「超人」李嘉誠明日最後一次以主席身份主持長和(001)與長實地產(1113)股東會，之後就正式退休。為咗見證呢個歷史時刻，唔少小股東都打算去會一會超人。

股東會中午後喺超人旗下九龍海逸君綽酒店舉行，往年約有千名小股東出席，聽講，公司預咗今日多幾百人到。

由於開會場地有限，只能容納約500人，以往其他股東被分流到酒店內嘅中餐廳，邊食邊睇電視直播，為應付人流，公司今次會開埋西餐廳，總之保證各位股東有位坐有得食。

講開又講，今日可能係好日子，恒生銀行(011)與「小小超」李澤楷旗下電盈(008) 亦於下午舉行股東會。恒生一向多長情小股東捧場，以往基本都有2,000名股東出席，同時揸住恒生與長和嘅小股東，要留意時間喇。

根據天氣預報，今日多雲有驟雨，提提各位小股東，尤其係老友記，要提早出門呀，而且聽聞早到有着數，就係若然同時持有長和與長實股票，早啲到(最好11點左右喇)，職員可以為你一次過做好兩隻股票嘅登記手續，咁就唔使再為3點舉行嘅長實股東會排多次隊嘞，早到實無壞喇。

蘋果財經，關心你飯碗<br /> http://fb.com/appledailyatm   

全球樓行 Dream House零距離<br /> https://hk.feature.appledaily.com/overseasproperty 

【李華華搶先睇】超人退休股東會 小股東早到有著數

早兩天寫小米上市的定價，讀者討論也甚為熱烈；其中一個題目，是關於所謂的互聯網服務的潛力。毫無疑問，小米的定價，背後其實假設是未來盈利將會有極高的增長；與此同時，另一個假設就是以低毛利的硬件，帶動互聯網服務的收入。

做生意，可以薄利多銷，也可以貴精不貴多；最好當然是價量都高。小米的策略，說穿了，就是透過硬件的薄利多銷，換取互聯網服務上可以賺取更大的盈利。不過，互聯網服務收入，究竟具體又是甚麼？對所謂的新經濟產業，其實一直有個迷思，就是以為只要有龐大的用戶，就自然可以將眼球轉換成收入。對不起，賺錢可不是如此簡單；事實是靠網上服務賺大錢的是極少數，許多公司的實驗，最終是失敗的。

環顧近十年的新創企業，其實大多數都已經放棄了「人多好辦事」的心態，轉而更傳統地，針對某些具體的問題，提出更有效直接的解決方法。我說這條路是更「傳統」，皆因這本來就是做生意應有的心態。

坦白講，今時今日我最怕就是那些「為技術而技術」和「為市場佔有率而佔有」的企業。技術和市場佔有率，其實都不是甚麼；幾多曾幾何時佔了市場大多數的企業，經歷過一次技術和市場環境的躍進，就忽然變成在邊緣掙扎的舊經濟？記得微軟從前的風光嗎？那是一個很深刻的教訓。

我之前也有撰文，指連蘋果也風光不再，如今只是一隻有很強盈利能力，但沒有顛覆能力的股票。但以現在的資金環境和前境分析，17倍左右的市盈率已經反映了以上各種因素。將小米和蘋果雙提並論，我覺得自己已經心存厚道；對比蘋果的價值，小米以60倍市盈率定價上市，是否合理，還是留待大家用真金白銀投票決定。

【利字當頭搶先睇】將小米和蘋果比（利世民）

就咁睇個標題，戰友可能會諗，乜原來A、H股已經可以兩地互通喇咩？其實唔係，所以兩地同股不同價，是合理的，因為現在沒有呢度沽空，另一度買貨交收，冇得玩無風險套戥，所以兩地股價只是最終趨向相同，而不是相同。

有在兩地上市的股份，接近大部分都係A貴過H，係呀，真係有H股貴過A的，就係海螺水泥（914）及鞍鋼（0347），幅度超過5%，咁沽H股買A股係有得做喎，聰明資金都係咁諗，按證監公佈的最新沽空數字，海螺水泥及鞍鋼的累積沽空金額分別有14億元及45億元，佔H股股本約7%及16%，其實真係唔少。

咁樣玩A、H互動，係投資者先玩到，公司似乎冇乜受惠，紅星美凱龍（1528）就示範了如何拿著數。公司主要業務係經營傢具裝飾商場，屬於龍頭企業，青冰睇過國內投行的報告，話紅星美凱龍市佔率11%，領先第二位有7%的居然之家，不要小看這個「居然」，阿里巴巴在2月就斥資54億人仔入股，持15%股權，為上市舖路，看似平平無奇的行業，可能大有商機。

業務如何暫且不說，佢地今年1月回歸A股上市，發行3.15億股，發行價為10.23人仔，折合約39億港元啦，H股股東因此被攤薄了2.35%股權，A股股價表現唔錯，上市後連升六日，最高見過23.72人仔，不過H股股價就慘咯，A股掛牌那天見頂位13.96，六日後見11.54，累跌17%。

可能見到H股股東的慘況，公司在上月公佈大型H股回購計劃，以11.78元回購最多3.88億H股，佔H股總股本的36.6%，涉資45.8億港元，這就是青冰所說的受惠了。A股集資了39億，在H股回購就用咗45.8億，一來一回只動用了6.8億銀，大股東在A股上市前持有68.4%股權，但搞完上市再回購後，持股量升至69.8%，雖不至於空手入白刃，但呢6.8億認真抵玩，因為唔係大股東錢嘛。順帶一提，大股東能否受惠，在於H股股東是否接納，以現時股價睇，都可以考慮嘅，不過若然之後升上十二、三蚊，就冇人會沽俾你喇。

【名家搶先睇】AH互動 高沽低買（青冰）

電能（006）早前豪派特別息6元，今日股東問會否繼續派特別息，主席霍建寧表示，「派息係幾爽，之前派幾多？6蚊？嘩！」之後更有股東追問會否私有化，甚至轉為信託，將盈利悉數派出，見慣大場面的霍大班都忍不住講句：「嘩，真係好狼！」

他表示，當然希望繼續有生意做，「睇下今年點啦」，指如果沒有發展時，才會考慮將錢派出。

他又提到，早前合併失敗是很可惜，但都會順從股東意願。

另有股東問6號仔與2638（即港燈）有何不同，他表示，「梗係唔同，一個港燈，一個係電能；港燈係香港單一業務，電能就海外。」

當年今日