鄭欣宜噚晚以濃妝配合新歌造型，出席一個喺旺角舉行的「數碼共融」，欣宜話基本IT嘢佢都識，但唔係好叻。問佢會唔會識番個IT男友？佢話冇所謂：「有都OK，有乜事有人識整。」 問佢以前有冇擔心過唔識收藏相片？佢話唔擔心：「登過晒冇嘢驚。（同男友親密相？）已經登過晒，冇嘢驚，可放馬過來。」講到父親鄭少秋主演的《大時代》重播後勁hit？欣宜話未有機會睇到：「自己時間好緊迫，都知道大家好鍾意，無論重播幾多次，都會想睇。」 問佢有冇睇過部劇？欣宜表示：「唔係成套睇晒，間唔中睇啲，好正，完全冇鄭少秋感覺，入晒落丁蟹角色，完全係兩個人，大家相信佢演角色，真係好好。唔係因為佢係我爹哋先讚。」欣宜坦言想有爹哋演戲功力，當然要尚待磨練。 有傳《大》會開拍電影版，問佢有冇興趣演一角？佢話：「我完全open，如果要我，可完全參與。（做乜角色？）可能係一個新角色，可能係丁蟹好多年後多咗個女呢。」

【狂煲大時代】讚爸爸演得好
欣宜：完全冇鄭少秋感覺，入晒丁蟹角色

MandyLieu早前被讀者爆料，指佢同澳門賭業猛人周焯華（洗米華）蜜遊澀谷，日前Mandy「大肚照」曝光，相中佢身穿bratop及運動長褲做pilates，更喺健身機器上做高難度動作，並騷腹肌及馬甲線，唔似孕婦肚脹身形。（新聞連結： http://goo.gl/GGqzuH） 今晚洗米華就返回陀B逾七個月嘅正印陳慧玲（Heidi），兩夫妻喺澳門出第一屆澳門國際電影展揭幕禮，同場仲有張智霖（Chilam）、佘詩曼、劉心悠、余文樂、林家楝、彭浩翔及姜文等，星光熠熠。 穿上DeepV白色晚裝嘅洗米嫂，配戴閃爆鑽飾示人，行頭十足，雖然挺住巨肚，但佢仍腳踏高跟鞋。 身為主禮嘉賓嘅洗米華上台時，正印華嫂就坐喺台下，記者叫佢周太時，佢亦大方望鏡頭，兩公婆只作短暫逗留，離開時再次成為焦點，洗米華仲同太陽娛樂高層黃柏高開玩笑：「不如叫太陽娛樂簽埋我。」洗米華同Heidi到會場外等車時，華嫂蹺實老公臂彎，宣示主權。

【短片】【宣示主權】陀B逾七個月
洗米嫂挺巨肚蹺實老公晒行頭

《大時代》第一集，丁蟹喺四個仔都墮樓身亡，死剩佢一個未落去團聚，但丁蟹腳震震顫危危企喺天台邊緣，唔敢跳，結果要幫自己「打打氣」:「跳呀！X家剷！」日前播出呢集嗰陣，不少首次欣賞此劇嘅網民紛紛懷疑自己是否幻聽，其實唔係幻聽，秋官真係有講0架。 今日周刊刊出韋家輝之專訪，憶述播《大時代》呢場戲之前，曾與無綫總經理何順忍及副經理何定鈞拗過一輪，努力爭取先至可以令呢句粗口出到街，條件係要將呢句對白調細聲咗。 92年10月5日，呢幕戲係7點半黃金時段播出，如果同一場景推到今時今日同時段播放，唔知網民有乜嘢反應？

【挑戰尺度】丁蟹講「X家剷」
韋家輝向總經理力爭播出街

丁悅和王維德等人昨日在深水埗出席歌唱比賽活動，剛剛完成胞姐王敏明喪禮的王維德，對於大台傳有新股東加入紅色資金，王維德說：「我覺得多幾個電視台好啲，多啲競爭，藝人都多啲機會，好多有才華藝人都轉行太可惜。」丁悅在歌唱比賽出身，說參賽歌曲要表現技巧，很多人會選高音大叫歌曲，但她覺得其他曲風也有人喜歡。

王維德撐開新電視台

德國名模Heidi Klum向來慷慨露肉，曾被傳媒多次拍下到沙灘裸曬，最近她則為澳洲女歌手Sia擔任新歌《Fire Meet Gasoline》的MV女主角，跟美國人氣劇《權力遊戲》（Game Of Thrones）男星Pedro Pascal上演肉緊床上戲。Heidi與拍檔先躺在草地親熱，她穿背心明顯凸點上陣，之後就穿着自家品牌的內衣又攬又錫，盡晒fit爆身材。

Heidi戴自家Bra拍MV

陳奕迅（Eason）和導演杜琪峯昨日在北京出席電影《華麗上班族》的記者會，杜Sir對Eason出神入化的演技感滿意，Eason說：「拍杜琪峯的電影，好像經歷過一輩子的情緒都有經歷到了。」他還表示拍完電影情緒有很大的起伏，因此他經常看書，好讓自己沉澱。杜Sir更感謝老闆們的支持：「我第一次拍超過一億元投資的電影，也是第一次拍3D的電影，拍完這個電影以後，他付出很多，這部電影是我非常想拍的電影，也有機會讓我學習，我沒有觸碰過的東西。我希望這個電影是賣錢的。」 採訪、攝影：陶然婷

陳奕迅睇書平復情緒

日本男星小田切讓與演員妻子香椎由宇，本來育有兩名兒子過着四人家庭生活，但昨日卻突然傳來噩耗，二人去年出世的第二兒子，於日前因為腸閉塞而要動手術，可惜手術後幾天情況突然惡化，最終不幸去世。 演過電影《東京鐵塔》、《渴罪》及劇集《深夜食堂》等的39歲性格小生小田切讓，昨日與其演員妻子香椎由宇，透過事務所發表聯合聲明，指其去年出生的第二兒子，早前因患上腸閉塞，於本月14日進行了緊急手術，之後幾天一直接受治療，但到本周初，兒子的情況突然急轉直下，到本周一早上6時許不治。小田切的小兒子剛1歲零9天，消息傳出後網民都留言表示十分心痛。

在聲明中小田切與妻子亦表示，小兒子的喪禮已經舉行，雖然只得1歲零9天的短短生命，但得到很多人疼愛，所以特以發表聲明通知並表示謝意。小田切讓與香椎由宇均是2月16日生日，所以他們選擇於2008年兩人生日時結婚，結婚三年後，香椎為小田切誕下長子，二人於去年4月再誕下第二名兒子，可惜因病去世。

據小田切身邊的工作人員指，兩夫妻受到重大打擊之後，這幾天都十分憔悴，小田切前晚缺席新片《S－最後的警官－奪還》的宣傳活動，而香椎原準備拍攝日本NTV電視台的新劇《戀愛時代》，但因太過傷心已決定辭演。香椎前年懷着二兒子時，正在拍攝劇集《黑教練》，但亦因為身體問題，拍攝了三集就要辭演。 由於小田切讓演技了得，多年來一直工作繁多，他三年前來港出席香港亞洲電影大獎時，曾慨嘆因為工作忙碌的關係，比較少時間與家人共聚，當時他更指正忙於搬家，後來才有日本傳媒指，小田切因擔心輻射問題影響兒子，所以叫妻子香椎帶着大兒子暫搬到沖繩居住，可見他就算忙碌也十分關懷妻兒。 撰文：泉水

小田切讓與香椎由宇的一歲大兒子不幸離世，其實近年日本藝能界多次傳來女星痛失親生骨肉的壞消息。

33歲的Morning娘前成員飯田圭織，08年為丈夫誕下首名兒子僅6個月，兒子因腎臟不全而離世，4年後她再度懷孕，翌年再誕下男嬰。

前樂隊JUDY AND MARY主音YUKI，10年前跟丈夫所生的長子因嬰兒猝死綜合症（SIDS）在家中離世，當時其子只得1年零11個月大。

日本藝人小田切讓的1歲多孻仔，日前因腸閉塞（Ileus）猝逝，事件令人惋惜，本報昨晚致電家庭醫生關嘉美，她表示導致腸閉塞，其實有很多原因：「Ilues只能講到佢出事的狀況，知道佢腸唔郁，腸係需要蠕動，唔郁當然好有問題，但就有好多原因會導致腸閉塞。」關醫生舉例，例如BB曾接受手術後有創傷、藥物、或中毒等，若未能及時察覺，BB便會肚脹，再拖落去，便有死亡風險。

腸閉塞手術後惡化　小田切讓一歲兒子去世

腸閉塞手術後惡化 小田切讓一歲兒子去世

Apple Watch昨日正式到貨，不少星級「果迷」收到新錶後急不及待晒錶，包括趙世曾女兒趙式芝、潮人徐濠縈及陳冠希契細佬潘世亨等。其中趙式芝揀了白色錶帶款，她在facebook晒新錶，而潘世亨則買了黑色錶帶運動型款。 此外，阿徐在Instagram玩逐格睇，由拆盒、叉電，到戴上手試玩功能，她以條子裝襯她的白色Apple Watch。阿徐的友人不斷讚好，其中丁子高更留言問：「好唔好用。」，阿徐回覆：「學習中。」她所揀的白色運動錶帶鋁金屬款，有大小size，當中有38mm及42mm款式。 撰文：唐如

趙式芝阿徐急晒Apple Watch

韓國女歌手IU拍攝的燒酒廣告一向受歡迎，不過現時21歲的她可能受到新法例影響，廣告隨時被抽起。近日，韓國保健福祉部提議修改國民健康增進法，禁止未滿24歲的藝人或運動員出演酒類電視廣告，而透過報紙、海報、傳單等形式的廣告也在被禁範圍之內。如果修訂案獲國會通過的話，IU將無法再代言燒酒。 IU所屬的事務所對此不太擔心，表示：「修訂案仍未被通過，再說即時通過了，相信也會有緩衝期不會一刀切，所以IU現在的燒酒廣告應該不會有問題。」 此外，IU將與男神金秀賢合演KBS新劇《Producer》，此劇原定下月8日首播，但劇組卻宣佈再次改期，將首播日子延至下月15日。有劇迷表示無奈：「別人是追劇，我就是等劇。」而劇組昨日就公開了IU的劇照造勢，只見飾演頂級女歌手的IU樣子高傲冷冰冰，予人高不可攀的感覺。 撰文：江瑚

當年今日