奉天承運，皇帝詔曰，33DDaDa歸位！以為佢攞咗最佳女配角就會封胸？大錯特錯！ 嗱嗱嗱，其實都係DaDa應飲品牌子邀請，去咗一個沙灘度拍廣告，個度人影都冇隻，DaDa就嚟個大解放喇！比堅尼加短冇可短嘅熱褲，大家淨係睇相，都已經心跳加速啦！ 因為今次係sell西瓜汁，所以除咗樽嘢飲之外，仲有個大西瓜，要DaDa撲嚟撲去，咁搞法，就更加係睇到人熱血沸騰呀，最後DaDa竟然撲到個西瓜...爛埋！噢，唔緊要，可以同攝影師同工作人員一齊分享。 想睇多啲DaDa咁性感嘅一面？記得睇實聽日嘅動新聞喇！ 逢周五隨《蘋果日報》附送嘅時尚美容雜誌《add》第二期將出版；拎唔到書嘅朋友，可以上番《add》嘅官網 http://hk.add.nextmedia.com/睇番足本網上版，除咗有陳慧琳訪問，仲有好多時裝靚嘢睇！

【圖輯】SexyDaDa沙灘拋胸撲西瓜！

《蝙蝠俠：黑夜之神》系列，導演基斯杜化路倫（ChristopherNolan）將英雄電影重新定位；《一代宗師》，導演王家衛就將武打片變成文戲，更大玩葉問嘅心路歷程...喂，兩套戲好似冇乜嘢關係喎！ 網民就唔係咁睇，尤其係高登討論區嘅巴打絲打，有人開咗個新post：「如果王家衛拍蝙蝠俠會點拍？？？」網民即留言當年王家衛經典電影《東邪西毒》嘅對白，不過梗係有二次創作： 「很多年之後，我有個綽號叫做蝙蝠俠，任何人都可以變得黑暗，只要你嘗試過什麼叫恐懼。」 嘩，好有共鳴喎！咁更加係唔少得二次埋《一代宗師》嘅對白啦：「人活一世，有人成了 英雄 ，有人成了 罪犯 ，都是時勢使然...」 之後更有網民二次創作埋「幻想中」嘅電影海報，型到爆，巴打絲打齊齊讚係 「高質post」 ！ 不過話時話，如果王家衛真係拍蝙蝠俠，真係驚佢拍到2046年都未有得睇... 逢周五隨《蘋果日報》附送嘅時尚美容雜誌《add》第二期將出版；拎唔到書嘅朋友，可以上番《add》嘅官網 http://hk.add.nextmedia.com/睇番足本網上版，除咗有陳慧琳訪問，仲有好多時裝靚嘢睇！

【短片】蝙蝠俠X一代宗師？網民二次創作高質post

劉嘉玲今日著上露肩裙現身澳門新濠天地，為歌舞劇「TABOO色惑」慈善首演揭幕禮擔任嘉賓，曾封金像影后的嘉玲坦言好想演舞台劇，希望最快明年或後年可實現夢想，佢話：「我性格好男仔，要我扮男仔都好，角色冇所謂，歌舞劇、話劇、舞台劇都可以，唱歌都得，同邊個合作亦冇所謂。」 噚晚有署名「劉嘉玲」嘅用戶喺facebook留言分享人生道理：「接受了艱困的遭遇，我們就不會再有任何的損失。因為，『接受』即是最大的收獲。」原來呢個唔係嘉玲fb，而幔畀人盜用個名開戶，嘉玲話：「呢個fb其實唔係我，可能係我一個影迷有開，我都查緊佢係邊個，不過對方好友善，知佢冇惡意，只係轉載我微博嘅留言。」 問到盜用戶口者會唔會係追求者？嘉玲笑言：「我嘅追求者唔會咁勤力， 其實可以有條件俾人利用唔係壞事，只要動機唔係唔好就得。 」 逢周五隨《蘋果日報》附送嘅時尚美容雜誌《add》第二期將出版；拎唔到書嘅朋友，可以上番《add》嘅官網 http://hk.add.nextmedia.com/睇番足本網上版，除咗有陳慧琳訪問，仲有好多時裝靚嘢睇！

【圖輯】Fb被盜用名字
劉嘉玲:有條件被利用唔係壞事

王丹嘅facebook，噚日貼咗一張北京城內，大批群眾上街嘅相。事件觸發點，緣於本月3號凌晨4時許，一名到北京打工嘅安徽女孩袁利亞，從京溫服裝批發市場4樓、一間充滿男人嘅密室墮樓身亡。警方對家屬表示係自殺案件，又拒絕公開商場監控視頻，袁女家屬不滿，今早喺商場門前抗議。結果有近千人結集，到商場門前抗議，拉起寫有鮮紅字樣嘅條幅，呼籲還死者一家公道。 之不過，喺內地網上傳媒流傳/報道嘅消息，真假混雜，難知真偽。有內地網站貼咗袁利亞疑似「被自殺」消息，但配圖，竟然用咗《仁心解碼II》第一集、石天欣被姦殺墮樓身亡嘅劇照，並於微博廣為流傳。 有內地網民不知相中人是石天欣、只道是為何案中受害者會身穿校服、內褲被褪下來，於是向新浪微博投訴，有人寫道﹕ 「請問一下，自殺需要把內褲脫到小腿嗎？視頻監控裏有某位元大領導嗎，為甚麼不能公開？今天微博加密這麼多微博是怎麼回事？面對我們的監督質疑你們熱情歡迎嗎？」 亦有睇開無綫劇嘅網民留言謂﹕「闢謠：假圖，請搜《仁心解碼》劇照。」要求更正。石天欣眼見自己張劇照張冠李戴變成受害者圖片，亦大感無奈，於微博寫道﹕ 「雖然比人利用了我的照片冒充案發現場，但希望袁利亞的案件能早日破案。」 並送上「蠟燭」，向逝者表心意。 石天欣在微博還能打「袁利亞」三個字，可悲也可鄙的是，這三個字在微博已成「敏感詞」，關於「袁利亞」這名字的微博條文都被河蟹。連死亡真相也未找到，就要河蟹掉封鎖消息，這是甚麼鬼國度？

內地新聞又作假
《仁心II》校服女無辜變死者

余文樂日前同佢籃球隊「橫洲工業」，包括隊員周柏豪等FullTeam上陣，為運動飲品拍廣告，佢哋先到影樓影廣告硬照，再到球場拍電視廣告。為營造汗流浹背效果，阿樂拎住噴水壼向自己塊面及麒麟臂狂噴，面對鏡頭時就Chok爆，至於柏豪就練習型爆投籃動作。 有傳阿樂同柏豪因爭女，由好兄弟變緋聞情敵，拍攝當日中場休息開餐時，雖然坐同一張梳化，中間隔住一位隊友，但柏豪埋首玩手機，而阿樂就撩貓玩，搞到面左左，令不和傳聞似層層？阿樂否認：「 黐線 ！」而柏豪笑說：「 邊度有面阻阻呀？今日拍廣告主題係『汗』，我哋咁出汗，好wet，出汗出到面濕濕就真 ！」之後他們應記者要求合照時，風騷的阿樂向柏豪作狀出擊，柏豪就擰歪面懶理，非常搞笑！ 逢周五隨《蘋果日報》附送嘅時尚美容雜誌《add》第二期將出版；拎唔到書嘅朋友，可以上番《add》嘅官網 http://hk.add.nextmedia.com/睇番足本網上版，除咗有陳慧琳訪問，仲有好多時裝靚嘢睇！

樂仔柏豪Chok爆射籃
力證冇不和

賈思樂同露雲娜噚日喺新城電台繼續宣傳演唱會，兩個都話呢排瞓得唔係咁好，可能太多宣傳，好怕練唔切歌，咁仲唔閉關？賈思樂話：「閉㗎啦，做埋呢個訪問差唔多，有啲訪問因為好早就接咗，冇得推，之後會專心練歌記歌詞。」賈思樂話最開心係已經有人搵佢地去美加登台，露雲娜話：「如果傾得成仲可以去埋旅行。」 撰文：馮仁昭

逢周五隨《蘋果日報》附送嘅時尚美容雜誌《add》雖然早已派完； 拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！

馮仁昭四圍超： 賈思樂露雲娜美加掘金 - 馮仁昭

今年是鄧麗君60歲冥壽，而昨日是她逝世18年的難忘日子，其歌迷難忘鄧麗君的歌聲，透過網上來悼念偶像，初出道被指聲線似鄧麗君的王菲（左圖）亦在微博留言道：「謝謝曾經來過，願一直美好。」鄧麗君的三哥、三嫂亦帶領來自世界各地的歌迷到台灣金寶山向鄧麗君默哀獻花。就連演繹鄧麗君歌曲而為人認識的單紫寧，即使做完微創切除腎石手術出院，也趕赴台灣拜祭鄧麗君。

一中一台：鄧麗君冥壽王菲悼念

傅嘉莉昨日到中環出席護髮用品活動，以露背裝性感現身，對於有指獲吳卓羲以糖水攻勢追求，她受訪時全程冧笑甜到爆。傅嘉莉透露將要為代言廣告喼弗，記者即表示要叫吳卓羲不要再送糖水，她說：「但係我真係好鍾意食糖水喎！」又直言吳卓羲絕對是筍盤，大讚對方好sweet、好幽默、好體貼。 問到兩人是否拍拖？傅嘉莉笑言將來的事沒人知，只承認雙方是好好好好的朋友，更說：「等佢同大家公開承認係追我先，男仔要有風度，女仔要有矜持。」她又表示拍拖講感覺，現時大家都感覺好好，記者提議她約吳卓羲唱K，傅嘉莉即衝口而出說：「我好鍾意唱K㗎！」至於想不想吳卓羲超越林峯講八個愛變「傅八愛」？她即笑說：「拍拖都想對方對自己好sweet啦！」 採訪、攝影：譚倩宜

傅嘉莉冧爆吳卓羲

扮嘢功夫了得嘅李思捷，因為主持無綫嘅《玩嘢王》口碑好，&#134513;家已經變成整蠱專家，同整蠱畫上等號，但凡講到整蠱人都入晒佢數。 前日上市公司思捷環球公佈業績，再次發盈警，nowTV嘅財經台就乘機抽水，喺佢哋做嘅民意調查中問投資者感受，其中一項問股民係咪有俾李思捷整蠱嘅感覺，證明思捷已經成功變成專整蠱人嘅代表。

當年今日