周三晚可能大部份球迷嘅焦點到落喺「曼市打吡」，但同時間喺西甲賽場，中國前鋒武磊喺愛斯賓奴主場對切爾達嘅比賽，再次獲得正選上陣機會。而且，佢喺33分鐘接應隊友的長傳，射入一球靚絕嘅凌空掛射，係「武球王」轉投西甲以後嘅第二球。賽後，中國媒體同埋網民當然係瘋狂吹奏「武球王」嘅神勇表現喇！

周三愛斯賓奴主場鬥切爾達嘅比賽，武磊重返正選陣容，而且表現非常活躍。到咗上半場33分鐘，愛斯賓奴前場幾次短傳配合，中場馬克洛卡見到武磊由禁區外入楔，乖巧咁送咗個過頭波入禁區。而「武球王」控都唔控，快對手出迎嘅門將魯賓白蘭高一步半車身掛射入網。武磊上一次喺西甲入波已經係3月2日嘅事，最終相隔54日終於成功打破入球荒，入波之後佢都相當興奮，除咗振臂高呼之外，仲猛錫球會會徽表忠！

雖然最後雙方打成1:1平手，但「武球王」嘅表現已經受到各方高度評價，其中中國媒體當然不遺餘力猛吹「武球王」，有啲就指武磊嘅入球係贏在佢嘅世界級走位，而且射術一流、有啲就話武磊入波之後全場狂嗌佢個名四次，成功用表現證明自己喺西甲賽場值得佔一席位，可以成為球隊常規正選、仲有唔少講希望佢可以好似孫興民咁，成長為擔起球隊嘅巨星。

不過，變得最快嘅都係廣大中國網民。話說周日愛斯賓奴作客鬥利雲特嘅西甲比賽，武磊喺後備席坐足90分鐘，係佢自1月尾加入球會之後首次一分鐘都未踢過。賽後憤怒嘅網民就走去愛斯賓奴嘅微博留言討伐教練魯比，仲表明「要不是有武磊，誰理你愛斯賓奴的死活！」但噚日愛斯賓奴喺武磊入波之後出咗個「請！相！信！他！」嘅貼文，大家就好似咩事都無發生過咁去留言吹奏「武球王」，唔少網友都話見到「武球王」入波，真係無白熬夜。有啲仲話睇到入波之後激動到喊，興奮到瞓唔着，認真誇張。

-------------------- 星期一至五晚上10點半 《動腦Q》Let's Q the money！ http://bit.ly/2QW8LcI -------------------- 係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2BUtLvW -------------------- 《體蘋果》陪你睇波講波 https://www.fb.com/appledailysports

【厲害了】武球王凌空掛射入靚波 中國傳媒網民捱夜狂「吹」 

英國《天空體育》報道，曼城中場費蘭甸奴在周三晚作客2:0擊敗曼聯的英超受傷退下火線後，有可能提早收「咧」，在今季餘下賽事都不能上陣。

現年33歲的費蘭甸奴在下半場早段於禁區內嘗試攔截保羅普巴的射門時受傷，他當時馬上被調離場，賽後更證實左、右腳的肌肉都有傷。今季因為不同傷患而一直進出曼城正選陣容的費蘭甸奴賽後說：「周四再看看情況吧，我們會作掃瞄檢查。我會跟隊醫對話，他會作出對所有人來說都是最好的決定。當我出腳攔截普巴的射門時，我感到膝蓋扭了一下，我是可以繼續比賽的，但我退下了火線。」

曼城領隊哥迪奧拿則透露：「費蘭甸奴雙腿的肌肉在半場時已經有輕微的問題，他感到不舒服，我們周四再瞧瞧吧。」曼城目前已經有進攻中場奇雲迪布尼因為大腿筋受傷而缺陣，這位比利時國腳現時仍是復出無期。

目前，曼城陣中已有中場奇雲迪布尼因腿筋拉傷缺陣，同樣大有機會提早收「咧」，而曼城唯有以根度簡、大衛施華及貝拿度施華組成中場，小將菲爾科頓就成為中場的唯一後備。

打吡戰退下火線　費蘭甸奴或提早收咧

衛冕的曼城周三晚在英超作客奧脫福的曼徹斯特打吡，憑貝拿度施華及利萊辛尼在下半場的入球，輕鬆以2:0擊敗曼聯，全取三分後重上聯賽榜首，比次席的利物浦多一分。

矢志在紅魔鬼身上全取三分並重上榜首位置的藍月亮，今仗甫開賽已經踢得相當積極，且行軍推進甚速，在早段令曼聯疲於奔命，表現反而更似主隊。曼聯站穩陣腳後表現有所改善，但在控球時間大幅少於客隊的情況下，基本上未曾真正對曼城的防線構成任何威脅。上半場最接近取得入球的，是作客的曼城。當時為完半場前，主隊球員在禁區內一直無法解圍，史達寧在禁區內正中央的臥射雖然命中，但軟弱無力，遭迪基亞牢牢接住。

兩隊在相對沉悶的上半場踢成0:0，易邊後，曼城在接戰後僅六分鐘就有中場費蘭甸奴因為出腳攔截保羅普巴的射門而受傷，被迫退下火線，要由利萊辛尼入替。僅兩分鐘後，曼城終於打破僵局。貝拿度施華在進攻右路得球，他引球推進，輕易幌過勞基梳爾後馬上以左腳射門，迪基亞猝不及防，皮球在近柱入網，客隊領先1:0。

阿古路之後有一記遠射在柱邊出界，另邊廂連格亦曾經在門前失機。戰至66分鐘，客隊靠一次快攻再取得入球，史達寧在後半場策動反擊，他引球推進一程後，斜傳予從左方掩上的利萊辛尼，該名德國小將控球後以左腳射門，迪基亞再一次在近柱失守，這個失球迪基亞絕對是責無旁貸。

整場比賽踢來乏善足陳且明顯缺乏創造力的紅魔鬼，最終亦是破門乏力，在全場12次攻門只得1次中框的情況下，於奧脫福以0:2輸波，各項賽事近九場第七次落敗。曼城全取三分後，以35戰得89分重上榜首，比利物浦多一分。藍月亮和利記季內俱餘下三場聯賽，紅軍周五晚在主場迎戰已然降班的哈特斯菲爾德，曼城則會在周日作客般尼。

【戰果速遞】闖過最大難關 曼城輕鬆降「魔」重上榜首

周四及五賠率表

【世界乒乓球錦標賽】 【本報訊】布達佩斯世界乒乓球錦標賽大戰連場，周三上演的女單32強更有港隊內訌，杜凱和李皓晴「兩個只能活一個」，最終前者以局數4:2勝出。另外，李皓晴夥拍何鈞傑躋身混雙八強，將與中國組合樊振東/丁寧爭奪四強席位。（有線661台今日4:00pm直播）

港隊派五人出戰女單，結果杜凱、李皓晴和蘇慧音皆殺入32強，然而杜、李這兩位港隊1、2姐卻狹路相逢，前四局兩人梅花間竹勝出，但杜凱一鼓作氣，連贏兩局11:7與11:5，局數贏4:2，16強鬥日本的石川佳純。雖然今仗兩人場上對壘不留手，但戰罷女單，兩人又將搭檔出戰女雙16強，與埃及對手爭入八強。 至於蘇慧音則於64強以4:1擊敗塞爾維亞球手，她32強以4:0橫掃羅馬尼亞的索絲，16強會對有「天才少女」之稱的日本球手平野美宇。此外，蘇慧音今日會夥拍吳穎嵐於女雙16強鬥北韓的金珍香/金宋伊，後者為里約奧運女單銅牌，其削球打法球風刁轉，對不擅應對削球手的港隊而言可謂一大挑戰。 港隊混雙組合何鈞傑/李皓晴亦報捷，兩人32強輕取匈牙利組合出線，16強對羅馬尼亞組合未有考驗，以局數4:1淘汰對手，八強要惡鬥中國的樊振東/丁寧。 記者：洪量丰

杜凱琹拍走李皓晴又合體

港超聯球會東方噚日宣佈同英超球會狼隊簽約，下月16、17日會喺香港搞足球訓練計劃，仲會喺約60位東方U13至U16球員中，揀出2位球員去英國狼隊訓練基地受訓2星期，東方副總監司徒文俊就話：「唔少海外球會希望拓展大中華市場，咁啱狼隊下個月嚟踢七人賽，促成今次合作。」東方早前已同葡甲球會科瓦彼達迪合作，小將梁祐維及馬希偉正喺當地受訓。狼隊嘅董事總經理戴雲普就話，希望喺香港揀到啲有速度、飢渴感、肯學嘢同有腦嘅小將喎。

求驗客手記：東方狼隊結盟搞青訓

以為一切是預期，想彌補當初中五畢業後就當上全職運動員、身上沒有「沙紙」的遺憾，事實卻不是，慧詩說：「17歲中五畢業嗰個年紀，邊會有計劃，我只係計劃過出國讀書，16年（普林俊教練因隱性心臟病突然離世）想退落嚟，然後去美國讀心理學，最後選擇繼續踩車，出國讀書呢個心願到&#134513;家仲未實現。」 讀書，對Sarsh來說不是為求一張「沙紙」，她說：「講起有啲慚愧，我每次完成一個課程，都唔會刻意珍藏嗰張證書，要搵出嚟都幾困難，一個個獎牌反而容易搵，唔似證書得一張紙。或者對好多人嚟講，學習為求一張『沙紙』，但對我嚟講，佢可能係『沙粒』。」

其實Sarah在12年網上修讀神學時曾說過：「我唔係為學位去讀，而係想學書入面嘅嘢。」七年過去，Sarah求學問的態度始終如一，上文說到「沙紙」與「沙粒」，她突然創作靈感湧現的說：「如果我要瞓喺個沙灘上，就需要好多沙，如果冇沙，對我嚟講，唔係去到一個沙灘，而係去咗石灘，瞓上去都唔舒服。」現主修創意寫作的Sarah學以致用，即興創作，留空間給讀者去細想。 難得跟Sarah走在浸大校園，就算下着雨也是賞心樂事，撐着傘的她，罕有地沒被粉絲認出，難怪她覺得校園生活最自由自在，她說：「學校好少有人搵我影相或簽名，佢哋知我嚟係讀書，身份有啲唔同；慶幸初到浸大，就認識幾個志同道合嘅同學，一齊柴娃娃傾偈，佢哋唔會當我高高在上，反而經常笑我，我就係種意呢種同朋友之間真誠嘅互動，呢種純真嘅友誼喺我呢個年紀好難得。」 近期每次訪問Sarah，她總愛將「學業」掛在口邊，就算東奧越來越近，對手密鑼緊鼓爭取每分每秒訓練，她也堅持要完成這個學期的學業，一星期上課兩天，每次三小時，還要應付學校報告及校內試，可幸她找到平衡，她笑說：「朋友都話我變態，我唔太需要hea嘅生活，我鍾意辛苦過後獲得嘅滿足感，好似打完仗後整個人都放鬆嘅感覺；我放假係為咗返學，覺得全職單車、兼職讀書呢種生活幾開心，亦好充實。」

就算跟同學有年齡差距，承認自己outdated（沒跟上潮流），她也樂在其中，Sarah說：「有時同學談論一啲流行歌，我未必會識，主要係我outdated，唔太留意網絡上嘅事物，但每次聽佢哋講，又覺得好開心，佢哋亦好包容，我唔明白嘅，佢哋真係會解釋畀我聽，令我認識更多唔同領域嘅事，亦嘗試從佢哋嘅角度睇事物。」 讀書帶給Sarah，除了學識外，還帶給她很多意想不到的收穫；Sarah中五理科畢業，之後讀過神學以及教大的健康教育，現在是浸大文學院學生，問她是理性的理科人還是感性的文科生，她選擇後者，Sarah說：「我&#134513;家鍾意文學，我唔似其他人識得背誦詩句，但我享受&#134513;家讀嘅creative writing，畀我有時間去整理自己嘅思緒；單車場上，永遠都好忙，好難有靜落嚟嘅時候。」 意想不到的還有在課堂上拿到A的滿足感，Sarah形容比奧運、亞運奪牌更大，兩年多前在教大一科叫「痛症教學」拿到A後，激發她讀書的小宇宙，最終以一級榮譽畢業，她說：「嗰次攞A後，先知道滿足感好大，之後好想喺每一科都做好，我唔係讀書好叻或者一目十行嘅人，但將勤補拙都好重要，同踩單車一樣，唔能夠單靠天份，如果唔努力練習，亦唔會取得好成績。」

作為香港單車界大師姐，亦身兼教練工作，Sarah寄語新晉車手，在抉擇學業及單車的路時，要停一停、諗一諗，以免日後後悔或埋怨，她說：「如果你正喺單車同讀書二選一，諗唔通嗰陣，我覺得都係先讀好書，讀完書仲可以踩車，除非教練同你講：『你好有天份，若你&#134513;家放棄讀書，你一定可以攞到亞洲獎牌』，你就先踩車，否則你喺中學途中放棄學業去踩車，幾年後發現自己唔適合，但身上連一張中學畢業證書都未有，於是開始埋怨，呢樣係我最唔想睇到。」 校園以外，她近九個月的單車事業，可說是打遍天下無敵手，從去年8月雅加達亞運2金，到10月展開東奧計分，她在4站世界盃共奪6金1銅，上月波蘭世錦賽，她連奪凱林賽及爭先賽兩金，是這兩個項目的世界一姐，她歸功於「學業」分散單車上的壓力，應驗一句：「書中自有黃金屋」。

【文青●女車神】細個「我的志願」係警察　李慧詩重返校園想做作家

體育人訪：李慧詩　我的志願

英超爭標形勢緊湊，就連前四席位一樣爭崩頭！禮拜二晚英超補賽，三哥熱刺迎戰要為護級努力嘅白禮頓，全場射咗29腳終於靠丹麥球星基斯甸艾歷臣完場前兩分鐘一箭定江山贏波，延續「無敵」新主場嘅氣勢。賽後領隊普捷天奴大讚艾歷臣「不可思議」，仲話球隊只要做好本份，就肯定拎到英超第三咁話！

賽前仲排緊喺第三嘅熱刺其實非常好彩，事關上一輪佢哋輸咗畀曼城後，其他爭四分子竟然齊齊失分，其中車路士打和咗般尼，阿仙奴同曼聯仲要輸埋，所以熱刺今仗只要贏波，就可以擴大第三位嘅領先優勢。 事實上熱刺實力明顯比白禮頓高一班，一開波就撳住對手嚟打，不過要搶分護級嘅白禮頓非常頑強，以血肉長城嚟頂住熱刺嘅狂攻，其中兩名中堅李維士鄧克同沙恩杜菲，先後瞓身演出護空門，幫白禮頓半場守住0:0。下半場客隊繼續死守博一分，結果熱刺就算瘋狂射波，都過唔到白禮頓門將馬菲賴恩嘅十指關。 眼見就嚟完場之際，熱刺中場艾歷臣突禁區頂推順左腳射門，個波成支箭咁飛向龍門嘅左下角，今次馬菲賴恩飛到盡都救唔到，結果熱刺就靠艾歷臣喺88分鐘呢一腳神奇遠射，一球小勝白禮頓。賽後領隊普捷天奴就大讚艾歷臣係不可思議嘅球員：「艾歷臣嘅表現令人難以置信，佢有能力喺球隊困難嗰時入波，我希望佢未來會留喺熱刺。」 熱刺贏波後以35戰70分排喺第3，新主場喺4月開幕後踢咗4場波全勝（見附表），入咗八球仲要冇失過波，剩低三場聯賽分別對踢緊風流波嘅韋斯咸、般尼茅夫同愛華頓，當中兩場喺主場踢，難怪普帥都話熱刺手握主動權，贏晒三場就攞硬英超季軍，繼續有歐聯踢喇！

至於禮拜二晚另一場英超，修咸頓作客1:1逼和屈福特，其中聖人前鋒沙恩朗，一開波就截到主隊後衞卡夫卡特嘅解圍失誤，單刀將個波挑過屈福特門將賓科士打射入，開波7.69秒就入波，打破咗熱刺京治2000年12月鬥巴拉福特嗰陣，所創下9.82秒嘅英超最快入波紀錄。不過修咸頓無辦法將一球優勢守到尾，去到90分鐘俾屈軍安達格雷射入追平，兩隊握手言和。

求驗客手記：熱刺收「禮」第三穩陣

西甲來到季尾，基達菲、華倫西亞及西維爾仍在競逐第四名以取得歐聯參賽資格，當中前者上仗主場3:0炒西維爾甚精采，周四基達菲主場鬥皇家馬德里，受讓半/一要捧。（球賽編號：星期四13；now632台明日3:30am直播） 文：飛鴻

基達菲是今季西甲神奇球隊，由季初起已長居前列，相比已跌回中游的艾拉維斯，基達菲仍保持穩定水準，周日由雙箭頭佐治摩連拿及謝美馬達包辦三球，主場贈西維爾三蛋，以2分壓過對方升上第4，爭四之戰取得主動權。

雖然基達菲陣中沒有球星，不過其主場威力不容忽視，各賽事近10場作東豪取8勝2負，只曾以1:2不敵巴塞隆拿，以及上月底爆冷吞雷加利斯兩蛋，可見該隊實而不華，摩連拿及馬達聯賽共入27球，威力不下於賓施馬等球星。 首循環開鑼戰，基達菲作客雖然0:2不敵皇馬，不過當時皇馬全場僅得一次中框射門，基達菲失兩球也相當欠運，更何況當時皇馬以歐聯近三屆冠軍身份出戰，氣勢遠比現時強，惟今非昔比，基達菲有力與現時的皇馬分庭抗禮。 另外，基達菲亦是今季西甲其中一支贏盤王，以「讓球」盤計受讓更是筍盤，連同西盃在內今季15次受讓，有多達11次贏盤，比率逾七成，只計主場的話，基達菲作東的比賽有17場，當中12場贏盤，贏盤比率同樣逾七成。

皇馬來到季尾傷兵越來越多，沙治奧拉莫斯、雲尼斯奧斯祖利亞及泰拔高圖爾斯的缺陣最具影響，而皇馬近期全靠賓施馬大勇，連番在重要關頭建功，包辦皇馬近八個入球，才保住近三戰不敗的走勢，不過皇馬的客場戰績始終較弱，近兩場先後不敵華倫西亞及賽和雷加利斯。 另外，皇馬已確定今季四大皆空，就算教練施丹回朝，亦已着手為下季籌謀，而且翼鋒加里夫巴利盛傳今夏會被放棄，並礙於其高薪只能外借予其他球隊（見另文），加上艾斯高等球星去向不明，皇馬球員目前的鬥心相當成疑，今仗作客難讓。

西甲攻略：傷兵滿營心繫下季 艦隊難擋戰鬥「基」 - 飛鴻

開季僅三場，雷諾三場都死MGU-K（Motor Generator Unit-Kinetic）。首戰澳洲，使用雷諾動力系統（PU）的麥拿侖車手辛斯仔（Carlo Sainz Jr）壞MGU-K。第二場巴林，兩位雷諾廠隊車手均因MGU-K問題，直接及間接導致未能完賽。上站上海，雷諾廠手侯根保（Nico Hulkenberg）換上新版MGU-K後，可惜卻因軟件出問題、未能配合新硬件而退賽。事實上，MGU-K一直是雷諾最廣為人知的痛腳。原定2017年初推出的新版MGU-K，延遲約年半至18年中才面世。 F1戰車是每兩星期便「長高」一次、變快變強的「BB」。延遲年半是個怎樣的概念？那就好像等下世才約朋友食飯一樣。當時的用家紅牛與兩屆世界冠軍艾朗素均沒即時轉用，而新版MGU-K則至季尾才穩定下來，並研發至今年。為何問題老是常出現呢？這可能與紅牛轉投本田懷抱有少許關係。 行內一直相信，紅牛F1車廠具備自家dyno測試能力（作為「飲品公司」這並非日常囉）。隨着紅牛離開，雷諾失去可靠dyno測試能力與有關PU與戰車各部份互動的寶貴數據。因此，雷諾早計劃在法國Viry廠房添置一座全新的dyno系統。根據引擎部技術總監Remi Taffin說，它「具備多功能，能測試波箱與引擎的互動、獨立測試引擎、獨立測試ERS及引擎與車尾的互動等」，與其他車廠看齊。雷諾自家新dyno啟用了嗎？二月中，車隊新聞稿Taffin說「快將啟用」。三月中，《紐約時報》引述「波箱dyno剛啟用」。 現在是四月中尾。我的客觀推斷是：雷諾新dyno於最少二月中或以前的真空期，或多或少、直或接間導致目前問題。我估計紅牛亦早預見，這或能解釋何以他們去年底已說「2019年本田至少跟雷諾一樣強」。WAR。 丹尼爾

THURSDAY：F1雷諾PU怎麼了？ - 丹尼爾

蘋果波經：賠率表（球賽編號：﻿星期四 1﻿-16）

〈蘋果波經〉4月份擂台

經過周二的四場NBA季後賽賽事，再有三支球隊順利晉身次圈賽事，速龍以場數4:1淘汰魔術，76人亦以同樣總比數踢走網隊晉級，兩隊會在東岸四強交手，而東岸準決賽席位亦已全部產生。同日拓荒者在西岸首圈第五戰，淘汰雷霆的賽事最為精采，控衞尼拉特（Damian Lillard）攻入個人季後賽新高50分，更在完場前僅0.4秒射入37呎的超遠三分球絕殺，助拓荒者主場以118:115淘汰雷霆，以總場數4:1打入次圈。

領先三場的拓荒者，上半場靠尼拉特獨取34分，打破聯盟季後賽上半場得分紀錄，以61:60稍為領先。不過雷霆第三節展開反擊，即使尼拉特今節再入15分，拓荒者完節仍落後兩分。最後一節，拓荒者更被雷霆打至落後15分，幸好麥高倫（C.J. McCollum）接連得分追近比數，加上雷霆數次失誤及犯規自亂陣腳，尼拉特在餘下32.8秒時突破成功，為拓荒者追平115:115。隨後韋斯卜克（Russell Westbrook）上籃「炒粉」，雷霆最後一擊失手；尼拉特就在最後0.4秒，成功射入37呎的超遠三分絕殺雷霆。入球後，他更向着雷霆後備席揮手說再見，而雷霆已連續三年在季後賽首圈出局。 尼拉特賽後說：「當大家非常努力和團結，就會有好的事在等待。」拓荒者躋身次圈後，對手將會是金塊或馬刺的勝方，金塊同日主場以108:90擊敗馬刺，領先場數3:2。 文：華弟

蘋足全場：尼拉特超遠三分打「雷」 - 華弟

今、明兩天電視節目精選 

【亞洲田徑錦標賽】 【本報訊】多哈亞洲田徑錦標賽第三日賽事結束，上屆獎牌得主楊文蔚和陳銘泰無功而還，前者於跳高以1米75排第5，後者於跳遠資格賽僅跳7米31，位列17，無緣決賽。呂麗瑤昨晚於跨欄決賽亮相，但僅得第四名，無緣獎牌。

亞錦賽兩年一度，上屆楊文蔚以1米80摘銀，首戰亞錦賽即有牌落袋，事隔兩年她再征亞錦賽，試跳1米70和1米75一躍而過，惟3次試跳1米80不果，最終未能突破上月於新加坡所創的1米81個人最佳，與另外兩位選手並列第五。至於陳銘泰上屆於跳遠以8米03奪銀，惟他今屆狀態平平，只於資格賽跳7米31，排第17，隊友高澔塱跳7米32，位列16，兩人皆未能躋身決賽。 徑項方面，以鄧亦峻、李康傑、謝以軒、徐志豪披甲的男子4x100米接力隊於決賽跑39秒91，最終排名第五，潘幸慧則於女子200米初賽跑25秒12，排名20。 亞錦賽周三晚上落幕，呂麗瑤和梅政揚分別出戰女子100米跨欄決賽和男子110米跨欄決賽，前者初賽大勇跑出個人最佳13秒35，決賽跑出13秒32，雖把個人最佳推前0.03秒，惜排「梗頸四」，無緣登上頒獎台。而梅政楊則跑出13秒96，得第八。 記者：洪量丰

楊文蔚陳銘泰失準跌牌

皇家馬德里今季戰績欠佳，今夏勢必出現球員變動，盛傳加里夫巴利將會被清洗，不過皇馬要送走他並不容易，皆因這名威爾斯翼鋒薪金太高，仍乏球會問津，而巴利本人亦無意離隊。 據西班牙傳媒《馬卡報》報道，29歲的巴利目前年薪高達1,500萬歐元（約1.3億港元），對大部份球會來說難以負擔。巴利與皇馬的合約到2022年結束，傳聞曼聯有意在來季暑假以借用的方式把這名翼鋒帶到奧脫福球場，此舉可為皇馬節省不少薪資。 另一邊廂，巴利本人並不希望離開皇馬，據悉其經理人團隊更曾與皇馬球會高層接觸，表明不希望被出售。 性格決定一個球員的命運，學習當地的語言會有助自己融入球隊，巴利自2013年來到皇馬，一直不積極學習西班牙語，平時亦甚少與隊友交流，因而遭到孤立，加上近年來不斷受傷病影響，其身體質素及速度亦不如以往，今季西甲更只射入八球，近10埸比賽只得1球「士哥」，表現慘不忍睹，間接令皇馬失去今季的西甲錦標。 文：安卓斯

特稿：巴利薪高　易請難送 - 安卓斯

德甲RB萊比錫（圖）禮拜二以3:1淘汰德乙嘅漢堡，首次打入德國盃決賽，會同雲達不來梅對拜仁慕尼黑嘅勝方爭奪冠軍。10年前先至成立嘅RB萊比錫，今場由尤素夫保臣喺12分鐘先開紀錄，但上季降至乙組嘅老牌球會漢堡喺23分鐘由巴卡利積達扳平，半場1:1。換邊後，漢堡有贊積錫擺烏龍同萊比錫嘅科斯貝治入波，協助今場曾三度中柱嘅萊比錫以3:1淘汰漢堡，率先晉身5月25日舉行嘅德國盃決賽。

求驗客手記：萊比錫食漢堡入決賽

6寶半全場推介

亞洲羽毛球錦標賽正賽周三於中國武漢展開，港隊男單三子伍家朗、李卓耀及黃永棋晉級次圈，其中一哥伍家朗膝傷初癒復出，首圈與亞運男單銅牌、印尼球手金廷苦戰1小時14分鐘，決勝局以25:23氣走對手。女單方面，張雁宜及葉姵延分別順利過關。 本報消息（中國）

體訊速遞：（羽毛球）伍家朗復出挫金廷

「我哋唔想睇到一個當Fit精英運動員，入讀大學後，體育成績會退步。」香港浸會大學體育及運動學系教授鍾伯光博士表示，浸大由2015年開始設立獎學金予香港精英運動員，每年約十個名額，試辦三年後好評如潮，去年再多批三年，以全額獎學金每年獲42,000港元資助，希望運動員在彈性的授課模式及延長修讀年期下，可以體、學雙線發線，李慧詩就是最好例子。 Sarah獲浸大全額獎學金入讀該校的文學院，在17年9月開始創意及專業寫作文學士課程，今學年修讀三科，每星期上兩天晚課，每次三小時，不會阻礙日間訓練時間，浸大亦放寬精英運動員的修讀年期，可長達10年，就算面對大賽如2020東京奧運，都可放心暫停學業訓練。鍾博士寄語入讀的運動員，一定要對自己的運動負責，繼續努力，造出好成績。

香港體育學院亦提供精英運動員獎學金計劃，近4年跟8間本地大學（港大、中大、理大、浸大、城大、教大、嶺大、科大）簽署「精英運動員學習計劃備忘錄」，資助金額跟浸大相若，體院可推薦精英運動員入讀，合資格運動員必須是現役或退役獎學金運動員；香港奧委會亦於08年成立香港運動員就業及教育計劃，今年放寬資格，由以前亞運或亞錦賽三甲擴展至前八名即可申請教育獎學金，全日制大學課程每年最高資助為60,000港元。 體院亦於15年起推出夥伴學校計劃，協助年輕運動員一邊投身全職訓練，一邊繼續高中學業，不少冒出頭的年輕選手包括男子花劍世青冠軍張家朗、女子重劍世少冠軍的佘繕妡都是受惠於這個計劃。 今年二月公佈的預算案，特區政府將向香港運動員基金注資2.5億元，增加獎學金支援運動員體學雙軌發展，鍾博士期望加大資助範圍：「現在獎學金只可讀一個degree，但香港學士已很普遍，應考慮伸延至資助碩士學位。」 不少精英運動員都透過各資助計劃重返校園，不過，像李慧詩選讀體育以外科目的例子並不多，九成人讀的科目都跟體育有關，如香港110米欄紀錄保持者陳仲泓及香港壁球一哥李浩賢，就選讀體育及康樂管理系。 慧詩第一個學士學位是香港教育大學，有不少亞運獎牌港將都是教大畢業生，包括壁球歐鎮銘、羽毛球葉姵延、划艇駱坤海及李嘉文、空手道李嘉維等。

訪問中請Sarah在白板上隨心寫些東西，她寫了「我的志願」，原來小學曾立志要當警察，到中五後做全職運動員時也記掛着，她說：「嗰時只畀兩年時間自己做全職，冇人會諗過自己係下一個黃金寶，反正我的志願永遠實現唔到。」

當年今日