「Son姐我一直有追看你的專欄，獲益良多。今次當我自己有問題要問，我在公司做了好一段日子，除了每日重複做同一樣的工作，日子很難過之外，其實要多得我不思進取脾氣差兼格衰的老闆唔少（他不是真正老闆只是我的上司，但很喜歡以老闆身份自居）。為人卸膊懶到出汁只識阿諛奉承擦老闆鞋，對其他人毫不留情面動輒破口大罵，實在神憎鬼厭。所以部門人手流失非常嚴重，我其實都很想走，但因有家庭負擔未找到新工作之前不能夠說走就走，只好死忍。最近知道隔籬部門有一空缺，無論職級資歷經驗我都完全脗合，我很想申請但又怕萬一洩漏風聲，被老闆知道會出手阻撓。又怕萬一申請失敗迫於無奈繼續留低，老闆必定會玩殘我肯定沒有好日子過。我究竟應不應該申請好？」 我想講這種靠擦鞋上位狐假虎威飽食終日無所事事惟恐天下不亂的廢柴上司，不只你公司有，我們的特區正苦充斥大量更極品的人辦！慘得過主子只愛聽甜言蜜語，用人唯廢不唯才？ 無論你老闆幾衰格幾賤你還是選擇啞忍繼續做，我相信你這份工作的收入應該不差，令你有所留戀捨不得，因此才一直找不到更好的工作，自我滯留。既然公司內部有空缺你覺得非常適合，你還猶豫甚麼？你怕你老闆秋後算賬，即使是又如何，他能拿你怎樣？如你所言，你的部門人手流失非常嚴重根本不夠人用，你老闆練精學懶，部門工作肯定旨意下屬即是你們來做，逼走你對他亦沒有好處。 至於怕他玩殘你，更是過慮了！由天堂跌落地獄當然無法忍受，你身處十八層地獄已是低無可低，拼死無大害，還有甚麼可怕？ 掌握財經生活資訊，即Like「蘋果ATM」fb專頁啦！ http://fb.com/appledailyatm

【職場慧眼搶先睇】隔籬份工好（張慧敏）

港人強積金投資風險錯配，年輕一族鍾情低風險保證基金，接近退休人士則趕搭尾班車，仍然鍾情炒股。 安聯投資調查顯示，年輕一族（25至34歲）只有57%人於強積金中持有股票基金，較年長人士（50至64歲）的63%低。有65%年長人士更擬在退休後將強積金權益投放在股票，反映年長人士投資態度較年輕人更勇進。 此外，港人回歸現實，逐年降低理想退休金額期望，今年跌3%至437萬港元，另一方面平均預期可儲318萬港元退休，即理想與現實差距119萬港元，按年收窄22%。不過，目前受訪者平均持有127萬流動資產，僅達到預計可儲退休金額的4成。 18區中，九龍城及元朗受訪者對退休最淡定，僅得此兩區受訪者預期可於理想退休年齡之前退休，但同時兩區分別只有20%及10%人表示落實每月定額儲蓄或投資。 調查亦發現，台灣連續兩年成為年輕人考慮外地退休的首選。46%年輕人表示，會考慮到外地退休，當中多達41%人考慮台灣。年長人士則有32%考慮外地退休，但42%首選中國內地。 記者：陳洛嘉 掌握財經生活資訊，即Like「蘋果ATM」fb專頁啦！ http://fb.com/appledailyatm

【MPF錯配】港年輕人太保守臨老先買股票基金！

特首梁振英接受《香港經濟日報》訪問時稱，全國人大委員長張德江下周訪港時，未收到深港通消息，估計不會公佈深港通，「我估人大委員長不會代國務院宣布。希望有驚喜，但體制上不是這樣。」 梁振英重申，香港早為深港通準備好，會向中央爭取盡快開通，亦認同，總理李克強已表態，料未來數月是關鍵。 掌握財經生活資訊，即Like「蘋果ATM」fb專頁啦！ http://fb.com/appledailyatm

張德江訪港送深港通？梁振英：應該唔會！

大宗商品反彈，帶動美股周二早段上揚，道指升110點，報17815點。納指升18點，報4768點；標普500指數升11點，報2069點。歐洲市場方面，英股周二尾段升0.3%，法股升0.1%，及德股升0.4%。追蹤歐洲股市整體表現的Stoxx600指數升0.4%。 標普500指數收漲25.70點，漲幅1.25%，報2084.39點。道瓊斯工業平均指數收漲221.50點，漲幅1.26%，報17928.41點。納斯達克綜合指數收漲59.67點，漲幅1.26%，報4809.88點。 商品價格方面，倫敦期鎳周二曾反彈2%至每噸8660美元，略收復前日之失地。紐約期油今日曾升1.24%至每桶43.98美元，倫敦布蘭特期油升1.86%至每桶44.44美元。 掌握財經生活資訊，即Like「蘋果ATM」fb專頁啦！ http://fb.com/appledailyatm

【美股速報】商品反彈帶挈美股收市漲221點

官永義旗下永義實業（616）今早上演股份爭奪戰，股價狂升！ 皆因永義實業疑似被人狙擊，短短個多月內被兩名投資者龍松之及胡榮掃入合共18.74%股份，若兩人合作增持至30%，將觸發全面收購。 該股今早一開市就逆市爆上，大升超過28%，現報0.28元，升20%，暫成交2810萬股，涉資785.7萬元。 兩人出手掃貨前，永義實業已累升近73%至昨日0.234元收市。 掌握財經生活資訊，即Like「蘋果ATM」fb專頁啦！ http://fb.com/appledailyatm

【瘦田有人…】搶貨啦！永義實業今朝爆升兩成

《彭博》引述知情人士指，中證監正研究限制中概股借殼回歸措施，包括對中概股回歸的估值按照一定市盈率封頂，同時會考慮限制每年中概股借殼回歸數量。 該知情人士指，中證監關注中概股借殼回歸的估值過高，可能導致股市不穩，同時避免鼓吹更多中概股回歸，以免造成大量資金外流，增加人民幣貶值壓力。 據彭博數據指，由於上海及深圳市場估值較高，自去年起至少有47隻在美上市的中資企業收到426億美元的全購提案，而任何新規定都可能影響在美上市企業如奇虎360等，而奇虎360於去年12月簽署了93億美元的私有化協議。 掌握財經生活資訊，即Like「蘋果ATM」fb專頁啦！ http://fb.com/appledailyatm

【回歸無望】外媒︰中證監為中概股借殼回歸設上限

港股未止瀉，開市更跌破2萬關，恒指低開194點，報19,962點，創3月12日以來首次低於2萬點，但近半日收市回順，午後更倒升，全日收報20,242點，升85點；H指全日升35點，報8,486點。但主板成交縮減至597億元。 股份方面，滙控（005）倒升0.7%報48.75元；友邦（1299）升0.8%，報44.4元。資源商品股方面，鞍鋼（347）升2.2%，報3.24元；中煤（1898）跌近0.3%；安徽海螺（914）亦倒升0.9%。 掌握財經生活資訊，即Like「蘋果ATM」fb專頁啦！ http://fb.com/appledailyatm

【港股戰報】港股坐過山車開市曾失2萬關埋單倒升85點

內地最新公佈上月消費物價指數，按月升2.3%，與上月持平，是連續三個月處於19個月的高位。不過，其中食品價格上漲7.4%，畜肉類價格上漲20.1%，豬肉價格升幅更達33.5%，影響CPI上漲約0.75個百分點；至於菜價亦漲22.6%，影響CPI上漲約0.56個百分點。 當局指，受清明節和「五一勞動節」假期因素影響，部分服務價格上漲，而豬肉供應偏緊，亦繼續大幅推高豬肉價格，帶動整體物上升，不過，期內鮮菜供應大幅增加，令鮮菜價格按月跌一成二，物價升幅被抵銷。 掌握財經生活資訊，即Like「蘋果ATM」fb專頁啦！ http://fb.com/appledailyatm

【炒豬肉好過啦！】內地通脹繼續高！豬肉價狂飆三成

不只一次講過，自全球瘋狂印鈔後，牛市熊市呢啲專有名詞已死，換來的只有資金市，有錢有得炒，冇錢早啲唞。資金就係你嘅好朋友，從來都唔會呃人，好似賣盤股鱷魚恤（122）咁，本周三洽商期截止，上周五沽盤突然排山倒海出現，噚日再跌多一棍，傾唔傾得成，答案已寫在牆上，本欄fb亦即時發出紅色警示，戰友應可避過一劫，未like我fb嘅，快啲做嘢喇！ 今日推介滴達國際（1470），如假包換資金新寵兒︰半個月最多爆升五成，跑贏大市幾條街，撇除上市初段，成交更創新高。點解？原來本周四上市滿一年，意味又多一個借殼新目標。公司主打腕錶批發及零售，中期盈利大瀉八成至385萬元，形同雞肋。大股東持貨七成，最新市值只得4億元，用殼股起錶價6億元，一個轉身可以有4.2億銀落袋，相當於盈利109倍，在零售寒冬下，呢個offer非常吸引。 大股東會否食指大動？冇人知，但天時地利人和齊晒，再加聰明錢進場，誠意十足，值得用真金白銀支持！

唐牛 https://www.facebook.com/tongcow88 本欄逢周二、四刊出

魚樂無窮：妙計賺多100倍 - 唐牛

留意近期各國央行動作，會發現一樣嘢，就係個個都話自己底牌係吸手煙，不過唔開住。自今年初日本實行負利率後，只要央行一出招市場就反轉嚟行，即若出招寬鬆，貨幣反而轉強。於是各國央行有顧忌，睇定啲先。 美國係最先用呢個方法，由停QE開始，耶倫念加息緊箍咒一年有多，利率就快加、好快加、即將加，咦咦哦哦講咗成年。 到落實加息後暗示今年會加息4次，再而又話睇定啲，改為可能加3次、2次，任何一次利率會議都可能加但又唔一定加……完全唔理聽眾幾咁難受。當市場預期美國減慢加息步伐，下跌中嘅美元又跌唔落。 日本推出負利率後日圓反而轉強，睇住日圓係咁升，黑田東彥、麻生太郎先後多次講有好多對應政策，一開底牌你就驚，但越講日圓越升。 等到利率會議以為有招出，點知縮手冇動作。上個月美國財政部亦將中國、日本、德國、韓國、台灣列為滙率觀察名單，警告唔好頂爛市。上升中的日圓反而冇再升，定咗喺到。 歐洲央行比日本更早實施負利率，同樣出現歐元不跌反升現象。歐洲央行擴大QE、加大負利率，歐元插一轉就倒升；上個月尾歐洲央行會議冇推出新刺激措施，歐元升一升又微跌，然後停咗喺到。

話自己底牌吸手煙但唔開住，其實就係賣預期，各國央行都喺到賣預期。美國話自己加息路徑係3%至4%，從美國嘅財政狀況推算，理論上唔可能超過6%，實際最多4%左右（詳見舊文《美國會加幾厘息》）。如果平均一年加1%，3、4年已加完，拖長嚟玩美元偏強狀態就可以玩耐啲。 日本央行揸日本國債發行量35%，量寬速度不變，2017年底會揸到50%；日本ETF個池約16萬億日圓，日本央行又揸咗60%。黑田東彥早前講過，貨幣政策可能已經失敗。 因為已被大眾睇死日本央行嘅貨幣政策操作空間有限，每出一次招就越接近冇招，唔出招反而有預期。 歐洲國家之中，丹麥因為唔係用歐元，由歐洲央行減息開始，丹麥克朗已有升值壓力，所以係最早實行負利率的國家，玩咗4年，而今年1月7日已將存款利率由-0.75%略略升回-0.65%。IMF對負利率嘅研究係，最好控制-0.75%內，超過-0.75%負面效果會反噬，超過-2%則會出事。歐洲央行現時隔夜貸款利率0.25%，隔夜存款利率則為-0.4%，同樣再玩嘅空間有限。而且歐元區多一個問題，只要歐元太強，又會炒歐債爆煲問題。 各國央行心領神會退路已經無多，底牌一日未開都可以玩預期，如薛丁格的貓，唔開大家仲可以估多陣。央行留一手，賭美元轉弱嘅人敢唔敢現價大手追沽？賭日圓轉強嘅人敢唔敢現價大手追揸？央行想要的就係咁嘅狀態。 Mr. Tregunter 本欄逢周二刊出

當年今日