鄭伊娜今日喺尖沙咀出席一間美容中心開張，佢話好想擔任美容嘅代言人，問佢想唔想整容或者隆胸﹖佢話：「我驚架，好怕痛，打針都會暈，不過如果有代言做都ok嘅，但係我從來冇呢份勇氣，所以我依家係全天然。」 如果想整，唔知伊娜會選擇咩部位﹖佢話：「包包面，V少少就夠。」效法顏子菲隆胸﹖伊娜即刻表示：「佢話痛過生仔喎，有少少羨慕，但又會擔心，因為唔知將來會點，好怕有副作用。」 星期日係母親節，伊娜表示佢會煮大餐，又會同家姐、細佬一齊諗買咩禮物。自從離開亞視之後，伊娜透露機會多啲，遲啲仲會拍微電影添！

鄭伊娜羨慕顏子菲隆胸：佢話痛過生仔喎

英國大胸模特兒KellyBrook早排諗着憑美劇《OneBigHappy》進軍美國呢個大市場，佢喺套劇度仲成日晒身材事業線，仲有全裸戲份（當然電視台係打完格先出街嘅），加上個故事都幾得意，係講一個女同志想借種生仔，就搵佢最好嘅朋友幫手，而呢個朋友之後就愛上咗Kelly，三人就開展兩女一男嘅生活。 第一季只係得六集，不過因為收視差，NBC電視台就決定要腰斬，唔會再拍第二季。恐怕Kelly呢個闖美計劃唔係太成功。

【裸體都唔掂】英模Kelly進軍美國失敗新劇播得六集

「最美麗港姐」朱玲玲、陳凱琳及何傲兒等今晚現身尖沙嘴洲際酒店，出席慧妍雅集嘅慈善舞會。會長陳法蓉及周美欣最性感，陳法蓉話:「今晚個個都好靚，會員都幫手搵到好多贊助，依家雖然未計數，但應該破到好多紀錄。」 同鄭嘉穎傳出「父女戀」嘅陳凱琳今晚都有出席，今日有周刊刊出訪問，其中鄭嘉穎坦言希望有空間約會發展，記者問到陳凱琳兩人關係時，陳凱琳心情勁靚話：「係呀，依家開始喇。」下？ 陳凱琳續道:「依家認識當中。(覺得嘉穎點？)拍嗰陣已知係點，佢對對手好好，教我同陸永做戲。」咁兩人係乜嘢關係？陳凱琳笑言:「好朋友。」咁頭先又話「依家開始」？陳凱琳笑道:「依家開始做訪問呀，唔係拍拖。」蝦。 陳凱琳又話，要慢慢用時間認識對方，又讚佢份人好好:「同佢一齊好舒服。」咁即係呢杯cupoftea好飲啦？佢話:「唔識答此問題。」至於嘉穎提到唔排除約會佢，問佢會否單獨約會，陳凱琳笑言：「睇情況，唔係拍戲，大家又得閒，不妨出嚟傾吓偈。」

【短片】【父女戀】陳凱琳回應同鄭嘉穎關係：係呀，依家開始喇

韓劇《3days》女星蘇怡賢上年10月同男星印喬鎮結婚，婚後二人間唔中都有上吓節目晒恩愛，而今日二人就傳出好消息，表示終於榮升做準父母。 據知，現時30歲嘅蘇怡賢已懷孕兩個月，相關人士又透露蘇怡賢兩公婆對於做準父母一事非常開心，而蘇怡賢目前就正專心於管理健康，勢要生日健康B。 而蘇怡賢所屬嘅事務所亦確認消息，表示：「蘇怡賢目前已懷孕8周，由於目前係懷孕初期，所以對於消息被公開感到好徬徨。」

【韓流】蘇怡賢懷孕8周做準媽媽

恒基千億新抱徐子淇當年下嫁李家誠時，曾揚言會生5個BB，昨日終於再傳出有孕喜訊，日前她在其Instagram上載了一幅與黎姿、鄺文珣及本地時裝設計師張潔雯等女友聚會的相片，當時她身穿黑白波點的DG連身裙，鬆身剪裁的設計也見她谷胸，腹部微隆，手臂也胖了一些，孕味甚濃。 本報昨日收到知情人士消息，指子淇應再度有喜，大概已懷孕4個多月，據悉今胎她再陀男Ｂ，連同之前大女晞彤、二女晞兒及細仔俊熹，為李家再添男丁，四名子女組合成兩個好字，作為老爺的四叔李兆基及李家上下都大感興奮，一向愛親力親為湊子女返學放學的子淇，亦減少操勞安胎。

子淇今次再度有喜，身邊朋友也三緘其口，記者前日及昨日曾致電有份參與聚會的張潔雯，她在電話表示對喜訊不知情：「你哋問番佢啦，我唔知呀，見佢真人塊面都好瘦。」本報昨日致電恒基發言人查詢子淇喜訊一事，對方未有正面否認，起初表示李太未有回覆，之後再以WhatsApp表示：「暫時無回應，多謝關心。」本報昨日在四叔及李家誠的辦公室中環ifc等候，截稿前未見他們蹤影。 其實子淇自3月初與夫婿李家誠出席amfAR慈善舞會，當時身形仍然fit到爆，之後一家去旅行，更不時上載近照到ig，但都以上半身相為主，上周她在倫敦度假，穿起Burberry印花裙拍照上載Ig時，煞有介事用手袋遮掩腹部，更留言：「Just waiting...patience is a virtue。」已暗示靜待與李家誠的第四名BB誕生的玄機。 採訪：唐如

四叔又有孫抱　徐子淇再陀仔4個月

有喜四個月　湊成兩好字 徐子淇再陀慈姑椗

顧嘉煇的「榮休盛典演唱會」昨晚在香港紅磡體育館舉行頭場演出，下午六時正，煇哥帶同鄭少秋、關菊英、陳潔靈、葉振棠及謝安琪等將會獻唱他作品的歌手，在紅館外的露天場地進行拜神切燒豬儀式。戴帽現身的煇哥笑容燦爛，而秋官在現場聽到fans呼叫時揮手示好。

演唱會採用四面台，八時許開場煇哥跟音樂總監徐日勤由台下慢慢升起，他向觀眾揮手後步向台下的VIP座位，煇哥行動雖然較慢但精神奕奕。當他就座後螢幕播出煇哥的錄影片段，他表示首次擔任司儀，不過因說話一向口窒所以都是錄影較好。接着由陳潔靈上台唱出《今晚夜》、《星夜星塵》、《夢》，之後由仙杜拉上台跟煇哥對話後唱出《啼笑姻緣》。煇哥與每位上台表演嘉賓交談時對答如流。 採訪：馬建華 攝影：仇志德

秋官陳潔靈 唱好煇哥榮休騷

由日本搖滾樂隊L'Arc~en~Ciel主音HYDE與前Oblivion Dust成員K.A.Z組成的二人組合VAMPS，為昨晚首個香港騷再度訪港，並接受傳媒訪問。VAMPS為巡唱走勻多個地方，被問到如何補充體力，VAMPS謂：「飲靚酒，嘆美食，同有充足睡眠。」HYDE又謂想此行想食北京填鴨。 談到在美國開騷的難忘趣事，VAMPS透露在美國乘坐的旅遊巴經常壞車，令他們擔心不能趕到會場，而已參加過世界不同音樂節的VAMPS，笑言想與AKB48合作：「想同AKB48參加偶像組合的音樂節，好似好好玩！」 撰文：程芬

VAMPS來港掛住食填鴨

韓國KBS電視台新劇《Orange Marmalade》將於下星期五首播，劇組日前公開了兩位男主角呂珍九和李宗泫在片場打鬧的花絮照。照片中，飾演吸血鬼的李宗泫作狀要咬呂珍九，而呂珍九亦非常配合地做出痛苦的表情，之後又扮暈，結果要李宗泫抱起，場面搞笑。據知雖然二人是首次合作，且於劇中是情敵，但他們在開拍後很快便變成好友，戲外亦會互相幫助，感情要好。

當年今日