歐霸盃分組賽周四開打，但阿仙奴就一如所料，唔會出強陣打呢個盃，領隊雲格證實奧斯爾同艾朗藍斯兩人，都唔會喺H組首輪對科隆場波上陣。

一嚟周日英超要大戰車路士，二嚟奧斯爾同藍斯早前國際賽周都踢咗兩場比賽，所以雲格想佢兩個休息，唔使踢今周歐霸盃。另外，教授亦證實防中高基連因腿筋傷患要唞三周，一樣無緣鬥科隆。

除咗以上三位，上屆歐聯對拜仁慕尼黑領紅牌嘅哥斯尼會停賽，加上韋碧克、格列沙加、拿卡錫迪同門將施治，亦同樣缺席周三嘅集訓，好大機會都唔會喺周四場波上陣。相反，今季再被兵工廠收回己用嘅韋舒亞，已經復操，而雲格亦強調佢喺練習時狀態唔錯，尤其中場冇咗藍斯、沙加同高基連嘅情況下，佢分分鐘呢場踢正選。另外，阿歷斯山齊士、基奧特同禾確特，應該會係雲格呢場起用嘅進攻三叉戟。

【歐霸盃】奧燒藍斯掛免戰牌 邊個復出正選鬥科隆？

車路士周二歐聯大勝卡拉巴克時，迪亞高哥斯達（DC）身在何處？原來這位被干地棄用的中鋒，已經回到馬德里，透過電視直播觀看歐聯分組賽，但不是捧車路士場，而是他的前球會馬德里體育會。

哥斯達早前表明，離開車仔只會返回馬體會，否則寧願繼續放長假。據聞他這次返回馬德里，便是會晤馬體會高層研究轉會一事，希望對方一月再向車仔出價收購他。周二晚，他出現在馬德里的酒吧，穿上前球會波衫，和球迷一同觀賞馬體會作客羅馬的歐聯C組賽事，但比賽最後以0:0告終。

英國《太陽報》則指，馬體會望與車仔磋商，在這段期間將他外借至沙地阿拉伯球會希拉爾，以提升狀態，而其人工將由他們支付，然後在一月轉會窗重開，才正式將此子簽下。另外，《每日快報》亦透露，DC在車仔葛咸訓練場的泊車位已被球會收回，而干地更吩咐他的隊友幫他清理儲物櫃，將他的雜物整理起來，等他回來時可以方便帶走。

DC返馬德里 睇歐聯直播唔揀車仔

同老婆高蓮鬧婚變嘅愛華頓球星朗尼，周三隨愛華頓大軍赴意大利，備戰翌日對阿特蘭大嘅歐霸盃首輪分組賽，但傳媒發現佢右手無名指仍然戴住婚戒，睇嚟想同外界證明，夫妻兩人唔會離婚收場。

喺高蓮大肚兼外遊期間，朗尼被揭發出去偷食，仲要因為醉駕令到全世界都知，當時傳高蓮覺得好冇面，兼認為老公一而再再而三犯下同一錯誤，向呢位前曼聯球星提出離婚，但據講最後被朗尼再次氹掂，惟高蓮有個條件，就係要朗尼喺今個周中向球會請假，陪佢一齊旅行嚟修補夫妻關係。

唔知呢單傳聞係假，定抑或愛華頓唔批，總之周三出發去機場嘅歐霸盃大軍，朗尼一樣喺度，但就見到佢右手無名指隻結婚戒指冇除落嚟，有意澄清婚變傳聞。

【箍煲成功？】婚戒仲喺手 朗尼歐霸盃照踢

香港的東方龍獅在上季參加東南亞國協籃球聯賽（ABL），力挫高雄聖徒、新加坡騰飛之獅、菲律賓火焰、馬來西亞飛龍和西貢熱火等球隊奪冠。雖然高雄聖徒在賽後已經解散，但台灣《蘋果日報》近日報導，SBL富邦勇士的副領隊「黑人」陳建州、璞園建業領隊張承中以及前退休球星張憲銘，三人出資組建新球隊「寶島夢想家」，並計劃於新季進軍ABL！

據悉黑人、張承中及張憲銘三人合資超過5,000萬台幣（約1,300萬港元）打造寶島夢想家，而每年預計投入3,000萬台幣（約780萬港元）作班費，相當於經營一支SBL球隊的預算。陳建州表示：「這支球隊完全沒有要和SBL打對台的意思，主要是提供台灣球員更多的打球機會，讓台灣籃球有更多的可能。」有消息指黑人早前有意招攬胡瓏貿到夢島夢想家隊，但這位24歲前鋒跟中國的福建潯興簽下一份「3+2」合同，並希望繼續征戰CBA，因此婉拒黑人的邀請。

黑人合資逾千萬 組隊進軍ABL

曼聯禮拜二歐聯分組賽3:0輕取巴素利後，領隊摩連奴就話唔滿意球隊領先下心態太放鬆，話玩波玩到好似打緊PlayStation咁。雖然摩連奴唔係代言人，不過既然摩佬打隻好牌，PlayStation就喺twitter回應，寸番摩佬話「唔好意思摩佬，PS係冇得泊大巴嘅，打機係為咗娛樂！」

不過啦，有網民就話曼聯英超開季四場係入波最多嘅球隊，不過摩佬泊大巴呢個標籤就點都搣唔甩架喇！

【歐聯】關公神回應  PlayStation唔妥摩佬？

每年一度的香港國際七人欖球賽為港人熟悉，其實一班七欖球員平時都是靠打聯賽（十五人欖球）提升自己的技術及對抗力，香港欖球總會今日在記者會上宣佈新的贊助商「先機國際」將在本月底展開的香港男子欖球聯賽，14支競逐聯賽冠軍的球會，都派出各隊長及教練出席，2017-18年賽季的首場比賽將於本月23日在京士柏運動場開鑼。

揭幕戰將於23號下午三時由衛冕之師法興銀行華利欖球會對 Borrelli Walsh三軍會猛虎欖球會。

超級聯賽的常規賽共有10輪比賽，之後根據常規賽排名展開季後賽爭逐總冠軍，總決賽將於明年三月十日展開。

在新贊助下，每場聯賽後都會選出「先機國際男子欖球聯賽」的最佳球員，並以獎盃及香檳乙支作鼓勵。

【香港欖球】男子15人欖球聯賽月尾開鑼

禮拜二廣州恒大同上海上港合演峰迴路轉嘅經典戰，雖然加時後贏5:1嘅恒大互射12碼後出局，3,500萬人仔（約4,200萬港元）嘅絕地反勝獎金冇咗，但係仲好多花生食呀。

據內媒《新浪體育》講，恒大班主許家印非常滿意球隊嘅熱血，所以賽後打畀球隊講明照拎1,000萬人仔出嚟派。上港教練保亞斯就嬲爆爆話「恒大主宰亞洲足協」，隨時被罰停賽兩至四場。原來上港賽前幾日喺訓練場一直冇熱水用，而且球隊去球場時有成五單輕微車禍，最離奇係同一車牌嘅車一路喺旅途中「護航」，幾經辛苦去到球場，點知客隊更衣室都係壞冷氣，所以上港就咁大怨氣嘞。

【亞冠盃】熱血恒大收許老闆1,200萬  晉級上港反而躁爆？

【亞冠盃】熱血恒大獎金1,200萬  保亞斯躁爆斥恒大使橫手

【新增動新聞】 周三亞冠盃八強次回合，終於上演絕地反擊成功嘅戲碼。浦和紅鑽主場4:1反勝大半場打少個嘅川崎前鋒，合計反勝5:4晉級，殺入四強鬥上海上港。

首回合贏3:1嘅前鋒，19分鐘已經由艾辛奴費拉拿開紀錄，諗住坐定粒六啦，點知35分鐘興梠慎三追平，三分鐘後後衛車屋紳太郎因為舉腳過高踩到對手塊臉領紅。守到完場前廿分鐘，前鋒終於頂唔順，紅鑽由後備入替嘅隆比真歷、拿費爾達施華同埋高木俊幸分別喺70、84同85分鐘各入一球，喺全場多達26次射門下反勝出線。

【亞冠盃】絕地反擊今晚掂！  紅鑽最後6分鐘省兩粒入四強

利物浦周三歐聯迎擊西維爾，左閘艾拔圖摩蘭奴第二次倒戈，而他賽前很高興會與昔日師兄捷西斯拿華斯碰面。

拿華斯較摩蘭奴年紀大六歲，當摩蘭奴仍在西維爾青年軍時，這位今夏由曼城重返母會的翼鋒，已經在一隊佔據正選位置。摩蘭奴說：「抽籤前，我已預測到利物浦會碰上西維爾，但我的感覺，就像任何一場歐洲賽一樣，只是面對重新穿上西維爾球衣的他（拿華斯）很特別。當我11歲來到這裡時，他已經在一隊亮相，我就是看著他長大的，現在還留著小時和他的合照。」

同時，摩蘭奴亦提起今夏未能如願離隊的菲臘比古天奴：「今夏是很困難的時刻，但一切已結束。我很想念他，或許他是我在這裡最好的朋友，很高興他會回到這裡。」

【回到未紅時】摩蘭奴今晚最想見到佢......

由「戰神」艾華遜（Allen Iverson）同藝人Ice Cube合辦嘅BIG 3三人籃球聯賽喺上月正式完結，馬田領軍嘅Trilogy贏得冠軍，而3 Headed Monster嘅路易士（Rashard Lewis）就榮膺MVP。不過，據美國傳媒報導，第一個成功重返NBA嘅BIG 3球員，竟然唔係佢哋！

據悉喺BIG 3聯賽效力Ball Hog嘅小前鋒查迪斯（Josh Childress），獲金塊睇中並簽咗一年非受保障合約；假如佢要打入金塊大名單，就要同巴頓（Will Barton）、W真達拿（Wilson Chandler）同今年新秀尼頓（Tyler Lydon）等鋒線球員競爭。

現年34歲嘅柴迪斯喺2004年NBA選秀會，俾鷹隊以第六位揀走，不過佢之後表現一直平平，08至10球隊試過轉戰希臘聯賽，之後返輾轉效力太陽、網隊、塘鵝，2014年就再次離開NBA。

【老兵打不死】首位重返NBA嘅BIG 3球員 竟然係…

世界排名第9及第14的香港羽毛球男單代表伍家朗及黃永棋，今日在首爾舉行的南韓羽毛球錦標賽男單首圈過關。伍家朗在領先一局21:17下，被對印度對手Prannoy以23:21追回第二局，幸好家朗穩定陣腳後，在第三局以21:14勝出，有驚無險下晉身次圈。

至於黃永棋的晉級過程較順暢，他在首圈對印尼的Tommy Sugiarto，他只花了39分鐘即取得勝仗。永棋賽後表示：「好開心可以繼續走下去，希望明天有好的發揮，最緊要全力以赴。」永棋明日的男單對手，正是去年香港羽球公開賽同伍家朗齊齊晉身決賽、印度的Sameer Verma。

至於其他過關的港將，還有女單的「黑妹」葉姵延，以及混雙組合鄧俊文/謝影雪。

【南韓羽賽】港將奏捷 伍家朗、黃永棋齊闖男單次圈

利物浦重返歐聯，將會喺今晚深夜上演首場分組賽，主場迎戰西維爾。紅軍上一次出戰歐聯分組賽，係14/15球季對巴素利，不知不覺已經相隔近3年，當時同預計今晚嘅正選陣容相比，已經人面全非。

紅軍喺13/14球季英超獲得亞軍，翌季出戰歐聯，但喺14/15球季分組賽成績一般，小組煞科戰主場迎戰巴素利，要贏波就一定要贏對手，點知最終只係踢成1:1，以兩分之差落後次席嘅巴素利出局。

當時紅軍仍然由目前執教些路迪嘅羅渣士領軍，神奇隊長謝拉特亦在陣中，至於中前場「埃及文明」組合等人，全部都仲未染紅。

由於蘇亞雷斯已經走人，另一射手史杜列治受傷，當年呢場生死戰，紅軍要靠列基林拔爭取入球，結果令人失望。睇番當時正選陣容，謝拉特、格連莊臣、史卡迪爾、荷西安歷基、盧卡斯、祖阿倫、史達寧同林拔都已經離開咗紅軍；至於門將米洛列特就已經被事先張揚，今晚對西維爾冇正選踢，領隊高路普任命卡利奧斯做歐聯專用門將。所以今晚隨時得返隊長佐敦軒達臣同洛夫雲仲係正選。

【三年人事幾番新】紅軍上場歐聯分組賽 正選陣容幾乎走晒

周三歐聯分組賽，皇家馬德里會喺主場迎戰弱旅尼科西亞。喺本土賽事仍然停賽中嘅基斯坦奴朗拿度，可以喺歐聯復出候命，不過呢場波就唔使預中場馬高阿辛斯奧，而呢位西班牙新星缺陣嘅理由非常爆笑，竟然係因為剃腳毛！

21歲嘅阿辛斯奧似乎相當貪靚，不過今次貪靚貪出事，據報佢剃腳毛之後受感染。教練施丹被問及佢缺陣原因，佢幾乎忍唔住笑話：「佢對腳出晒粒粒，連襪都著唔到。」

【千奇百趣】咩玩法？ 剃腳毛搞到踢唔到歐聯

巴塞隆拿禮拜二歐聯分組賽主場3:0炒祖雲達斯，當中美斯梅開二度，對佢來講就當然冇乜特別，不過原來佢係首次射破保方十指關，之前三次都fail，以後美斯又少一樣野畀haters抽秤喇！同時呀，美斯已經連續第13季歐聯有波入，歷史上只有魯爾（14）嘅連續歐聯士哥季度長過美斯，睇黎美斯反吸魯爾只係時間問題姐！

美斯對上3次無法射破保方的巴塞成績 第1次 賽事：2014/15歐聯決賽 賽果：3:1勝祖雲達斯（中）

第2次 賽事：2016/17歐聯8強首回合 賽果：0:3負祖雲達斯（客）

第3次 賽事：2016/17歐聯8強次回合 賽果：0:0和祖雲達斯（主）

【歐聯】首次射破保方  美斯終於成就解鎖！

周二在歐聯首場分組賽以3:0大勝巴素利的曼聯，下周日（9月17日）將會在英超主場迎戰愛華頓，紅魔領隊摩連奴證實，艾歷拜利和菲爾鍾斯很有可能正選披甲。

艾歷拜利及菲爾鍾斯因為停賽關係，雙雙錯過了周二的歐聯比賽。摩連奴賽後表示︰「基斯史摩寧及域陀連迪路夫很落力訓練，他們經常在同一隊中操練，因我知道今場他們需要一同出賽。若你想我就下一個周末作預測，我大概起用拜利和鍾斯，因為他們今日沒有比賽、因為他們精力充沛、因為讓他們再比賽很合理，但英格蘭聯賽盃之後兩日的一場比賽，便再次是連迪路夫和史摩寧了。」

【英超】曼聯迎拖肥 邊兩個魔兵實有正選？

今夏同CBA球隊北京首鋼解約兼轉投同市死敵嘅馬貝利（Stephon Marbury），透露自己完成北控嘅合約後，希望可以重返NBA！現年40歲嘅馬貝利透露，自己原本係想喺北京首鋼打到退役，可惜球隊管理層並唔係咁諗，所以佢先想挑戰自己，希望以球員身份重返NBA，之後至退役。

另外，馬貝利喺周二跟北控到馬來西亞出戰珍軒冠軍杯國際男籃賽，佢全場交出19分同五個助攻下，幫球隊以82:69擊敗南韓球隊LG獵鷹。

【唔做北京人】年過40未言退 馬貝利計劃重返NBA

周二舉行的歐洲男籃錦標賽，西班牙在馬克加素全場共交出「雙雙」28分10籃板、加上其兄長加素（Pau Gasol）射入19分的情況下，以84:72擊敗德國，晉級四強將硬撼由積格斯（Goran Dragic）領軍的斯洛文尼亞。

衞冕的西班牙在今場開局表現慢熱，完半場時僅僅領先德國34:33。易邊後，德國一度將比數反超前，不過，馬克加素在這節尚餘4分06秒開始爆發，領軍打出一波22:6的攻勢，當中有16分更是由他所得，助球隊在完第三節時將比數改寫至65:53，最終以12分之差擊敗德國。

斯洛文尼亞在同日另一場，憑當家控衞積格斯交出26分、8助攻、6籃板的全能演出，加上其後場拍檔、18歲新星當錫（Luka Doncic）貢獻「準雙雙」27分及9籃板，助球隊以103:97險勝拉脫維亞；縱使拉脫維亞有普辛基斯（Kristaps Porzingis）轟入全場最高的34分，亦難逃出局命運。

【男籃歐錦賽】馬克加素大爆發 領西班牙反勝德國84:72

周三足球直播賽事重點繼續是歐聯分組賽，英超三雄包括自2014/15球季後重返歐聯的利物浦、熱刺及曼城都會亮相，其中E組的利物浦主場對西維爾、H組熱刺主場對多蒙特，F組曼城則作客飛燕諾，至於衛冕的皇家馬德里在H組首戰會於主場迎戰尼科西亞。

周三足球直播秩序 開賽時間　賽事　對賽 17:30　澳足盃　FC悉尼vs墨爾本城 直播︰無線myTV SUPER303台

18:30　亞冠盃　浦和紅鑽vs川崎前鋒 直播︰Now670台、NOW Fox Sports Play

02:45　歐聯　熱刺vs多蒙特 直播︰有線64及203台

02:45　歐聯　利物浦vs西維爾 直播︰有線61及201台

02:45　歐聯　飛燕諾vs曼城 有線62及202台

02:45　歐聯　皇家馬德里vs尼科西亞 直播︰有線63台

02:45　歐聯　RB萊比錫vs摩納哥 直播︰有線流動版

07:00　美職　阿特蘭大聯vs新英倫革命 直播︰無線myTV SUPER302台

10:00　美職　溫哥華白帽vs明尼蘇達聯 直播︰無線myTV SUPER302台

Imported ANS Video id=M2QNLAAVKJWNOBAY5W7TBNDN7M

【直播睇啲乜】紅軍重返歐聯 英超三雄齊出擊

阿仙奴下星期日（9月17日）作客史丹福橋球場嘅英超聯賽，將會由球證米高奧利華（Michael Oliver）執法，唔少槍手球迷對呢個安排唔係好滿意，因為奧利華隨時會係對手車路士嘅「第12人」。

根據統計數字，奧利華執法嘅英超賽事包括有阿仙奴嘅總共有19場，槍手贏到嘅只係得四場，勝率只係得21%。另外，上季阿仙奴只係拎到聯賽第五名，雖然佢哋煞科戰係贏愛華頓3:1，但呢場由奧利華執法嘅比賽就有哥斯尼領紅被逐，而球隊上季喺4月輸嘅兩場比賽都係由奧利華執法，呢場兩場分別係作客以0:3輸畀水晶宮，同埋作客以0:2輸畀熱刺。奧利華執法嘅英超比賽槍手勝率得21%，係隊史喺英超所有球證（至少執法15場）之中最低，難怪「廠迷」對於由佢執法對車仔嘅比賽咁擔心！

當年今日