名模Rosemary偕母親Julie、蔣怡、霍震霆、李嘉慧、陳見飛及EO2的Otto和Eric等人，前晚出席在UA金鐘舉行的新片《變種特攻2》首映。問Rosemary最近有否找前男友Gordan時，她說：「唔好講佢啦！」問她是否不想提Gordan？她說：「係呀！」至於會否搬回家住，她說：「唔會，一個人住都好開心。」  <spanclass="arttextboldbig">陳見飛被稱阿嫂  霍震霆則表示要抗炎先要有健康的身體，所以要多做運動，他亦呼籲觀眾多些入場睇戲。而陳見飛的緋聞男友、EO2成員Eddie，則因病缺席，但當EO2另一成員Otto見到陳見飛走過即笑說：「阿嫂呀！」但陳見飛未有理會。 採訪、攝影：王連連

Rosemary獨居好開心

陳芷菁與其律師男友張錦榮拍拖兩年，二人感情一直發展穩定，昨日傳來喜訊，原來芷菁已有了兩個月身孕。 陳芷菁於○一年認識任職律師的男友張錦榮，她更曾公開坦承與對方經陳淑蘭介紹下，相識兩星期已墮愛河，據知芷菁本來已計劃於今年暑假在英國註冊結婚，雖然芷菁的身體卻一向欠佳，但她與男友都很喜歡小孩子，故她去年底亦開始不設防，竟一擊即中，成功懷有身孕。  <spanclass="arttextboldbig">暑假註冊  昨日記者致電恭喜芷菁時，她在電話中不禁開懷大笑，並坦承已懷孕，芷菁說：「係呀，我好開心，我同我男朋友都好鍾意小朋友嘅。」不過現時時勢欠佳，問她會否感到擔心？芷菁即說：「我相信呢個時候賜個小朋友畀我，係天意，我覺得呢個小朋友會好堅強。」而她會於七月在英國註冊。 採訪：朱芷瑩

陳芷菁未婚懷孕

二十一歲的韓國當紅女星宋慧喬和三十三歲的男星李秉憲前日默認拍拖，堪稱今年韓國藝能界最震撼事件，亦是二人入行後第一次承認拍拖，入行十三年的李秉憲更是一直與女性絕緣。 一直有傳宋慧喬與李秉憲合演人氣韓劇《今年》戲假情真，《今》劇剛播畢，二人於本月十七日即偕同攝影隊，到意大利為時裝雜誌拍攝封面，上周六（二十六日）二人再轉到羅馬遊山玩水。  <spanclass="arttextboldbig">緊擁女友出閘  前日宋慧喬與李秉憲回到漢城仁川機場，一眾記者以為他們會再以聲東擊西的方法，避免傳媒拍得二人合照，豈料李秉憲竟緊擁着宋慧喬出閘，二人神態自若，擺出一副「任影唔嬲」的姿態。不過二人出閘後一言不發，李秉憲為女友開路後，各自登上不同保母車，被問到是否承認二人情侶身份，宋慧喬不答但甜笑離去。  <spanclass="arttextboldbig">十指扣餵雪糕  據悉與宋慧喬李秉憲一同由德國轉機回韓國的乘客描述，二人在法蘭克福機場一直十指緊扣，又互餵雪糕。登機後，二人又要求用布簾包圍二人的座位，與其他乘客隔開獨處，二人又不時發出歡樂笑聲。其間有fans上前要求二人簽名亦被婉拒，落機取行李時，宋慧喬仍挽着男友手臂，甜蜜姿態羨煞旁人。 而《今》劇其他演員及工作人員得知二人默認愛侶關係後，紛紛送上祝福，又認為二人經意大利之行，終勇敢承認戀情。而李秉憲私底下亦曾大讚宋慧喬是他的天使，善良得令他無法不愛上她。

戲假情真　同遊羅馬 宋慧喬、李秉憲公開拍拖任影

朱茵、李蘢怡、陳曉東、Shine及杜汶澤等，昨日在貝沙灣出席網上劇《男女字典》的記者會，該劇將於now.com.hk中播出。 三圍分別是33B、22、33的朱茵及36D、25.5、36的Tiffany，昨日均以吊帶裝出席，不過以朱茵最搶鏡，連電訊盈科基建主席、前藝人梁婉靜的丈夫李智康亦對她特別照顧，除主動問朱茵的英文名外，還帶她看示範單位，而大會亦安排了三位身形健碩的猛男穿上三角褲現身。  <spanclass="arttextboldbig">俾阿Paul撞到正  朱茵與Tiffany在劇中有大膽演出，朱茵說：「我飾演一個設計性玩具嘅人，重叻到去參賽。試過有次好難得阿Paul（黃貫中）探班，點知我拍嗰幕係我抹緊啲性玩具，之後我問佢有冇事，佢都話難得嚟探班就見到嗰幕。」而Tiffany則說：「我嘅角色好姣，而且要着好多性感嘅靚衫，好彩𠵱家減咗十磅。」 此外，陳曉東與杜汶澤在劇中飾演同性戀情侶，對於有雜誌指東東與舊愛張栢芝復合，他說：「唔會，我同佢都唔會咁樣，做朋友嘅呢一世都會係朋友。其實任何新聞都唔會影響我對身邊朋友、女朋友同屋企人。」言下之意東東即有新戀情？他想了一會說：「唔需要為一單新聞而公開我嘅私人生活，𠵱家我生活好好，有冇女朋友我都唔會公開。」  <spanclass="arttextboldbig">搵女友驗性取向  而杜汶澤則笑謂拍完一段被男演員摸大腿的鏡頭後，令他有很想回家見女友的感覺，他說：「好似張國榮喺《金枝玉葉》入面懷疑係同性戀，佢即刻返屋企搵劉嘉玲。我好驚，好想即刻搵大塊田（女友田蕊妮）驗吓。」 採訪、攝影：王連連

Tiffany同場較技唔夠揮 朱茵性具專家狂電猛男

向來被視為女性最佳朋友的鑽石，經過精工打磨之後閃爍生輝，實在令到愛美的女士們一見傾心。而景福珠寶的MasterpiecebyKingFook，以售賣上等優質的鑽飾為主，並由傅潔恩的表妹黃寶瑤（Debbie）示範這批價值逾千萬的鑽石首飾。  <spanclass="arttextboldbig">白鑽Choker古典  黃寶瑤示範的鑽飾中，以一粒重逾兩卡、名為彩石之王（RoideDiamantRose）的天然粉紅鑽石最為罕有，其粉紅鑽色奪目中帶紫色，實屬難得一見，價值高達五百八十萬元。配以簡單的設計，更能凸顯鑽石本身的非凡特質。而以歐陸宮廷式設計而成的18K金白鑽choker，則把古典與現代美融為一體。 樣子甜美的Debbie一看到閃爍耀眼的鑽石，便大叫「sweet!sweet!」，她覺得鑽石意義重大，希望日後可以收到心愛的人送鑽石作為定情信物，Debbie說：「鑽石一定要人送先有意義，因為鑽石有代表永恒嘅意思，我唔會自己買鑽石畀自己。  <spanclass="arttextboldbig">欣賞花形款式  「我試過十幾歲嘅時候，收到男朋友送嘅鑽石戒指，𠵱家只會將佢收藏起來作為紀念，而我最鍾意花形嘅款式。」

<spanclass="arttextboldbig">鑽石應天天佩戴  價值連城的鑽石應該要怎樣保養呢？鑽石並不會耗損，最適合是每天佩戴，不戴的時候，應以盒子獨立存放，皆因與其他首飾同放，鑽石會刮花其他硬度較低的首飾。做家務時，亦最好除下手上的鑽石首飾，免得沾上油污掩蓋了鑽石光芒。  <spanclass="arttextboldbig">須經常清潔  其實鑽石有吸油脂的特性，因此必須經常清潔。只要將鑽飾浸於溫和的清潔液中，用柔軟的刷子輕輕洗刷，沖洗乾淨後再用軟布拭乾便可。 採訪：JessicaNgan 攝影：EdwardChou 示範：DebbieWongofStarzPeople 化妝：YvonneTangofYMCKmake-upStudio 髮型：PaulHuiofLeColorbyPrivatei 服裝提供：TeresaBoutique 場地提供：中環MasterpiecebyKingFook

景福種花鑽　紫紅誠罕見 黃寶瑤愛彩石之王Sweet！

二人男子組合Shine後日就推出新碟《半熟成年》，佢哋兩個重特登喺兩個人嘅屋企拍攝，實行等歌迷可以登堂入室。 Shine自從兩年前一齊喺日本接受音樂訓練，過咗一輪同居生活，之後返嚟香港就開始各自生活。  <spanclass="arttextboldbig">唔介意激凸  Shine日前拍攝時諗番當年喺日本住間細屋，大家都冇錢使，相依為命嘅日子，突然好感慨，勾起好多回憶。導演要求佢哋拍大被同眠嘅鏡頭同喺攝製隊前傾心事，佢哋初頭好唔慣，但傾開又好似女仔咁雞啄唔斷。 此外，Shine前晚喺尖沙嘴出席一個歌唱比賽，俾人問到其勁敵Boy'Z推出寫真集，Shine話：「等我哋練大隻啲先。」徐天佑話着泳褲有得激凸就唔介意，而黃又南就話最緊要健康。  <spanclass="arttextboldbig">張震操弗拍裸戲  張震噚日出席LV喺台北新店開幕嘅宣傳活動，佢透露同鞏俐喺王家衞有份執導嘅新戲《EROS》入面有情慾戲，佢會有大膽裸露鏡頭，所以最近喺屋企頻頻健身同埋去曬燈，希望可以好弗咁拍呢場戲。張震又話拍攝期間經常同鞏俐約埋食飯同傾偈，以前以為鞏俐份人好有架子，但識咗之後覺得鞏俐其實好和善。

<spanclass="arttextboldbig">關心妍要Fans戴套影相  關心妍噚日去咗新城接受訪問，佢話嚟緊星期日會喺旺角一間唱片舖搞簽名會，但係近日非典型肺炎咁嚴重，問佢驚唔驚？佢話：「我會戴口罩同埋手套，咁到時都會派啲口罩畀歌迷，戴咗口罩嘅歌迷，就可以攞簽名，如果戴埋手套，就可以同我合照㖭！」  <spanclass="arttextboldbig">薛家燕再見豬腩肉  五十三歲嘅薛家燕（好姨），早幾日為擔任代言人嘅「好得」減肚產品拍廣告，佢當日要着件吊帶裙拍攝。好姨噚日喺電話度話：「我聽日（即今日）會出席呢個產品嘅宣傳，我覺得呢次可以減到個肚腩好開心，阿仔同囡囡一直好鼓勵同支持我減肥，佢哋見到我條腰瘦晒都戥我開心。」另外，好姨有份主演嘅無綫劇《皆大歡喜》時裝版會喺下星期一播，佢話：「對於新劇收視，我哋每位演員都好有信心。」  <spanclass="arttextboldbig">郭峰寫歌為同胞打氣  北京嘅非典型肺炎情況都相當嚴重，當地嘅市民都會戴口罩同手套，呢個病可以話喺北京造成一個恐慌。內地著名歌手郭峰有見及此，日前就作咗一首歌，佢希望憑歌寄意，激發各人要對國家有信心。早幾日郭峰重喺當地灌錄呢首歌，佢話咁樣先至可以同心合力打敗呢個病。

當年今日