最近努力減肥四十磅嘅林二汶，今日去到商台為十月舉行演唱會作宣傳，佢指距離減磅目標仍仲有十幾磅，佢話：「上圍當然有縮咗，不過整體比例都一樣，相反望落去條腰幼咗，好似瘦得更明顯。」哥哥林一峰一向都係瘦底，佢就踢爆指哥哥已經年屆四十兼中年發福有肚腩，佢笑住話：「佢瘦咗咁多年，我企喺佢身邊肥咗咁耐，係時候佢要還。」重提上次喺台邊發生意外跌倒撞親額頭，佢承認至今仍然有陰影。再次上台都唔敢行近台邊，因為上次只係好彩有少少破相，嚴重起上來可以有生命危險。

【仲差十幾磅】為演唱會勁減四十磅　林二汶爆哥哥林一峰中年發福

去年不少歌迷都期待歌神張學友會喺入行卅周年時舉行演唱會，大家苦等嘅時候，學友都冇放慢腳步，佢經已靜靜地為全新演唱會作準備，今日佢以fit爆狀態，現身尖沙嘴洲際酒店，宣佈將於12月4日開始、假紅館舉行二十場《A Classic Tour學友．經典世界巡迴演唱會》，喺經典金曲《每天愛你多一些》伴奏下，企上像真度極高嘅小型紅館，連學友都忍唔住話想行落台睇下有幾似。

今次演唱會以「經典」為主題，學友指自己已經有五年冇喺紅館開騷，超過二十年無喺紅館舉行四面台演唱會，記得上次四面台經已係1995年演唱會。學友話：「想再做一次四面台，呢個都係經典嘅事，亦非常講求體力，我都係搏一舖，想留畀自己一啲經典感覺。」

獲公司花費百萬舉行記招，學友坦言有一定壓力，原因排好歌單流程表後，發覺今次係完全挑戰自己體能極限演唱會：「以前演唱會都冇咁大挑戰性，做完之後會覺得唔夠挑戰性，今次趁自己仲可以做到就最大挑戰，好似四面台已經係體能上好大考驗，但又想做一啲好玩嘅嘢。」問到係咪打算騷六嚿腹肌？佢話：「我唔會，挑戰呢啲，留畀後生仔做。」

學友一向尊重幕後合作團隊，今日記招前先筵開17席自助餐，招待工作人員及傳媒，並介紹重要功臣如奚仲文、陳華國、吳慶隆、李國海等上台。記招上，大會又特別剪輯咗一段來自周星馳電影《破壞之王》中、星爺撲學友演唱會飛片段，學友睇完條片之後話：「片中係我1993年演唱會海報，事隔23年仲夠膽拎出嚟播，非常感恩呢幾十年對我嘅支持，希望我呢幾十年做嘅嘢無令人失望，我會再做好啲。」

【最重要係幕後班底！】張學友開記招 開17席自助餐慰勞團隊

啱啱為ViuTV去日本拍攝完選美外景嘅方力申，今日現身中環為藝術節活動擔任活動大使，講到今次外景被女圍時，佢大呻大會安排男女分開入住唔同酒店，佢話「嗰時跟獎門人去外景，夜晚仲一齊玩耍盲雞，o依家就分開。」小方坦言大為失望，更笑指：「早知就唔做呢個節目，呢啲福利嚟o架嘛，o依家變成係專心工作。」今次外景連泳衣環節都無，令佢無緣欣賞佳麗泳裝。

問到有無拎佳麗們電話？佢老實不客氣話「梗係有，o依家選美都去到尾聲，一切都塵埃落定，o依家拎咪無問題。」小方指自己雖然單身，但都有一定要求，講到佳麗有無合眼緣，佢話：「首先要係單身，唔係我啱就得，唔係單方面揀，呢個節目唔係小方揀女友。」

【日本拍ViuTV選美】呻冇泳裝睇冇得同酒店 方力申：早知就唔做呢個節目

今日係陳慧琳（Kelly）嘅44歲生日，壽星女放假同家人慶祝，Kelly話：「今年生日好開心，收到唔少禮物，淨係容祖兒支咪（唱K神器K068）都收到三支，唔知係咪大家見我facebook貼老公唱Sam歌，囝囝跳晒舞啲片呢？所以都揀咗送咪畀我，仲差一支就可以全家大合唱開生日concert，兩個囝囝已經唱爆咪啦，做歌手嗰個反而搶唔到咪呀，自己都覺得有冇攪錯！」 Kelly話生日願望係自己同屋企人都身體健康，咁已經好幸福，直至今日佢已經食咗11個生日蛋糕：「唔會因為減肥唔食，一年先一次，冇所謂啦，最近成日巡迴，夠晒運動量，不停咁跳都可以keep fit，唔驚。」 上星期Kelly剛完成大馬雲頂「Let's Celebrate世界巡迴演唱會」，全場大合唱生日歌為佢預祝，完騷後歌迷仲送上榴槤蛋糕，令佢非常難忘。而今次Kelly個唱整咗新嘅Pokemon GO捉精靈片，着超級deep V戰衣戴上黑超，造型似足精靈「鐵腕」，Type仲改為『誰願放手』非常搞笑，當Kelly喺台上播片，台下就有歌迷用一個超大版紅色精靈球掟上台，好在Kelly手快接住，更開心大叫：「嘩！掟上嚟捉我？哈哈哈，好得意呀。」

【囝囝做咗咪霸】生日禮物收到3支咪 44歲陳慧琳：差一支可以全家大合唱

韓國女神全智賢跟「長腿Oppa」李敏鎬拍攝新劇《藍色海洋的傳說》，先後出發西班牙取景，全智賢昨日素顏現身首爾仁川機場。

全智賢的機場look簡約有型，紅色皮褸及不規則長身恤衫出自Loewe，下身襯牛仔褲、白波鞋，揹個黑色袋，輕鬆上機。惜素顏女神有點面青青，紅色皮褸未能幫手提升好氣息，如果塗點紅唇膏，效果應該較理想。

更多時尚、美容新聞，即上： http://add.appledaily.com 

【add即時．尚】全智賢素顏現疲態 Loewe紅皮褸未能提升氣息

25歲已為人母的嘅李蘊，前幾日喺ig貼上同閨蜜G.E.M.(鄧紫棋)、何超蓮嘅合照，原來係話要離開香港，返大陸同老公羅章冠一家三口展開新生活。嫁雞隨雞嘅李蘊，之前回應就話會喺廣州住幾年，等小朋友返學再決定。(新聞連結： http://bit.ly/2cBhzpV  )

不過，話晒李蘊做女嗰陣，一直都喺香港生活，要離開土生土長嘅地方，重新適應新環境新生活，又真係有啲啲唔習慣。李蘊今日喺ig就留言話：「好多事情也要慢慢習慣的，那我們笑著(着)去習慣吧！」

【一家三口團聚】返大陸定居 李蘊呻要慢慢習慣

大陸男星王寶強上月驚爆老婆馬蓉搭上自己個經理人宋喆而離婚( 新聞連結： http://bit.ly/2cTtkEw  )，噚日有報道話，佢哋已經正式簽紙離婚，當初有消息指王寶強係要求財產分割，但o依家就有傳話王寶強甘願「淨身出戶」，即係話佢放棄逾億人民幣幣家產、一切共有財產，只帶走自己嘅身體，就係咁佢就成功爭取到兩個小朋友嘅撫養權。

對於王寶強淨身出戶離婚，佢嘅委任律師就話一切都進入法律程序，兼且案件仍在審理，同要尊重王寶強嘅私隱，所以未有透露詳情，但對於官司嘅結果，冇承認亦冇否認。事實上，之前馬蓉在分居時就開口要求分財產，仲要係九一分帳，出軌嘅佢分9成、王寶強分1成，當時王寶強嘅親友就說勸佢唔好離婚。

【世上只有爸爸好】為仔女撫養權放棄逾億人仔家產 王寶強律師：案件仍在審理中

韓國綜藝界人氣主持鄭亨敦去年11月因患焦慮症宣佈暫停一切演藝活動，當中佢為免影響節目，亦先後退出《無限挑戰》等人氣節目，令唔少粉絲都好擔心佢病情。

雖然鄭亨敦因病暫停工作，但粉絲就好期待佢快啲復出，而唞咗10個月嘅鄭亨敦眼見病情穩定不少，決定今個月回歸公仔箱。

根據韓國方面嘅消息，相關人士透露鄭亨敦正與自己嘅代表性節目MBC《一周的偶像》節目組討論回歸嘅日期，如無意外會喺9月中回歸節目，但細節仍處於調節階段。

至於鄭亨敦所屬嘅FNC事務所就回應：「《一周的偶像》回歸還在商議中，具體時間未定，但目前仍未有《無限挑戰》嘅回歸計劃。」而鄭亨敦將於9月底開始投入節目嘅拍攝工作。

而《一周的偶像《方面就發表官方立場，佢哋確認鄭亨敦將會回歸節目，而代替佢工作嘅金希澈同Hani就會下車，又表示：「鄭亨敦首次節目錄影會喺9月尾進行，10月先會播出街。」

【復出有期】焦慮症停工10個月  鄭亨敦月底回歸

今年是日本女子組合SPEED出道20周年，現年32歲的隊中主音島袋寬子，昨日爆出新戀情，其另一半是年僅20歲的舞台劇演員早乙女友貴，發展相差12載的姐弟戀，目前兩人已同居，有指島袋寬子會趕及在今年內披上嫁衣。消息曝光後，島袋寬子於網上承認喜訊，表示跟小鮮肉男友已經訂婚，但否認是奉子成婚。 SPEED成員島袋寬子、上原多香子、新垣仁繪及轉型從政的今井繪理子已各散東西，今井繪理子經歷婚姻失敗，上原多香子則飽受音樂人丈夫自殺打擊，而新垣仁繪嫁人後更退居幕後到美國生活，島袋寬子是隊中唯一未婚成員，原來她與新歡早乙女友貴是從去年夏天開始交往，拍拖逾一年已感情穩定，有傳媒爆料指兩人不但同居，還有結婚打算，相信會在今年內拉埋天窗。

早乙女友貴是歌舞伎男星早乙女太一的胞弟，雖然年紀比女友細成截，依然無損兩人之間發展，昨日島袋寬子親自在官方網誌公佈訂婚消息：「我與早乙女友貴已定下婚約。我們因工作認識，非常投緣，彼此也是從小開始在演藝界工作，我們是認真的兩情相悅。」及後島袋寬子透過事務所強調目前未有懷孕，之後早乙女友貴也於網上公佈戀情，更大讚未婚妻非常有魅力，而跟島袋寬子情同姊妹的上原多香子與今井繪理子亦送上祝福。島袋寬子當年以12歲之齡入行，故她出道當年，男友僅出生3個月。同時，有網民認為島袋寬子擇偶口味非常廣泛，當紅時曾搭上年長20歲的中年名嘴松本人志。 撰文：哥羅

拍拖逾年短期內結婚　 32歲島袋寬子情定小鮮肉

哥哥生前好友陳淑芬和兒子陳家豪、張徹太太、連炎輝及前助手Kenneth等，昨日與來自各地的逾千位哥迷，帶備生日蛋糕、水果、紙鶴、鮮花、心意卡，還有紙紮別墅、名錶、護膚品等前往寶福山拜祭哥哥，日本哥迷就摺912隻千羽鶴悼偶像，而由古巨基演繹「哥迷會」會歌《Dear Leslie》於昨日零時首播，陳太把這歌帶到寶福山送給哥哥做生日禮物。

此外，張國榮歌迷會昨晚在中環舉行追悼活動，約有3千名來自世界各地歌迷出席，陳奕迅與雷有輝昨晚應邀上台唱歌。 採訪：王梓嫚、黃曉妍

Eason現身哥哥冥壽派對　唱《春夏秋冬》全場起哄

張國榮60歲冥壽哥迷齊悼念

薛家燕、范振鋒同吳剛等噚日喺九龍城出席慈善探訪活動，席間吳剛贊助送出100盒月餅畀現場長者。家燕姐表示向來都好重視中秋節，今年係咪人月兩團圓？佢話：「李居明話我2019年先有，咁我唔等。」仔女有冇催促快啲搵番個伴？家燕姐笑住話：「前幾年都有催我，但&#134513;家我會反問佢哋『咁你哋呢？』，之後大家就唔再提。」 撰文：馮仁昭

【馮仁昭四圍超】 家燕姐三年內兩團圓

前日係梁齊昕（右）25歲生日，噚日馮仁昭搵過佢，問到今年嘅生日願望係乜嘢時，齊昕話：「最緊要開心同身體健康，希望自己個病快啲好番。」至於佢生日前一晚喺禮賓府舉行嘅生日派對，齊昕話玩得好開心，又話請咗四十個朋友出席。問係咪父母驚佢飲醉，所以安排喺禮賓府搞生日會？齊昕即笑住話：「吓！完全冇啲咁嘅事喎！」 撰文：馮仁昭

【馮仁昭四圍超】 齊昕祝自己身體健康

應屆香港小姐三甲前晚誕生，馮盈盈大熱奪冠，亞軍及季軍分別是劉穎鏇和陳雅思。馮盈盈當選後，其facebook翻舊賬留言，指她在前年雨傘運動期間，不時以極流俐的粗言穢語留言，更爆粗鬧特首梁振英，認為她有損港姐的優雅形象。翻看馮盈盈的舊貼文，當年食物及衞生局局長高永文指，沒有數字顯示佔領運動阻礙急救時，馮盈盈爆粗鬧梁振英：「o依家自己人都撐你唔落，再次X到冇眼睇！」又以「呢個人真係相當有嫌疑」質疑梁特收受澳洲公司回佣一事。

馮盈盈對建制派的批評更是不遺餘力，特別對鍾樹根、蔣麗芸及葉劉淑儀等的言論，她不留情面以粗口侍候，例如問「全盛時期嘅tree gun（鍾樹根）到底要X幾多鑊先夠？」對於在雨傘運動中，有反佔中阿伯抓向女佔領者胸部，事後阿伯被警員帶離現場了事，馮盈盈感同身受在fb爆粗大罵「X你老X冚家X！條死鹹蟲大大力狂揸落去，個女仔不停喊非禮都唔放手……以後我出街俾人非禮，有晒證人有晒片捉埋個疑犯都唔X洗旨意告得佢入。」

昨日馮盈盈在將軍澳電視城接受傳媒訪問，她直認曾在fb爆粗留言，指當時剛剛考入大學，受到當時整個大學的狂熱氣氛影響，她說：「我喺香港土生土長嘅，好關心香港嘅時事，愛之深，責之切，所以特別有強烈嘅情緒，先會有啲較激嘅言論。」她強調自己平時言行絕對不會如此：「平時言行，同人日常交往，冇可能講呢啲嘢，女仔都要斯文啲，唔應該講！」

訪問期間，馮盈盈兩次表示後會小心言論：「經一事長一智，始終畢咗業，個人投身社會，選完港姐成熟咗成長咗，明白到同一件事有好多睇法同真理，要有包容開放心態，總之抱住多啲正能量嘅態度就好！」另她接受無綫新聞部訪問時，問到作為港大畢業生，面對早前校委會風波及副校長任命時的衝突，馮盈盈認為要加強雙方溝通：「校委會增加多啲學生代表，採取開明包容嘅態度。」而有網民在fb留言鬧：「品德最差港姐，影衰晒，人前扮淑女！」但亦有網民力撐「支持Crystal！香港人有邊個冇講過粗口？對着不公義有氣憤填膺好出奇？咁都唔嬲一係人渣一係白癡。」

前晚港姐決賽，同場公佈香港先生結果，冠軍黎振燁、亞軍丁子朗及季軍鍾君揚。今年港姐觀眾票選，馮盈盈得票為36,679票，對比上屆冠軍麥明詩得票為166,659票，但上年及今年總投票人數都約為23萬人，由此可見馮的得票率非一面倒。

當年今日