荷李活影星尊尼特普（JohnnyDepp）日前於倫敦出席《愛麗絲夢遊仙境》續集《AliceThroughtheLookingGlass》宣傳活動，同場仲有導演添布頓（TimBurton）及女主角米雅華絲歌絲（MiaWasikowska）、沙格畢朗高漢（SachaCohenBaron）等。 尊尼繼續以亂髮look現身，睇起上嚟不修邊幅。佢喺記者會上重提妻子安芭赫德（AmberHeard）因為偷運兩隻愛犬Pistol及Boo入澳洲境內被當局控告一事，當時尊尼為了幫愛妻求情錄製道歉短片，不過尊尼當時木無表情，該片被嘲似ISIS人質片段。尊尼喺記者會上再次「道歉」自嘲，佢話：「對於我冇偷運兩隻狗入來英國，我好對唔住。你知啦，澳洲人都好爽朗。」即刻引起在場人士大笑。

道歉被嘲似人質短片
尊尼特普倫敦谷戲再「耍冧」自嘲

現年37歲嘅女星李娜英，去年5月低調跟韓片《殺手代父》男星元斌結婚，並於12月時為老公誕下男B做靚媽。休養咗咁耐，李娜英日前終於復工拍廣告。 當日穿上白色連身裙嘅李娜英現身首爾聖水洞，拍攝代言嘅咖啡廣告，而身形一向纖瘦嘅佢，生完B之後都未有走樣。而李娜英拍完廣告後就由工作人員護送下極速離開，其所屬事務所表示：「李娜英一直都有揀緊復出作品，絕對冇話要引退。」

【韓流】李娜英生B後首拍廣告

鍾楚紅日前在西安出席慈善活動，為自閉症兒童與其家人送祝福。心善則美，紅姑穿上顏色低調的橄欖綠上衣及黑裙，依然難掩艷光。 這套裙裝出自Fendi今個春夏系列，早前JaniceMan及蔡卓妍分別穿過搶眼紅裙與青春牛仔露腰裙，紅姑的公主式泡泡袖wraptop，以及較硬朗的皮條穿孔細節高腰裙，就走優雅路線。 更多時尚新聞，即上： http://add.appledaily.com

【add即時．尚】鍾楚紅着Fendi行善由內靚到外

韓劇《愛上Pinocchio》女星朴信惠近日忙於準備拍攝SBS新劇《Doctors》，今次佢會於劇中飾演神經外科女醫生，而喺造型照公開前，朴信惠今日就率先於Instagram公開新自拍照。 照片中，朴信惠換咗齊瀏海、長直髮加校服，手拎《Doctors》劇本，透露新劇已正式開拍。而26歲嘅朴信惠再扮學生妹，又幾無違和感，而新劇預計下月播出。

【韓流】26歲朴信惠Keep住扮學生妹

將48歲嘅澳洲天后KylieMinogue同28歲男友JoshuaSasse，月前宣佈訂婚，佢哋年齡相差一大截，相處完全冇問題，不過30歲都未夠嘅Joshua已經有中年危機。 據英國《太陽報》報道Joshua近年受髮線向後移嘅問題困擾，頭頂頭髮越嚟越薄，見佢出親嚟好多時都會戴帽遮住，而Joshua為重拾自信決定進行植髮手術，Kylie當然好支持未婚夫，仲幫Joshua支付5,000英鎊（約5.6萬港元）嘅植髮費用。

【男人最痛】Kylie擲5.6萬幫28歲未婚夫解決禿頭危機

【爆相爆片】現年32歲的鍾嘉欣去年底秘嫁脊醫Jeremy，今年初在加拿大溫哥華補擺喜酒，當時新娘孕味濃，及至昨日母親節微博報喜，更有意義。昨日讀者透過本報「爆相爆片」，直擊在溫哥華撞見嘉欣拖老公出席家庭聚會，她的大肚新相曝光，素顏挺着巨肚的嘉欣估計懷孕5個月。

鍾嘉欣去年底秘嫁約44歲、無綫集團前主席梁乃鵬的醫生姪仔Jeremy Leung，今年2月底在溫哥華補擺喜酒，當時已傳出新娘有餡出嫁，雙喜臨門，但她未有直接承認，被追問是否有喜時只默認說：「BB嘅嘢，唔好亂講，我覺得太早，適當嘅時候公佈。」昨日有讀者Stephy透過本報「爆相爆片」分享挺着大肚的嘉欣與老公Jeremy，於香港時間昨日在溫哥華一間中式酒樓食飯的照片，估計嘉欣已懷孕4至5個月，肚凸凸的她行動依然敏捷。 讀者Stephy指嘉欣昨與Jeremy，還有嘉欣雙親及家人等一行約8、9人於溫哥華開餐，提早慶祝母親節，安胎中的嘉欣胃口不錯，還有飲湯，而Jeremy坐在她身邊，全程體貼服侍。讀者Stephy指嘉欣四肢很瘦，尤其穿上牛仔背心，手臂外露，其間起身步往廁所時被發現，而素顏的嘉欣面頰圓碌碌，氣色不錯。

嘉欣BB陀BB，今年2月補擺喜酒時穿寬身中式裙褂，當時已見孕味濃，懷疑已有3個月身孕，但她在訪問時三緘其口，可能怕胎兒小器才保守秘密，但現在情況穩定，昨日嘉欣終於在母親節分享喜訊，於微博貼出的近照，見她兩手在部腹前做出心形手勢，並留言：「母親節快樂！很快，我會進入人生另一個階段：做媽媽！我非常期待、異常興奮！當兩個心連成一個，感覺很奇妙！下年的母親節，會是怎樣的呢？」記者昨傳短訊給嘉欣，她僅回覆微笑、合十和錫錫圖案。

婚後的嘉欣享受家庭樂，甚少在社交網站分享近況，只是上月初生日時，貼過切蛋糕相，而她早前在婚禮上，曾揚言想生4個小朋友，當時並透露已向無綫請假至7月尾，相信收身後才會復出。楊思琦昨在電話中恭喜嘉欣：「恭喜佢加入媽媽行列。」當日有出席婚宴的前香港先生李晉強，昨在電話指不清楚嘉欣何時回港：「都未生，生完都要唞吓。」 嘉欣在溫哥華專心養胎，其舊愛伍允龍也不愁寂寞，昨有讀者李先生透過本報「爆相爆片」，直擊他昨午與疑似緋聞女友劉佩玥出現尖沙嘴棉登徑，兩人並肩而行，有傾有講。 採訪：陳杰、嵐山

母親節宣佈有喜　嘉欣溫哥華養胎大肚曝光

母親節報喜做媽媽：期待興奮 嘉欣溫哥華養胎大肚曝光

林峯上周日完成一連三場紅館演唱會，休息一星期後昨日復工，到屯門為新專輯舉行簽唱會，大會邀請三位fans上台向林峯施展舞功，務求引起林峯注意。其中一位男粉絲拿着星星仙女棒揮舞；另一位女粉絲蹲低再向林峯身上游走；最激的一位男粉絲則大玩火辣hehe舞，他拿着玩具雞在林峯面前跪地，最終越跳越埋嚇得林峯要用手保護小峯峯，最後林峯選了這位男粉絲勝出，還錫他手背作獎勵，林峯笑言自己未開始跳舞已成身汗。

林峯接受訪問時表示，演唱會後因心情放鬆患上小感冒，要到醫院求診：「好彩呢幾日有好好休息，兼且同媽咪先食餐好慶祝母親節，體重都多番幾磅。」問到有否同女友吳千語媽媽慶祝母親節，他表示：「冇呀，嗰日都係同林家食飯，未準備好禮物。」之前好友馬天佑在女友背後小解，他即大笑：「下次同佢出去會拎定個桶畀佢，我諗佢真係好急，唔好再笑佢，佢好尷尬，講三年好啦。」

此外，千語BB前日下午3時多，獨自現身中環ifc，去了city'super買麵包，準備離開時突然折返幫襯買蛋糕，其間仍有不少途人認出素顏的她。之後千語BB才由司機駕駛的七人車接走，果然作為林峯女友，出入有專車接送地位崇高。 採訪、攝影：馬建華、潘冠恩

遭HeHe挑逗手掩小峯峯　林峯照鏡搵比卡超

林峯遭HeHe挑逗　手掩小峯峯

韓國男團iKON前晚殺入亞博館舉行首次香港演唱會，7位成員大晒廣東話及英文，又反串穿上女裝扮女團跳舞，令現場氣氛相當熱烈。 iKON甫出場先帶來一段勁歌熱舞，其後分別以廣東話及英文向粉絲打招呼：「想念我們嗎？Love you。」又向粉絲大派心心。iKON深情演唱抒情歌，粉絲亦高舉寫着「謝謝你們出道」的應援手幅以答謝偶像的努力。其後iKON紛紛戴上假髮和換上黑色短裙現身，大跳性感女團EXID的成名曲《Up & Down》，趷籮、扭腰樣樣做齊，成員振煥更擘髀，B.I和允亨就貪玩地捐裙底，惹來全場粉絲爆笑，掀起全場高潮。 採訪：文凱靈 攝影：潘冠恩

iKON扮女人笑死港迷

楊愛瑾（Miki）上月底終於嫁咗畀永安太子爺郭永淳，坐正做郭太。不過Miki少奶奶生活唔愁冇嘢做，近日佢就忙住做運動，練就腹肌同馬甲線。Miki噚日喺Instagram貼出着住bra top襯短褲嘅運動裝自拍照，其實Miki日前都貼過相，但自拍時用手機遮咗面，呢次就連畀埋靚樣畀大家睇。 撰文：馮仁昭

【馮仁昭四圍超】 Miki馬甲線求驗證

昨日母親節，除了鍾嘉欣報喜懷孕做媽媽，章子怡、官恩娜（Ella）、徐若瑄和周汶錡等今年亦是首次以媽咪身份慶祝母親節。 撰文：魯吉

【子怡囡囡賣萌】章子怡老公汪峰昨於微博貼上太太與囡囡的開心合照，胖嘟嘟的B女笑到瞇眼咬住手指，可愛爆燈。微博圖片

官恩娜（Ella）和周汶錡（Kathy）昨日分別在社交網上載跟B仔溫馨合照，祝天下媽咪母親節快樂，其中抱住重磅B仔的Ella更謂：「抱到手斷都願意。」互聯網圖片

當年今日