打電話話一定要嚟。本身冇諗住去，阿佘（佘詩曼）又叫我。」千語自言不算黐身，她表示：「我唔黐，佢都唔係，完全唔理大家唔合理，會一齊去朋友活動。」 採訪：林嘉慈 攝影：陳俊強

當年今日