英皇證券噚日掛牌，楊家舉家上下都好重視呢一日，全家總動員出席喺港交所舉行嘅掛牌儀式盛事，惟獨唔見咗大女婿張堅庭。 噚日出席嘅家族成員，包括英皇集團主席楊受成，佢太太陸小曼，大女楊諾思，二女（英皇證券董事總經理）楊玳詩，細女楊思思，同埋大仔楊其龍；唔單止咁，甚少露面嘅楊老太都盛裝出席，為孫女打氣；楊受成大家姐丘楊寶春，兩個細佬楊超成同楊力成都嚟捧場。只係細仔身處美國讀書，未能抽空出席；而大女婿張堅庭亦失蹤影。 張堅庭近排忙住拍一齣大陸中產階級嘅電影，已經離棄香港電影市場；最近又同無綫主持一個有獎遊戲節目《一擲千金》，唔知係咪因為咁，唔得閒理外家啲事；不過如果佢將外父家族嘅英皇證券股份，當係電視遊戲節目嘅獎品送出去，以噚日股價高出招股價79%嘅表現，相信會好受觀眾歡迎。而噚日英皇證券強勁嘅股價表現，唔知係咪都得力於楊氏家族嘅強力支持呢？

作為英皇證券董事總經理嘅楊玳詩同記者話，好滿意噚日嘅股價表現，感到好興奮；被問及點樣同啲銀行搶生意，佢話只要個餅越做越大，證券行仍有生存空間，各有各做。 喺上市儀式上，港交所行政總裁周文耀都畀面出席；而英皇證券亦捐咗100萬畀公益金，以取得717靚NO.編號；仲送咗隻金牛畀港交所做禮物，寓意牛市衝天，公關小姐話係向同系公司英皇珠寶買入，所以只係成本價，價值5位數字啫。 LiWaWa@AppleDaily.com

中環在線：張堅庭唔撐外父 - 李華華

大陸股市成交突破3000億元人民幣，反觀港股成交徘徊在500億元範圍，偶爾才升越600億元以上，仍未增至與市值合比例的700-800億元成交，實在相形見絀，亦解釋何以大陸A股牛氣未減。 受可換股票據被兌換成新股沽貨影響，世城（355）昨再跌逾10%，兼失守0.3元，支持位暫移落20日線，宜貼市緊跟買賣盤變化及聯交所SDI資料，才作伺機出擊。另一熱炒股仔華億新媒體（419）亦因可換股票據被兌換，需發行12億股新股，股價受壓至0.2元邊緣。華億早前未能攻克0.3元後沽盤沉重，似乎在0.1元以下持貨者「食糊」者眾。

成功引入「共青團」的基業控股（1182），前陣子以每股1.28元配股集資約7.2億元，由於配股價與當時股價2.6元相距太闊，令基業復牌以裂口下跌，低見1.1元，未幾重上1.7元範圍。 星俠留意到該股近日買盤甚盛，似有重整旗鼓炒上，回補下跌裂口之勢。 基業即將改名為「中青基業集團」，反映其與共青團中央網絡影視中心已取得信任與同意，兩者之合資公司亦會取名「中青網絡文化」。 該股值得憧憬之處，是內地6大連鎖網絡加盟商中，已有兩家合共擁有過千家網吧的連鎖網絡商，有意加盟中青網絡。

魚缸暴炒族：基業有勢再炒過 - 方星俠

股票拋空紀錄

▲美聯王子超說，粉嶺碧湖花園6座高層C室，568方呎，西北開揚景，獲用家以116.5萬元買入，呎價2051元。賣方94年買入，勁蝕135.5萬元，13年跌價54%。

樓市快拍 碧湖花園蝕135.5萬

駿景園基座商場有大型超級市場、便利店、日本城、報紙檔等，食肆有港式茶餐廳、酒樓連上海食館、日式食肆及麥當勞，日常百貨等，最大問題是沒有銀行或櫃員機，處理財務不方便。至於主婦們最重視的買餸問題，超市內選擇有限，大多要步行5至8分鐘抵附近銀禧花園街市。

交通方面，屋苑設有邨巴接駁沙田新城市廣場，是大部份住戶最主要的公共交通工具。若由最遠座別步行前往火車站，要15分鐘以上，頗花腳骨力，沿路無遮無掩好天曬落雨淋。

當年今日