【本報訊】民建聯今晚召開中委會，一般預料將決定今年九月立法會選舉排陣，包括由民建聯主席馬力夥拍蔡素玉參選港島區；副主席葉國謙則退下立法會火線，專心處理黨務。葉國謙不評論他是否退居二線，只表示中委將討論目前形勢，以及一旦民主派提出「倒立法會主席范徐麗泰」動議時民建聯的相應對策。 據悉，馬力繼續為出選港島區鋪路，前日再次出席由中聯辦主辦的爭取居港權家長講座，而中聯辦信訪部處長彭秋雲也有出席。

民建聯今定參選名單

元朗發生手機爆炸意外受傷的姓盧文職警員，原來十分熱愛社交舞，是一名社交舞的舞林高手，曾在多次比賽中獲獎，跳舞亦為他締結出一段美滿姻緣。 四十三歲的姓盧事主，為現役文職高級警員，當差逾二十年；熱愛社交舞，已有近二十年社交舞經驗，可說是舞林高手，近十多年來獲得數十個獎盃，全部放於家中。他表示，最難忙是取得九○年深圳一個國際標準舞初級組的冠軍。 在九一年一次社交舞活動中認識現任妻子，其後兩人因有共同嗜好相戀，其後感情發展迅速而共諧連理，現育有一名三歲兒子及歲半大女兒。 盧妻表示，雖然兩人現時跳舞沒有以前狂熱，但間中亦有參加一些社交舞活動。 本報記者

舞林高手獲獎無數

受西鐵建造工程影響，位於屯門兆康苑至澤豐花園單車徑及休憩公園於工程期間封閉，但隨着去年底西鐵落成通車，公園亦完成重建，但至今仍未開放，令居民不滿，向本報投訴。 本報於本月五日報道居民投訴後，康樂及文化事務署解釋，由於前臨時區域市政局與九廣鐵路公司西鐵部臨時佔用屯門河畔花園，以興建西鐵兆康苑站，待該路段完成後，會重新設置公園設施。 西鐵已於去年底通車，而西鐵重建公園的主要工程亦於今年初進入最後階段，康文署聯同建築署為公園設施進行三次驗收，最近一次於上月22日進行，由於休憩用地上層花園的行人徑兩旁去水通道需要改善，以確保行人安全，因此西鐵同意進行改善工程，並預計本月內完成。 康文署稱，會密切監察，及加速進行餘下驗收工作，盡快開放公園供市民使用。  服務熱線 電話:29908288 傳真:23702192 電郵:<AHREF="mailto:sservice@appledaily.com">sservice@appledaily.com</A>

投訴追蹤：屯門西鐵公園將開放

【本報訊】沙田車公廟路近曾大屋昨晨八時許發生刑毀案，停泊在橋底的三部泥頭車遭人擊毀車窗，其中一名姓曾二十七歲車主返抵取車發現報警。他事後透露曾於一個月內被人三度破壞泥頭車，但原因不明。警員到場兜截無果後，在現場拍照以便調查（圖），現正聯絡另外兩名車主。 文兆麟攝

三泥頭車車窗被毀

作為美國人嘅恒隆主席陳啟宗經常大罵民主派，原來佢對老董嘅怨憤一樣好深。噚日佢自己喺香港發展論壇研討會上，竟以街頭語言，痛斥老董「係唔係都拿屎上身」，新機場出事又要攬、雞瘟又要攬，如果你大把本錢都冇所謂，「但你周身屎，再拿上身就多啲屎！」 陳啟宗又數臭老董，身為特首但又冇政治手腕、又冇魅力，有政治理念但唔識sell就等於冇理念，冇政治手腕就死硬，三項能力都「食蛋」就好大鑊，好似個學生咁，「中英數三科得○分，體育、物理、化學、音樂全部攞一百分都冇用！」 陳啟宗可能驚中央拍枱，鬧鬧吓清醒番，都幫老董講兩句好話，將部份責任賴落傳媒身上，話香港所有傳媒個額頭都鑿咗個「反」字，但支持政府嘅《文匯》、《大公》又冇人睇！（若然係實情，又點會得《蘋果》一份受盡政治迫害，俾人抽廣告？）連陳啟宗呢啲袋本US護照又咁親中嘅商人，都咁樣踐踏老董，當正老董已經下台一樣，老董管治真係名存實亡。  傳真︰2623-9278 電郵︰<AHREF="mailto:pf_lee@appledaily.com">pf_lee@appledaily.com</A>

　　陳啟宗窒老董「拿屎上身」 - 李八方

立法會會計界代表李家祥事先張揚唔選下屆立法會，噚日佢同傳媒茶敍，細說從頭，講到從政十幾年，參與過大大小小四十幾個政府諮詢委員會及百幾間非政府機構，當中唔少係做主席、副主席及會長。雖然身為會計師應該唔怕悶，但李家祥諗起都話，大部份嘅會都悶死人。 其中一份公職就一啲都唔悶，李家祥原來係TVB兒童節目諮詢委員會委員，佢話好多兒童節目，都由佢畀過意見，其中一個就係《兒歌金曲》，佢當年曾於委員會上話，見到七八歲嘅細路唱埋啲情情塔塔嘅歌，周身唔自然，建議兒歌要清新健康啲。講到第三屆特首嘅形勢，佢認為現時係奴才鬥太監，太多篤背脊，背後插到血肉淋漓，不如有興趣嘅候選人大大方方，好似gay佬咁，走出衣櫃，光明承認，由阿爸阿媽代答嘅都唔算數，至少日後互片可以明刀明槍。  傳真︰2623-9278 電郵︰<AHREF="mailto:pf_lee@appledaily.com">pf_lee@appledaily.com</A>

當年今日