假如你有意拍賣家裏的古董或收藏品，Drouot亦提供估值服務，但物主最好先準備獨立的物品鑑驗或來源證明，否則不排除會碰到不友善質詢。 物主可帶同有意出售的物品或相片到Drouot的估值部，如只口頭估值，Drouot不會收取費用。如要提供文字估值報告，則最少收費122歐元（按物品估值而相應調高收費）。 另外，Drouot亦可派員上門進行估值，不過，如上門地點不在巴黎，收費並不便宜。以巴黎外圍地區為例，每1千米路程便收取0.5歐元費用，法國以外地區則需面議。 當物主決定交由Drouot進行拍賣，便需負擔一些拍賣費用，包括文件費、宣傳費、運費、收回拍賣品費用等，還有個別的法國拍賣稅（如油畫真品）。當物品成功售出，Drouot將收取成交價14%（不包稅）或16.74%（包稅）的拍賣費。

拍賣費用點計？

眼鏡股泰興光學（389）自從公布業績之後，股價走勢靚絕，一舉突破橫行好耐嘅3.20至3.30元橫行區，甚至一度抽上3.70元，好似在港搞到翻天覆地嘅沙士，對佢完全冇影響。 泰興股價走勢咁強，小初以為泰興將有好消息公布，但經紀黃話唔係，有新搞手加入先至係真。 經紀黃話，泰興一直以來有位高人睇住，但就冇乜點大搞，直至早一排，受到一間近年掂親邊隻二三線工業股都會急升嘅英資大行垂青，加入買貨行列之後，泰興無論股價同埋成交量都恍如脫胎換骨。 呢間英資行之前嘅戰績，有立信工業（641）同埋冠華國際（539），呢兩隻股過去半年表現如何，大家不妨作為參考。 另外，小初又想提一提華人置業（127），早排市場盛傳佢會私有化，股價曾升個唔停，但年輕賓架早已作出質疑，加上今次華置老闆亦在高位減持，私有化希望更加渺茫。 慕容小初

701收料站：大行垂青泰興發威

新屯門中心啱啱有個銀主盤成咗，成交價只得五十五萬，呎價一千蚊有找，買家係近排大家都好敬重嘅醫護人員。 美聯物業啟豐分行助理區域經理吳英傑對蘭西講，呢名醫護人員嘅工作性質，唔係直接照顧非典型肺炎病患者，今次搵樓，係想一個人住。 位買家喺3月底開始搵樓，最初想買近碼頭區單位，後尾至擴大到區內其他樓盤，先後睇咗差唔多20個盤，咁啱呢個新屯門中心單位，銀主肯降低叫價，所以睇咗兩次就決定買嘞。吳英傑指出，個單位五百五十五呎，呎價九百九十一蚊，係近期嘅低位。近排個市好番啲，估計該屋苑呎價有機會升番3到5%。 吳英傑話，銀行畀美記放售呢個單位，都有幾個月，原本心目中價錢係60幾萬，有客出到60萬都唔賣，點知個市畀肺炎搞成咁，惟有降低叫價。  <spanclass="arttextboldbig">凱帆軒洗樓行動成功  長實新盤瞄準舊區換樓客，大角嘴凱帆軒上個禮拜就搞咗個「洗樓行動」，由各大地產代理行去啲舊區推廣，高級營業經理黃思聰就話，洗樓嘅安排，令售樓處可以keep住一定嘅人流，多咗唔少新客睇樓，佢重話四間地產代理行每日派成七百人去洗樓。 為招攬呢班舊區客，長實噚日專登開咗幾條新嘅穿梭巴士線，包括太古城、九龍灣同北角等，發展商話，噚日單日就有千七人搭接駁巴士睇樓。洗樓成功，各大經紀功不可沒，今日會頒獎畀做得最好嘅代理行。

<spanclass="arttextboldbig">新地老細勤力員工唔敢懶  噚日佛誕假期，新地售樓部一眾要員馬不停蹄巡盤，據可靠線報，集團副主席郭炳聯，上晝聯同雷霆及周國賢等，先到屯門愛琴海岸巡視，食完晏後，再往東涌海堤灣畔。業務部副總經理嚴道傑話：「老細假期都要巡盤，做細嘅點可以偷懶！」  <spanclass="arttextboldbig">地鐵送錢迫爆商場  九龍灣自從成為非典型肺炎重災區後，整個社區變得水盡鵝飛，但地鐵搞嘅優惠，就令九龍灣德福廣場噚日出現打蛇餅、迫爆場嘅情景。 地鐵禮拜二宣布，策動港人消費計劃，5月底前喺德福廣場、杏花新城、青衣城同綠楊坊，購物滿五百蚊，可獲贈一百蚊購物券。地鐵物業管理高級商場市務經理陳嘉明話，每日名額各一千個，但噚日嘅名額喺四個幾鐘頭內換晒嘞。  <spanclass="arttextboldbig">買家購畢山貪佢有靠山  買樓呢啲咁重要嘅決定，唔少人都想知道個單位利唔利自己，最近就有位篤信風水嘅買家，搵埋師傅睇過幾個新盤，最後買入長實畢架山一號。 香港置業何文田九龍豪宅區域經理葉展均話，個客對風水已好有研究，但都搵多位城中出名風水師一齊去地盤，先後睇咗兩次，最後買咗3座低層C室四房單位，1488方呎，購入價830萬。 葉展均講，個客揀畢山係因為有畢架山做「靠山」，行緊地運，最重要係夾佢嘅命格喎。 新買家住開何文田山，喺九龍站都有物業投資，聽講有意再買多個畢山細單位嚟收租。 蘭西 電郵地址：<AHREF="mailto:nancy@appledaily.com">nancy@appledaily.com</A>

地產多聲道：醫護人員55萬執銀主貨

【本報訊】美股前晚輕微回落，昨日亞洲區股市則各自發展，凱基證券董事鄺文彬稱，本港的非典型肺炎新個案雖已連續5天維持單位數，但仍未有條件要求世衞解除旅遊警告，即使昨晚歐洲央行決定減息，令美國減息機會增加，港股可望受惠，但在未有利好新消息入市下，恒指今天只會在8800至8900點徘徊。 近日股市再掀尋寶熱，周三多家被視為具私有化概念的公司，股價齊急升，其中持有力寶華潤（156）68.54%股權的力寶（226）表示，已於周三在市場以279.2萬元，即約每股0.094元，向獨立第三者購入2969.4萬股力寶華潤股份，令持股量升至68.89%。有市場人士揣測，力寶此舉可能意味該公司有意進一步增持力寶華潤股權，甚至將之私有化。力寶及力寶華潤周三分別上升20.29%及21.95%。  <spanclass="arttextboldbig">私有化概念股仍吃香  不過，因私有化概念而連續炒高多日的華人置業（127），雖然公司一直在市場回購，但大股東劉鑾雄卻不買反賣，沽出3000萬股華置股份，持股量降至62.75%，可能與其不想因公司回購及註銷股份，令持股量持續上升至75%或以上水平有關。 鄺文彬預期，疫症威脅未除，大市只能窄幅徘徊，出口股早前攀升不少，價格已稍見回落，國際油價再度上揚，相信會對航空股股價帶來壓力，故短期內市場資金仍會玩私有化尋寶遊戲。 另外，思捷環球（330）發表的聲明指出，主席兼大股東邢李火原，前日配售舊股減持3.6%股權，將可以增加股份的公眾持股量及市場流通量，以及擴大集團的股東層面，但聲明中沒有解釋邢氏減持股份原因，也沒有表明日後會否再減持。

當年今日