黃浩然最近感染「貝賽特氏症」，導致喉嚨發炎潰瘍，難以說話，更因為咁而辭演新劇，由洪永城急頂上。易角是非箇令人心癢難耐，但黃浩然病情更令人擔心。 李碧華於其專欄「礦泉水」中亦有提到此病，原來古稱「狐惑病」，醫書謂：「狐惑之為病，狀如傷寒，默默欲眠，目不得閉，卧起不安，蝕於喉為惑，蝕於陰為狐，不欲飲食，惡聞食臭，其面目乍赤、乍黑、乍白。其毒蝕於上者則聲嘎，其毒蝕於下部則咽乾……」令人食不下咽，喉嚨潰瘍，此症亦即是韓劇《大長今》中宗所患之疾；也有資料顯示「貝賽特氏症」係一種血管炎，會造成潰瘍及各種損傷，多發生於20至40歲壯年人身上。 據知黃浩然發病最嚴重之時，由於未能進食，每日只係吊鹽水。喺醫院治療期間，因為未能確定感染嘅病毒是否會人傳人，加上黃浩然抵抗力弱，怕外來嘅人會將細菌傳播俾佢，故謝絕任何探訪。本報日前收到消息，指黃浩然情況開始轉好，依家可以食粥等流質食物，但暫仍留院觀察。 其實黃浩然自上位以來，真係劇接劇，好少時間休息，就連今年父親節亦在工作中度過，佢太太家嘉曾謂:「今天老公要開24小時工，沒辦法和他過父親節，原來計畫了，為他做的慶祝小禮物也沒法實行。」祝黃浩然早日康復！多多保重！

【短片】【喉嚨潰瘍】黃浩然突患「貝賽特氏症」
仍留院謝絕探訪

由孔孝真同趙寅成主演嘅韓劇《沒關係，是愛情啊》前晚大結局，有份演出嘅綜藝節目《RunningMan》主持人李光洙，今日透過所屬嘅事務所向劇迷以及劇組人員表達謝意：「係一次幸福到震嘅拍攝，再次感謝導演、編劇、所有工作人員以及一班前輩同後輩，我愛你哋。永遠都唔會忘記作為朴洙光生活嘅呢6個月。」 另外，李光洙噚日公開咗喺慶功宴上同其他演員嘅合照，成班演員仲擠埋一齊影相，睇得出大家感情真係好好。

【韓流】沒關係，是唔捨得啊…李光洙難捨《沒關係》

周柏豪及連詩雅噚晚喺中環出席Adidas活動，柏豪嚟緊喺紅館開騷，佢話0依家日日操弗自己，不過就試操過籠，佢話：「有日操到血糖低，唔可以揸車，要同事幫手揸車，同事叫我去醫院，但我覺得操到入院好鬼瘀，所以返屋企瞓，返到屋企瞓咗三小時，我阿媽係咁入房Check我，聽下我有冇呼吸，因為我好似斷咗片，冇咗記憶咁。」 柏豪憶述當時記得喺更衣室除晒衫，但冇氣力沖涼，教練見佢咁耐未出嚟，就入去睇佢，仲即刻叫佢食嘢同飲嘢。咁現時操到乜嘢出嚟？柏豪自信咁話：「滿意，總之好過上次演唱會，一定會滿足到觀眾。」個唱請咗乜嘢嘉賓？佢就保持神秘，但就話全部都係自己偶像。 至於連詩雅亦表示最近要開始錄音，佢話：「都想自己快啲開騷，（要操弗？）係呀，要操下馬甲線，會Sexy過事業線。」記者笑言事業線操唔到喎，連詩雅就話：「事業線係托出嚟﹗」

【新鮮娛頭】周柏豪怕瘀拒入院
連詩雅狂操馬甲線

經過一輪激烈比併，動主播召喚2014冠軍終於誕生！3號Kinki憑着甜美笑容、精湛演出及伶俐嘅口齒，成功擊退其餘參賽者登上寶座。而亞軍及季軍，分別由1號UoG及2號Noris奪得。至於由一眾蘋民一人一票選出的「最受蘋民歡迎獎」，10號點點以由頭帶到落尾姿態勝出！ 整個動主播決戰2014戰況非常激烈，一班參賽者亦有大班粉絲到場支持，其中7號鰻魚的粉絲，每次見到鰻魚出場例必大叫，氣勢十足。不過講到粉絲多，一定不及兩位星級嘉賓「影壇女皇」劉嘉玲及「靚聲王子」古巨基，兩位甫現身即引來全場歡呼尖叫。被問到有咩「貼士」可以畀參賽者，基仔搞笑地叫大家上網睇返佢初出道時，做主持的片段，一定可以學到好多嘢咁話！ 動主播召喚2014賽果： 冠軍:3號Kinki 亞軍:1號uOG 季軍:2號Noris 最受蘋民歡迎獎：10號點點

【短片】動主播決戰2014
3號Kinki奪得冠軍

「亞洲會」成立兩周年———「亞洲會」係乜？呢，聲稱做過調查，指九成人撐亞視良心路線嗰個呢，又曾發起去政總集會撐亞視嗰個呢(王征起舞)，仲有就係前亞視執董盛品儒辭職之日，亞洲會喺亞視出咗條片…含淚話…「你為亞視犧牲小我」………亞視同亞洲會關係，親如手足。亞洲會，咪又係under亞視之下，有啲嘢可能亞視「唔方便」做，就由「亞洲會」去做囉…… 講番正題。亞洲會成立兩周年，今日喺亞視總台舉行理事會成立及喜藝坊啟動儀式。亞視主要投資者王征、執董葉家寶、亞洲會顧問盛品儒，仲有宮雪花、亞姐筱靖、許瑩、劉錫賢，魏秋樺、仙樂都、黃夏蕙同露暈女、AD2成員Amy等都有出席。 仙樂都同Amy今日都低胸迫爆事業線出現，宮雪花都唔弱，好鬼低胸，佢話：「今日係最保守一日，我同亞視一樣幾受委屈，有麝自然香，頭先王征先生都講亞視好受委屈，我都好受委屈。」 延伸閱讀: 【電視風雲】亞洲會調查指九成人撐亞視良心路線 http://bit.ly/1xWX7U1 【盛品儒辭職】亞視確認盛品儒請辭 亞洲會：你為亞視犧牲小我 http://bit.ly/1tLkc5C 【騎呢亞視】 全日狂loop兩分半鐘片永遠懷念盛品儒 http://bit.ly/1pZxSGr 亞視政總請願　騎呢柒事 http://bit.ly/1qv0XzH

【短片】【「良心」又嚟喇】谷胸花姨、露暈女
群波齊賀亞視「打手」兩周年

私影女也有出頭天，早前於《蘋果》娛樂版的「動私影」獲封女神的長腿靚女Alva（曾紹瑜 圖），今晚7時30分將會駕臨《英波Live》，陪大家睇英超早場阿仙奴主場對曼城的重頭戲碼，與立法會議員長毛梁國雄齊齊講波。兩間球迷會分別派出精英踩場，兵迷城粉必有一番唇槍舌劍！記低英波Live網址： http://soccer.appledaily.com，有女神有球迷有長毛，陪你睇足全場。 

【英波Live】私影女神舌戰長毛

長腳蟹呂慧儀（左圖）日前在微博公佈喜訊，指於上月14日誕下重8.888磅的珍寶蟹籽，昨日她又在微博貼圖，雖然珍寶蟹籽明天才滿月，不過身形似十足媽咪一樣高大，見到他的小腳板份量十足，呂慧儀留言說：「小腳呀，好想替你打腳印！」有網民更留言大讚珍寶蟹籽腳趾長長，將來一定高過爸爸媽媽！

晒珍寶蟹籽腳板仔　長腳蟹玩腳都玩成日

呂慧儀晒蟹籽腳板

筆者一向主攻煲韓劇，對於K-Pop反而很少接觸，感覺K-Pop是屬於年輕一輩，當然那些K-Pop歌手、組合等等，他們的名字總算也略知一二，但要認清每個人的樣貌，卻絕對不是一件輕易的事。 每年韓國歌壇都出產大量歌手同組合，但筆者看到他們只會感覺眼花繚亂，好像EXO紅遍韓國、內地，但要認住他們每人的名字和樣貌，絕非易事。對於筆者來說更與當年分辨「九餅」Cookies的經歷一樣，施展牢記大法，最終要花了不少時日才順利達標，不過EXO多達11人，所以筆者花的時間自然有過之而無不及，直到現時也未能成功。雖然對K-pop真的沒多興趣，卻十分喜歡韓劇中的歌曲，不少作品旋律都十分動聽，再配合埋劇集畫面，真的百聽不厭。 撰文：施洛冰

筆韓絲打：韓團人多考記性

陳冠希（Edison）早年開始投資時裝生意，店舖開完一間又一間，在香港及內地都有分店。最新分店位於中環四方街，並於前日舉行開幕儀式，Edison邀請了近20位朋友參與開幕儀式，還在附近餐廳舉行party慶祝生意蒸蒸日上。

前晚約晚上9時半，一身潮look打扮的Edison，飯後與朋友在餐廳外傾偈兼煲煙，心情靚爆的Edison雖知有記者影相，但亦沒有閃避或不悅，反而笑笑口望記者鏡頭，而當晚出席的嘉賓除了Edison公司同事，好友Kevin Poon亦有到場，反而台灣女友則未見蹤影。 採訪、攝影：徐錦池、楊浩賢

Edison開店煙駁煙

陳慧琳（Kelly）與經理人鍾珍並肩作戰多年，今年多了個小師弟，事關今年2月鍾珍正式宣佈張家輝已加盟旗下。日前Kelly與家輝齊齊現身上海，與一班好友到當地天平路一間食肆聚餐。當晚Kelly以全身白色打扮現身，當時天色雖然已昏暗，但Kelly仍然十分搶眼，離開食店之後，她與家輝於店外各自與好友暢談，家輝更與餐廳員工大玩自拍，而且深明「角度的重要」，拿着手機高舉至45度角才拍照，看來有姿勢有實際。 撰文：小米

家輝自拍撼Kelly

【房東涉毒之強顏歡笑】房祖名和張默同樣涉嫌容留他人吸毒罪在北京被刑事拘留，最高刑罰為三年以下有期徒刑及繳罰金，兩位星二代要受牢獄之苦，但最傷心莫過於兩位星爸成龍和張國立。早前曾志偉曾表示成龍和林鳳嬌仍未能見兒子房祖名一面，兩人相對無言，林鳳嬌更是以淚洗面。成龍營救兒子不果，但工作仍是要繼續，本月初成龍便被拍到現身河北省木蘭圍場壩上影視基地，有指他是為趕拍攝新片《絕地逃亡》（Skiptrace）。

前日成龍再跟曾傳緋聞、兼餵食提子的章子怡到羅馬尼亞出席「羅馬尼亞中國電影節」，成龍是電影節大使。兩人身穿白藍花紋羅馬尼亞傳統民族服裝上台大談觀影心得及接受電影節大使證書。成龍發言時表情故作輕鬆，手舞足蹈大談電影，但全程笑容牽強，戴住黑框眼鏡仍難掩疲態。他透露投資逾4億人民幣的新片《天將雄師》將於明年春節上映，還打算自己唱主題曲，他說：「我正在考慮要不要自己唱，希望會給大家驚喜。」

有傳房祖名將在月中判刑，判期將至，不過成龍始終沒有談及兒子最新情況。而章子怡羅馬尼亞電影人及媒體推介本次展映作品《一代宗師》。

另一位憂心爸爸張國立，日前來港出席在亞視舉行的「第9屆亞洲品牌盛典大型頒獎晚宴」，與吳大維、金鈴和郭洋子擔任大會司儀。穿上西裝、打煲呔的張國立沒有剃掉鬍子，臉容帶點憔悴，但台上表現專業，到後台亦有與其他司儀影合照，雖見他嘴角帶笑，但眉頭緊皺，似乎仍為兒子張默被捕事件而擔心。而張默已是第二次涉嫌吸毒，上次張國立第一時間出來道歉；但今次張國立卻選擇沉默，未有再為兒子求情。

蕭亞軒昨晚出席在太古廣場的時裝活動，記者問到柯震東在其instagram再度關注她一事，外界揣測二人有復合機會，她表示：「我有看過報道，希望他健健康康，給他一段時間，朋友可以做一輩子，我想大家給他多點鼓勵會更好。」問到她否聯絡柯震東，她表示：「簡單問候。」 採訪：嵐山、黃曉妍 攝影：沈健程

成龍殘樣頂硬上　見到章子怡笑唔出

祖名唔生性　都要搵飯食 成龍殘樣頂硬上

因一篇網絡文章，星爺被向太陳嵐怒轟抹黑向華強，連日來「反星派」狂插星爺，亦有「撐星派」力挺其為人。

不滿老公向華強遭抹黑，數臭星爺惡行，更給星爺十天時間，若事件與他無關便出來解話。

指星爺對電影圈沒貢獻，自私、無品，雖欣賞對方才華，但不欣賞其為人。

曾因《少林足球》版權問題，與星爺對簿公堂，更狠批星爺：「佢差到冇人有。」

大爆接拍電影《西遊．降魔篇》遭星爺臨時飛起：「上機前話飛我就飛我。」

力撐舊愛識照顧人，揚言外界如何評價，亦一直會支持星爺。

《少林足球》六師弟的肥仔聰撐星爺指該文章是假的，張栢芝剃頭也是假的。

當年今日