上個禮拜仲喺越南，今日就去湖南嘅財經事務及庫務局局長馬時亨，噚日喺會計師公會周年頒獎及畢業禮舊事重提，講關於重開已經冇咗嘅期貨交易可行性，佢話由於中國情況改變咗，𠵱家提番呢個課題出嚟，係要做多啲研究工作，因為牽涉到交收同貨幣問題。 佢仲話前日李國寶已經提過由中國銀行香港總裁和廣北組織一個小組，特別去研究期貨交易點進一步推行。馬仔又話好有信心香港方面可以好快達致國際水準，反而最緊要係定位，以及做邊方面期貨。 馬仔今日下晝兩點又馬不停蹄飛去武漢，兩三個鐘頭機程就到，即刻會見湖南省領導，之後少不免晚宴洗塵，禮拜五至返港。

會計師公會會長陳茂波亦有出席活動，佢就日前該會攝製嘅一輯出位短片解畫，話會計師嚴肅一面亦有輕鬆嘅一面，都係一個嘗試啫。華華都睇過條片，覺得好開心，無傷大雅，唔需要太保守。 會計師公會專業資格課程喺99年開辦，今年有551名畢業生，係歷來最多人畢業嘅一屆，亦較去年349人多咗58%。由於呢啲畢業生仍須累積三年實際工作經驗先至可以成為會計師，所以佢哋要到09年至可以取得會計師資格。 李華華 LiWaWa@AppleDaily.com

中環在線：馬時亨舊事重提

一日大跌，一日大升，港股喺17000水平反覆，暫時都係上落市，期指大升178點，由低水變番高水。 荃灣青龍頭住宅地底價3000萬，結果以5300萬元成交，買家係新地（016），大雞食細米，出人意料之外。大藍籌全面報升，但建設銀行（939）同中石油（857）有好多窩輪到期，股價會有壓力。 內地宏調未完，有消息話國慶之後會再加息，一眾內地房產股齊齊腳軟，中國海外（688）創完新高後回頭，調整一下，係好事，呢隻股票流通貨源九成在基金手中，整固後再創新高可期。 月初推介華基光電（155），股價由0.59元急衝上0.68元，調整後噚日升勢又再現，收0.61元，升2仙，兩次拋離10日線（0.59元），升破前高位0.68元後，可向1元水平推進。華基牛皮整固3個多月，大戶收集完成，等機會造上。 益安（082）衰收尾，成個破位而上仲有大成交支持嘅大好形勢，臨尾10分鐘完全破壞晒，有目的嘅沽盤好明顯係要質到最低收，消息話公司要做「披成」，如果「晒士」唔大，而貨源又係自己友同基金攞晒，好戲仍會在後頭。

華翔微電（1195）消化完，睇勢又會炒一轉。7月底初次推介，股價立即有反應，由1.09元湧上1.35元。 華翔近1個多月來，形成另一個小圓底，現時股價已重上3條平均線之上，一衝破1.17元阻力，可重上1.35元高位。 華翔主要產銷印刷線路板，行業好好景，集團業績亦有好表現。06年度（6月結）盤數好快會知，半年已賺5060萬元人民幣，估計全年可達1.02億元人民幣，每股盈利折實21.2港仙，以保守的8倍計，股價已可見1.60元。 華翔主席林萬強上周四減持1000萬股，每股作價1.05元，減持後股價升上1.17元，看來貨源應落在強者手中，可以憧憬。 郭兆誠

股路縱橫：技術轉強華翔有力再上

一份好的家居保險合約，要注意個人法律責任保障額是否足夠，保額當然愈高愈好，市面上家居保險的個人法律責任保障額一般達500萬元。另外，要留意有沒有所謂的自負金額，俗稱「墊底費」，尤其有關第三者財物損失的索償是否有墊底費。

專家：留意墊底費

外幣存款息率

【本報訊】恒安國際（1044）昨公布，截至6月底中期純利升61.94%，至3.3億元，較花旗預期多25%；每股盈利30.58仙，升61.97%；中期息0.18元，升50%。恒安股價昨顯著造好，收15.98元，升6.7%。

期內營業額增41.2%至20.38億元，紙巾業務仍為主要增長動力，佔總收入43%；衞生巾及紙尿褲分別佔30%及25%，三者營業額分別增45.8%、34.1%及54.8%。雖然原材料價格上漲，惟受惠於人民幣升值及推出毛利率較高的高檔產品，令整體毛利率升0.9個百分點至41.5%。副主席許連捷稱人民幣每升值1%，可帶來2%的盈利貢獻。財務總監盧康成預料全年資本開支約6.5億元，用作興建新廠及添機器。

恆安業績佳股價升6.7%

無論大屋或細單位，居住空間多或少，每個人都想有個安樂窩，住得舒適。不過，假如樓上樓下，隔籬左右有個唔生性嘅鄰居，美夢便破碎。在《Unwantsforum》就有一個投票，選出缺德的鄰居行為，共有420人投票，最多人選「製造噪音」最討厭，有163人，比例約39%；其次係揀「出入關門特別大聲」亦可惡，有73人，約17%；第三係「任由小孩大吵大鬧」，有59人，佔14%。 以上三類缺德行為比例共70%，全部都與聲浪有關，反映普羅大眾最憎嘈喧巴閉。其實可以理解，香港地小，人多車多，周圍環境已夠嘈雜，返到屋企，當然想唞一唞，靜一靜，瞓覺好。 其他缺德行為，仲有半夜吵架、倒垃圾只放垃圾筒面及旁邊。不過，住喺平台單位嘅網友bbstar601mk則身受其害：「我個平台基本上是個垃圾總會，每天清掃都徒勞無功，樓上將用過啲煮食油同菜，一併倒下來；牙籤、廁紙、馬經、六合彩票......一大袋垃圾亦倒下來，簡直嬲到震，向業主立案法團反映過，但佢哋無理會，因為主席都有份掉。」 網友魯肅亦唔好彩：「我以前屋企對面有人借大耳窿，係我屋企對面勁拍門追數，搞到我勁驚，仲搬走埋。」 此外，現行法例中，特設《噪音管制條例》，專門針對由裝修工程引起噪音，噪音管制時間為平日晚上7時至翌日上午7時，以及公眾假期（包括星期日）任何時間。在管制時間內，無領有「建築噪音許可證」而施工，最高可被罰款10萬元。記者認為，受害人如果勸喻對方無效，就應報警，由警員上門調解。 hitrate指數：2850次

生活Blog：製造噪音鄰居最乞人憎

【本報訊】正當近期多個全新及貨尾盤有不俗的銷情，樓市氣氛略為好轉之際，部份在去年跌市前開售的新盤，正面臨撻定危機。市場指出，恒隆地產（101）的長沙灣碧海藍天，新近錄得1座高層C單位以低市價5%，蝕讓達20%成交。 該盤乃去年底乘西九龍賣地成績理想，10月解封重售，並挾12個月或18個月特長成交期促銷，至今轉眼1年，這批買家上會期迫在眉睫，但市道又未見起色，約10至20%業主寧願蝕價一至兩成求售甩身。

近期數個一手盤消耗大批購買力，二手市場承接力則偏軟。利嘉閣地產市務經理陳轉玉表示，碧海藍天一名投資者以低於市價5%，262萬元售出1座高層C單位，662方呎，呎價3958元，較去年10月327萬元買入價，勁蝕近20%，達65萬元。 碧海藍天在去年底樓市大跌前重推，一眾西九龍沿線新盤包括長沙灣宇晴軒、碧海藍天及大角嘴一號銀海及君滙港，當時均藉西九龍賣地消息造好趁勢開賣，爆發一輪西九龍新盤大混戰。 恒隆為催谷碧海藍天銷情，發展商曾揚言以「麵包平過麵粉價」開賣，意指售價有「水位」之外，並設12個月及18個月長成交期。消息指，當時賣出至少逾300多伙，呎價約4800元，普遍選用樓價15%首期，1年成交期付款方法。

事隔將近1年，這批買家面臨上會抉擇，惟市道又無甚起色，代理指，約220個二手放盤中，10至20%業主不惜忍痛，以低於買入價一至兩成放售，雖然「平貨」湧現，惟部份蝕讓放售單位仍乏人問津。 除碧海藍天，近這兩年開賣新盤，不少都出現蝕讓情況。將軍澳怡心園2座低層D室，781方呎，剛以177萬元成交，呎價2266元，低市價2%；原業主持貨2年，蝕17萬元，貶值8.8%。紅磡海逸豪園7座高層G室，682方呎，290萬元售出，呎價4252元，原業主04年底買入，蝕25萬元，幅度達7.9%。

一號銀海將於今年底落成，君滙港料明年中至第四季入伙，市場擔心，樓市遲遲無起色，新盤蝕讓或撻定陸續有來。

當年今日