大台前新聞王子柳俊江於6年前娶妻雷康怡（Florence），前年升呢人父，老婆為佢生咗囡囡Bella，現時囡囡約兩歲，估唔到佢哋咁快手又有咗，Florence本月就再生B，呢胎仲係囝囝，三年抱兩，成功湊成好字，柳爺話老婆肚皮可以收工。 現年35歲嘅柳爺，跳出公仔箱，佢又拍戲又做主持，仲會做埋廣告導演，幕前幕後多方面發展。柳爺有囡萬事足，不時喺網上貼出囡囡萌照晒幸福。《蘋果》今日致電恭喜柳爺，佢話：「太太未咁快生，呢個月尾先係預產期，呢胎係囝囝。」一女一子湊成好字，佢話：「兩個可以收工。」 柳爺話Bella好懂事，佢都知道即將做家姐，佢話：「Bella都知知哋，我哋開頭懷疑係咪再有咗BB。我哋叫佢如果係有，你埋去錫媽咪個肚一啖，佢真係去錫咗，第二日太太去驗，真係有咗喎。Bella現時會指住媽咪個肚，佢會行埋去媽咪個肚指住同錫落去。」Bella最搞笑係會模仿埋媽咪大肚，柳爺又話：「佢又會用公仔攝入自己件衫扮大肚，猛叫細佬呀，有少少意識，但唔係好清楚。」 柳爺為迎接新成員準備就緒，囝囝「腳頭」超好，帶挈爸爸呢排工作量大增，佢話：「最近好忙，接咗四、五個執導廣告，希望交晒貨，咁我安心陪太太入醫。」柳爺話未有複雜心情，始終生完第一胎相隔唔耐，一切好ready!

【短片】【三年抱兩】老婆月尾生B仔
柳俊江湊成「好」：可以收工

黎明喺演唱大讚今日個摩天輪之後，繼續講佢被催婚嘅事，仲教fans點樣處理被催婚o添！佢諗返起當時喺北京嘅婆婆成日催佢結婚，生兩個孫俾佢抱下，仲日日都咁講。雖然嗰時淨係得call機，唔會日日講到，但係記得嗰時自己大約廿五、六歲:「婆婆就哦到我成三十幾歲仲哦緊。有一日我就同佢講叫佢冷靜啲，我嘅人生係做緊一啲正經嘢，唔可以為咗一個人而將我人生完全改變，如果我等到就會結婚，如果等唔到就會繼續做正經嘢，我都會繼續同婆婆傾偈，婆婆聽到之後都好開心，之後就冇再提喇。」 Leon繼續:「婆婆八十幾歲嘅時候有一晚喺後巷度嗌我，好大聲，啲屋企人陪佢飲少少酒，大家傾下偈呀飲下酒，喺冇音樂嘅底下大家哼下歌，跳下舞，玩到三四點鐘，大家都好開心。」佢仲覺得如果阿媽催你結婚嗰時，要搵個方法揼掂佢嗰個衝動先:「冇辦法，因為阿媽有時好衝動。」佢話講呢番說話係因為摩天輪上面有個女仔問佢，俾阿媽催婚點算好。

俾阿媽催婚點算呀？黎明﹕搵個方法揼掂佢嗰個衝動先

林峯一連三場的紅館演唱會「HeartAttackLFLiveInHK」前晚完結，連日跳勁舞，施展渾身解數，狂晒苦練的爆肌body。 林峯不放過任何騷身材的機會，開場時穿巴黎高訂品牌OnAuraToutVu紅色刺繡長褸，華麗地扮殭屍，去到舞蹈部份都要自揭白色上衣晒腹肌，搞到粉絲血脈沸騰！ 其後，少不了赤裸上身，來一招let'sgetwet。即使有衫着，林峯都刻意揀性感的Burberry喱士top配西裝褸，去到尾聲，上身都僅穿Dieselbomber，還要開胸，任由爆肌示人。 更多時尚新聞，即上： http://add.appledaily.com

【短片】【add即時．尚】林峯爆肌着巴黎高訂、Burberry騷身材

由「收視女王」孔孝真跟《Oh我的鬼神君》男星趙正錫主演嘅新劇《嫉妒的化身》未播已經多是非，早前曾傳出孔孝真要求多多，要換導演及攝影導演人選，而KBS又炮轟《嫉妒的化身》製作公司，反口唔跟KBS合作而跟SBS簽約，激到KBS話會採取一系列措施嚟應對。 而KBS噚日就宣佈放棄《嫉妒的化身》嘅播出權，表示：「經過多方面商議，最終決定唔於KBS播出電視劇《嫉妒的化身》，目前正討論替補作品。」 而《嫉妒的化身》嘅劇組負責人就回應：「新劇原定於KBS播出，但由於播出時期跟製作行程唔配合，因此決定於SBS播出，加上SBS方面給予積極回應。」 無論點都好，新劇總算係已落實於8月播出，相信「收視女王」孔孝真嘅演出唔會令人失望。

【韓流】KBS爭唔贏放棄播孔孝真新劇《嫉妒的化身》

「得意妹」秋小愛雖然已離開了韓國綜藝節目《超人回來了》，不過生活依然多姿多采，昨日其靚媽矢野志保便於Instagram公開一張兩母女玩瑜伽迎接新一天的相片，可見二人雙手撐地，筋骨柔軟，非常合拍。

其後矢野志保再次公開小愛的新相，小愛似乎非常多節目，身為獨女的她和朋友仔一起照顧BB，充滿大姐姐風範，不過一會兒後她又變回BB，向媽媽撒嬌要抱抱。

小愛跟媽媽做瑜伽

有韓國「金球獎」之稱的《百想藝術大賞》，將於下月3日在首爾慶熙大學舉行第52屆頒獎禮，昨日大會公佈入圍名單（詳見附表），神劇《太陽的後裔》獲得5項提名，「雙宋」宋仲基及宋慧喬以大熱姿態角逐視帝視后，不過撞正《Signal》的實力派前輩趙震雄及金惠秀，令戰況變得激烈。電影方面，靚媽全智賢再鬥金惠秀爭影后，單看入圍名單已夠睇頭。

大會昨日公開電視和電影組別的入圍名單，電視組別鬥得難分難解，雙宋擔正的《太陽》連獲5項提名，包括作品賞、導演賞、劇本賞及最佳男、女主角。由於《太陽》上月才以38.8%的高收視大結局，加上宋仲基憑此劇升呢做男神，外界都睇好雙宋可以挾着《太陽》的熱潮封帝稱后。不過雙宋的對手亦充滿實力，劉亞仁、金惠秀和趙震雄除了有份爭視帝視后外，亦起雙飛在電影組別爭獎。

電影方面，全智賢的《復國者聯盟》同樣獲5項提名，角逐作品賞、 導演賞、劇本賞、影后及最佳男配角。全智賢早前已憑此片在大鐘獎擊敗對手金惠秀、韓孝珠等人封后，今次再對撼兩位勁敵，未知全女神可否再下一城。而全智賢自2月生B後便沒有公開露面，如果她下月現身頒獎禮，勢必成為焦點。影帝方面，入圍的5位男星李秉憲、劉亞仁、宋康昊、黃政民及白允植都是票房保證，令人難以猜測最後賽果。 撰文：梁雯迪

《太陽的後裔》 《她很漂亮》 《六龍飛天》 《請回答1988》 《Signal》

宋仲基《太陽的後裔》 劉亞仁《六龍飛天》 趙震雄《Signal》 周元《龍八夷》 南宮民《Remember—兒子的戰爭》

宋慧喬《太陽的後裔》 黃靜茵《她很漂亮》 金惠秀《Signal》 羅美蘭《請回答1988》 金賢珠《我有愛人》

《復國者聯盟》 《燥底師兄生擒富二代》 《寒流黑金》 《亂世詩情》 《第四名》

白允植《寒流黑金》 李秉憲《寒流黑金》 劉亞仁《思悼》 宋康昊《思悼》 黃政民《燥底師兄生擒富二代》

全智賢《復國者聯盟》 金惠秀《唐人街》 李貞賢《誠實國度的愛麗絲》 全度妍《無賴漢》 韓孝珠《我的變身男友》 資料來源：百想藝術大賞官網

《太陽》奪5項提名 雙宋大熱　爭百想帝后

話題十足的ViuTV深宵節目《晚吹》系列，繼周永恒錄影陳淑蘭主持的《總有一隻喺左近》時發難扯火離場後，前晚鄧健泓擔任該節目嘉賓，大爆無綫秘聞。離開無綫兩個月的鄧健泓，在節目中討論「屎忽鬼」話題，自言初入行時發展順利，直至01年離開跟黃柏高簽約做歌手，才第一次感受到甚麼叫「屎忽鬼」。

鄧健泓表示，他與當時女友原子鏸回家途中，突然有周刊記者拿着大叠照片走到二人面前，指鄧健泓曾追求過相中女子。鄧健泓說：「根本呢啲唔係事實，行姐（陳彥行）喎，同我做過《男親女愛》舞台劇之嘛，咁都話我，仲要我以前喺加拿大一啲感情生活佢哋都知！我開始諗點解有人會知道，乜嘢人想造死我呢，破綻就嚟啦，我可能係喺兒童節目（主持《閃電傳真機》）同某啲人講過呢啲事，我喺加拿大嘅感情生活都有同佢哋分享，嗰時冇諗住娛樂圈係咁恐怖，你問我，我咪講囉，原來呢啲屎忽鬼真係想整死人。」 前晚節目還請來一位前無綫幕後爆料，直指有無綫導演靠關係上位，升上宣傳部主管級後，某日突然走到剪片房偷拍員工攤唞及打機片段，並警告員工說拍下證據扣人工及炒魷，由於該主管昔日任職導演時也經常在剪片房做同樣事情，是以令眾下屬難以信服。 鄧健泓聞言後突然有感而發，大爆無綫一個前導演惡行說：「行內講緊一個人，真係好紅，唔可以講名，應該大家都知，佢真係屎忽中嘅屎忽！我哋電視台有一個導演，以前啲人都覺得佢好縮骨，做嘢唔認真，又成日偷懶，結果佢離開電視台，做一間周刊嘅記者，佢最屎忽嗰樣嘢，係走去荷蘭做黑市勞工嘅專訪，去一間餐廳訪問啲黑市勞工：『辛唔辛苦？你放心，我第二日同你做過，我今日趕時間。』跟住第二日報警拉晒啲黑市勞工，佢就走去影呢個moment，呢啲真係超級屎忽鬼！」鄧健泓指該導演當日在無綫任職時已不受歡迎，他續說：「佢同我哋去一個trip，一個好tough嘅trip，但結果佢屎忽嘅關係好早走咗：『呢啲咁危險嘅嘢我唔做！』鋤大D又出千，講緊唔係賭錢都出千。」

記者昨日致電鄧健泓，對於報警拉黑工的前導演身份，他透過WhatsApp說：「過了便算，無謂自己做seafood鬼，唔想影響人。」至於疑出賣他的兒童組同事，鄧健泓只表示是幕後工作人員，其他不再多講。據本報了解，該導演曾參與過《城市追擊》及不少旅遊及綜藝資訊節目，之後曾轉職周刊記者，但據悉五年前已經離職。 採訪：魯吉

離開tvb冇包袱　鄧健泓爆大鑊數臭前導演

離無綫冇包袱　上ViuTV爆大鑊 鄧健泓數臭前導演　訪問黑工後報警拉人

憑舞台劇《最後作孽》奪得今屆香港舞台劇喜劇／鬧劇組最佳女主角嘅余安安，噚日到新城電台接受薛家燕訪問，佢講到大女李文琪年尾出嫁：「有啲唔捨得，雖然個女住得近，會經常返嚟食飯。」安安話親家都住喺附近，阿女日後為方便照顧BB而揀住近啲。母親節就到，安安會同家人食飯慶祝：「以前收到阿女花心思做嘅禮物，特別開心，&#134513;家收到佢賺錢買嘅禮物亦高興。」 撰文：馮仁昭

當年今日